Мультимедиа және тележурналистика бойынша бакалавриат бағдарламасы БАҚ, журналистика және ақпараттық коммуникация салалары бойынша мамандар даярлауға бағытталған. Бағдарлама журналистиканың және БАҚ-тың басты бағыттары мен проблемалары бойынша негізгі білімді, соның ішінде: осы саладағы зерттеулер жүргізу әдіснамасын; деректерді жинау және талдау, деректерді визуализациялау дағдыларын; баспа және мультимедиалық элементтері бар интернет-басылымдарға арналған материалдарды; журналистік контентті ілгерілету үшін маркетинг және медиа дағдыларын; теледидар және радио-бағдарламаларды жасауды үйретеді.
Журналистика бағдарламасы бес негізгі бағытқа назар аударады:

• Видеожурналистика;
• Аудиожурналистика;
• Журналистика және мәліметтерді визуализациялау;
• Ақпараттық коммуникациялар, медиа және саясат;
• Медиа теориясы мен негіздері.

• Журналисттің құқық негіздері, этикалық тұжырымдамалар, маркетинг, медиаменеджмент, бұқаралық ақпарат коммуникациясының тарихы мен теориялары, сондай-ақ кәсіби журналистикада шешімдер қабылдау кезінде сыни талдауды үйренту;
• Журналистік материалдардың барлық түрлері мен жанрларын, соның ішінде теле және радиобағдарламаларды, баспа және интернет-басылымдарды, мультимедиялық мақалаларды, бейне және аудиоматериалдарды, ақпараттық және зерттеу мақалаларын дайындау;
• Деректерді ұсыну, инфографика мен мерзімді жарияланымдар жасаған кезде визуалды композиция негіздерін, жобалау дағдыларын қолдану;
• Аудио, видео және графикалық дизайнды редакциялау үшін бағдарламалық қамтамасыз ету білімі мен дағдыларын қолдану;
• Ғылыми зерттеулер жүргізуге арналған деректерді жинау, талдау және жүйелеуді үйрену.

Бағдарлама түлектері журналистиканың кез келген саласында, соның ішінде теледидар мен радиода теледидар режиссурасы мен продюсерлік, онлайн басылымдар мен баспасөзде  (жаңалықтар редакциясында және одан тыс жерлерде) журналист ретінде жұмыс істей алады. Сондай-ақ фотожурналистика, бейне және кинематография, жаңалықтар мен көркем шығармаларды редакциялау бағытында мансап құра алады. 

1. Журналистика үшін ағылшын тілін білу маңызды ма?
Журналистика мамандығы ағылшын және қазақ тобы деп екіге бөлінеді. Ағылшын тілді топқа түсу үшін Intermediate (B1) деңгейінде білу маңызды.

2. SDU журналистикасын бітірген соң жұмыс табу оңай ма?
SDU журналистикасының оқу бағдарламасында міндетті өндірістік практика мен Beta Career бағдарламасы болашақ жұмыс орныңызды нақтылауға көмектеседі. Сондай-ақ SDU бакалавр дипломы медиа саласында телеарна, сайт, радио журналисі және кәсіби фотограф, журнал дизайнері болып жұмыс істеуге мүмкіндік береді.

3. Қандай пәндер оқытылады?
SDU журналистика мектебінде 1-курста көбіне MDE сабақтар яғни тілдер мен өзге салаларды оқи аласыз. Мысалы түрік тілін екі жыл оқу мүмкіндігі бар. 2, 3-курста негізгі пәндер оқыталды. Мәселен Медиадизайн, Журналистикадағы құқық және этика, Зерттеу журналистикасы, Мультимедиа және AI, Дата журналистика пәндері өтіледі.

4. Диплом алған соң өндірісте кім болып жұмыс істеуге болады?
Бағдарлама түлектері журналистиканың кез келген саласында, диджитал және онлайн БАҚ-та жұмыс істей алады. Журналистика мен бұқаралық коммуникация саласында ғылыми зерттеулер жүргізуге қабілетті. Түлектеріміз ЖОО жас маман ретінде бакалавриат және магистратура студенттеріне  сабақ беруге мүмкіндігі бар.