Minor
Барлық бағдарламалар білімгерлері үшін
Факультет
Педагогика және гуманитарлық ғылымдар факультеті
ECTS
15
Оқыту тілі
Қазақша
Бағдарлама цифрлық дәуірдегі оқыту дизайнының ерекшеліктерін үйретуді мақсат етеді. Бағдарлама заманауи ақпараттық технологияларды енгізу арқылы қашықтан оқыту әдістерін жасауға бағытталады. Оқыту дизайны оқу мақсатынан, оқу материалдарынан және цифрлық құралдардан тұрады. Бағдарламаны құрайтын пәндер мазмұны цифрлық дәуірдегі педагог, сабақта онлайн платформаларды қолдану, білім алушының ақпараттық құзыреттілігін арттыру, бағалаудың түрлі тәсілдерін, мұғалімнің кәсіби бағдарын анықтауды қамтиды. Нәтижесінде білім алушылардың білімін тәжірибеде бекітуге, білім алушылардың үлгерімін бағалауға, сабақта сапалы оқу ортасын қалыптастыруға, инклюзивті білім беру жағдайында тиімді стратегиялар таңдай алуына қажетті жаңа технологиялармен танысады.
- KZL 320 Білім берудегі цифрлық технологиялар
- KZL 429 Бағалаудың өлшемдік технологиялары
- KZL 450 Мұғалімнің кәсіби бағдары және инклюзивті білім беру
Оқыту қазақ тілінде жүргізілетіндіктен қазақ тілін меңгеру деңгейі В1-ден төмен болмауы қажет (сертификат немесе транскриптте деңгейі көрсетілген «Қазақ тілі» пәнін игеруі).