ON 1. Көптілді білім беру кеңістігінде кәсіптік тілді үйренуге байланысты, басқа ғылым салаларымен интеграциялау арқылы арнайы пәндердің тығыз байланысында коммуникативті және кәсіби құзыреттіліктер мен шеберлікті қалыптастырады.
ON 2. Білім берудің жаңа парадигмасына сәйкес білім беру бағдарламасы бойынша оқу үдерісін ұйымдастыруда педагогикалық, психологиялық жаңашыл  әдістер мен технологияларды,  көрнекіліктерді пайдалану  арқылы  ақпараттарды жинау, талдау, өңдеу   тәсілдерін  жан-жақты қолданады.
ON 3. Әр түрлі психологиялық тенденциялар мен теориялардың мазмұнын игере отырып, әлемнің және Қазақстан Республикасы көрнекті ғалымдарының жоғарғы оқу орындарындағы психология мен педагогика ғылымын зерттеп, педагогикалық процесті ұйымдастыруда қосқан үлесін игеру. Денсаулық сақтау саласындағы адам ағзасының дамуының негізгі ережелерін және оның патологиясын, адамның мінез-құлқына әлеуметтік және психологиялық әсерін білуі , оқыту теориясы мен білім беру қызметінің құрылымын түсіне білу және білім беру процесінің барлық деңгейлерінде жүйелік психологиялық көмекті ұйымдастыру.
ON 4. Кәсіби маман ретінде шығармашылық, зерттеушілік көзқарасы қалыптасады. Ақпаратты іздеу негізінде педагогикалық зерттеулерді жүргізуді жоспарлуды және ұйымдастыруды игереді. Заманауи ақпараттық оқу құралдарын қолдану тиімділігінің шарттарын бағалауды және кәсіби қызметті пайдалану үшін эксперименттік зерттеулерді жинау және өңдеу нәтижелерін талдауды үйренеді.
ON 5. Жалпы мәдени, ақпараттық-талдамалық құзыреттілік пен тұлғааралық және коммуникативті қасиеттердің қалыптасуы мен дамуына ықпал ететін гуманитарлық пәндер саласындағы білімді игереді. Әр түрлі әлеуметтік жағдайларды жеткілікті бағдарлай біледі және белсенді өмірлік позицияда шешім қабылдай алады. Адамның әлеуметтік шындыққа байланысты білімдерін педагогикалық мақсатпен сабақтастықта біріктіреді. Ол адамның дамуына ықпал ететін технологияларды жасаушы тұлға ретінде қалыптасады.
ON 6. Болашақ мұғалім мектептің тұтас педагогикалық үдерісін және білім беру мекемесіндегі тәжірибелік іс-әрекетті жүзеге асыруды, басқару туралы білім негізін меңгереді және кәсіптік құзыреттілігін қалыптастырады. Болашақ маман дүниетанымдық ұстанымын дамытып, теориялық білімдерін практикалық біліктіліктерге алмастыру қабілеттерін қалыптастырады және өздігінен білім алу, инновациялық және шығармашылық ғылыми-зерттеу іс-әрекеттеріне дайындығын арттырады.
ON 7. Әр түрлі оқу орындарында оқушылардың психологиялық-педагогикалық диагностикасын жүргізе білу; білім беру ұйымдарында педагогика мен психологияны оқытудың теориясы мен әдістемесі бойынша білімді пайдалану; педагог-психологтың қызметін реттейтін қажетті құқықтық және нормативтік құжаттарды қолдану; педагогика мен психологияны оқытудың негізгі жетістіктері мен әдістерін практикада қолдану негіздері туралы білімді игереді.
ON 8. Баланың (балалар тобының) кәсіби құзыретті психологиялық сипаттамасын құра білу, психологиялық проблеманы анықтау, оны шешу жолдарын пысықтау; өз ойларын сауатты, еркін және оңай тұжырымдай алу, қорытындылар жасай білу дағдысын игереді. Ғылыми-зерттеу жұмысының нәтижелерін өңдеу және бағалау; педагогикалық ұжыммен, ата-аналармен, балалармен тиімді қарым-қатынас орнату мүмкіндігі; белсенді тыңдау, байланыс орнату, кері байланыс алуға қызығушылық және оған барабар жауап бере білу негізді кәсіби құзыреттіліктерді қалыптастырады.
ON 9. Студенттер оқыту ісінде теориялық даярлық, қоғамдық, педагогикалық және арнайы ғылымдарды үйрену арқылы практикалық- педагогикалық қызметпен үйлестіре ұйымдастыру дағдысын қалыптастырады. Теория мен практиканың байланысын кәсіптік даярлаудың күрделі диалектикасы ретінде қамтып, оны ұйымдастырудың негізгі тәсілдерін меңгереді.
ON 10. ХХІ ғасырдағы педагогиканың дамуы мен оқытуды жеке тұлғаға бейімдеу, қолжетімді әрі тиімді жоспарлау және оны жүзеге асыруда цифрлы технологияны қолданудың сипаты мен тетіктерін оқып игереді. Цифрлық технологиялардың қағидалары мен теориясын педагогикалық үдерісте қолданудың тиімді жолдарын үйреніп, оқу қызметін электрондық және мобильді технологиялар контексінде пайдалану дағдысын қалыптастырады және педагогика мен психологияның цифрлы мүмкіндіктері мен күрделі жүйелерін оқыту технологияларын лайықты қолдана алады.

• Орта білім беретін мектептерде педагог-психолог;
• Мектепке дейінгі білім беру мен тәрбиелеу мекемелерінде педагог-психолог;
• Орта және арнаулы білім беру мекемелерінде педагогика және психология пәндерінің оқытушысы;
• Түзету мекемелерінде педагог-психолог;
• Балалар мен жасөспірімдерді дамыту орталықтарында педагог-психолог;
• Арнаулы білім беру мен тәрбиелеу мекемелерінде педагог-психолог;
• Балалар құқығын қорғайтын мекемелерде педагог-психолог.

Тәжірибе базалары:

1. № 10 Жалпы білім беретін мектеп
2. “Күн бала” Даун синдромы бар балалар мен жасөспірімдерге көмек көрсету ҚҚ
3. “Parasat Almaty” мектебі
4. “Intensive +” балалар коррекциялық орталығы
5. “Педагог Академиясы” ҚБ және т.б.