Ақпарат – XXI ғасырдың мұнайы. Сондықтан бүгінгі қоғамға үлкен деректерді зерттеп, зерделеп, сол деректерден керемет оқиғалар мен тұжырымдар шығара алатын дата журналистер ауадай қажет. Біздің бағдарлама осы қажеттіліктің орнын толтыруды көздейді. 18 ай ішінде сіз кәсіби деңгейде датамен жұмыс істей алатын, дата арқылы кез келген мәселенің шынайы бейнесін көре алатын, әрі оны инфографика, иллюстрация сынды визуал элементтермен тартымды форматта аудиторияға жеткізуге қабілетті сапалы маман бола аласыз. Біздің бағдарламамыз арқылы кәсіби машығыңызды жетілдіріңіз әрі білім жолындағы керемет естеліктерге ие болыңыз.

1. Медиа сауаттылық – (5 ECTS)
   
   Барлығы: 5 ECTS
   
   Егер бакалавр дәрежесі туыстас мамандық болса, пререквизиттерді тапсырудың қажеті жоқ.

• Қазақ журналистика тарихы
• Заманауи журналистиканың жанрлық формалары мен қызметтері

• Дата журналистиканың негізгі ұғымдарын жіті түсінеді және академиялық, кәсіби ортада дата саласына байланысты конструктивті пікірталас жүргізе алады;
• Дата бірліктерді классификациялап жиынтық құра алады әрі онымен тиімді жұмыс істей алады;
• Толық емес немесе шектеулі ақпараттан дұрыс пайымдар, тұжырымдар шығара біледі, сондай-ақ үлкен деректер массивімен де жұмыс істей алады;
• Бүкіл кезеңдері мен ерекшеліктерін терең түсіне отырып, идеядан бастап, соңғы өнімге дейінгі аралықты қамтитын дата жоба жасауға қабілетті;
• Озық веб-құралдар мен бағдарламалар көмегімен деректер жиынтығын визуал тұрғыдан тартымды әрі түсінікті форматтарға ауыстыра алады;
• Дата жоба өндіруде топпен бірлесіп жұмыс істей алады;

Бұл бағдарламада үйретілетін білім мен дағдылар нарықта үлкен сұранысқа ие. Сіз, ең алдымен, беделді, танымал редакцияларда жұмыс істей аласыз.  Бұдан бөлек, ақпараттық технологиялар, маркетинг, экономика салаларында қызмет ете аласыз.  Біз курс барысында магистранттарға жұмысқа орналасу, мансаптық өсуге қатысты кеңестер беруге дайынбыз.

Біздің көп магистрантымыз күндізгі уақытта жұмыс істейді, сондықтан біз сабақты сізге ыңғайлы кешкі уақытқа немесе онлайн форматта ұйымдастыра аламыз.

Датамен кәсіби деңгейде жұмыс істей алатын мамандар қазіргі таңда үлкен сұранысқа ие. Себебі отбасылық институттан бастап, экономика, медицина, саясат және білім беру саласындағы цифрлы деректер өңделмей жатыр. Сондықтан осы деректер арқылы құбылыстардың динамикасын, бағыт-бағдарын терең түсініп, талдап, мәселеге шешім ұсынатын маман аса қажет. Біздің бағдарлама осы қажеттіліктерді сапалы әрі кәсіби тұрғыда жүзеге асыруға көмектеседі. Сіз осы дағдыларды үйрене отырып, кәсіби біліктілігіңізді ұштайсыз әрі жаңа мүмкіндіктерге жол ашасыз.

• Өзін тұрақты түрде жетілдіріп отыратын, жеке ерекшеліктері мен қабілеттерін тиімді пайдалана алатын, датамен кәсіби деңгейде жұмыс істей алатын заманауи маман дайындау; 
• Үлкен көлемді деректерді жинау, өңдеу, сүзгіден өткізіп, логикалық негізі бар гипотеза құрастыру дағдыларын сіңіру;
• Өңделген датадан мағына мен оқиға желісін шығара алатын әрі оны визуалды элементтермен аудиторияға әдемі жеткізе алатын дата журналист шығару; 
• Кодтаудың негізгі ерекшеліктерін білетін, датаны өңдеуге қажетті соны технологиялар мен бағдарламаларды жақсы меңгерген магистрлар дайындау;
• JSON, CSV сынды ақпараттың түрлі форматтарымен жұмыс істей алатын, толық өңделмеген форматтағы ақпараттарды өңдеу, түзу жолдарын үйрету;
• Кәсіби тұрғыда өзара сабақтасқан, бір-бірін жетілдіруге ықпал ететін түлектер қауымын қалыптастыру.

Қазақша