Білім бакалаврын дайындау бағыты бастауыштың педагогикасы мен оқытудың әдіснамалық заманауи аппараты туралы кешенді іргелі теориялық дайындықты қалыптастыруға, студенттердің бастауышта педагогика мен психология, методология бойынша теориялық және практикалық білімдерін тереңдете, басқа ғылым салаларымен кіріктіруге, ғылыми таным-түсініктердің әдісі мен формасы туралы білім берудің заманауи концептілерін меңгертуге бағытталған.
Бастауышты оқытудың педагогикасы мен әдістемесінің ғылыми-базалық аппаратын, терминологиясын, қызметін, бастауыш кезеңдегі балалармен жас ерекшеліктеріне сәйкес жұмыс істеудің қазіргі жағдайы туралы, оқыту әдістемесі қарастыратын өзекті мәселелері туралы білімді меңгереді. Қоғам мен тұлғаның дамуындағы бала тәрбиесінің рөлін, балалардың жас ерекшелігі психологиясы мен педагогикасының бүгінгі мәселелерін, оларды оқыту әдістемесін жан-жақты аспектіде қамти отырып, осы ғылым салаларының қолданбалы мүмкіндіктері мен философиялық-әдістемелік аппараты арқылы жаңа жетістіктерді меңгеріп, сыни тұрғыдан бағалай білу және зерттеу біліктіліктерін алып шығады.

•  Базалық білімі арқылы өзінің жалпы мәдени, ақпараттық-аналитикалық, тұлғааралық-коммуникативтік қабілеттерін қалыптастырады.
• Математика мен информатиканы бастауыш сыныпта инновациялық технологиямен оқытады.
•  Бастауыш сыныпқа қажетті озық тәжірибелерді игеріп, оны оқушы сауаттылығы мен тілін дамытуда еркін қолданады
• «Жаратылыстану» және «Адам және қоғам» саласының материалдарына өздігінен теориялық талдау жасайды.
• Ұлттық және рухани құндылықтарды болашақ ұрпақ санасына сіңіруде музыка мен бейнелеу өнері, қол өнер бойынша білімін тереңдетеді.
• Бастауышта оқытуда ақпараттық коммунникациялық технологияларды сабақ үдерісінде кәсіби мақсатта қолдана алады.
• Кәсіби қарым-қатынас мәселелерін шешу мақсатында орыс, ағылшын және түрік тілдерінде қарым-қатынас жасайды.
•  Ұйымдастырушылық қабілеттерін кәсіби деңгейде практикада қолдана біледі.
• Педагогика саласындағы ғылыми-теориялық зерттеулердің методологиясы мен STEM білім берудің негізгі тәсілдерін меңгереді.
• Мақсаты:
  1. Бастауышта білім берудің базалық мазмұнын терең меңгеру, кәсіби құзыреттілікті қамтамасыз ету, сапалы кәсіби білім алу;
  2. Білім беру жүйесіндегі ақпараттық-коммуникациялық және педагогикалық-инновациялық технологияларды, педагогика-психологияны толыққанды игеру;
  3. Жалпы адами және әлеуметтік-тұлғалық құндылықтарды қалыптастыру;
  4. Бәсекеге сай жан-жақты дамыған, шығармашылық ойлау қабілеті жоғары, іскерлік дағдысы қалыптасқан, кәсіби біліктілігі жоғары жаңа формациядағы педагог мамандар даярлау.

Бастауыш білім саласында: мұғалім, тәрбиеші;

• Педагогика, әкімшілік істер т.б. салаларда: білім беру мекемелерінде мұғалім, ғылым істері жөніндегі маман, әкімшілік іс-қағаздарын жүргізуші;
• Білім беру орталықтарында педагог;
• Білім беру менеджменті бойынша: оқу ісі, ғылыми және тәрбие жұмыстары бойынша әкімшілік қызметкер;
• Арнайы оқу орталықтары мен колледждерде: оқытушы, куратор