SDU University мекемесінің Extension School орталығында «WinterED 2024» – университет оқытушыларына арналған 72-сағаттық трансформациялық кәсіби даму бағдарламасы өтуде. Іс-шараның негізгі мақсаты – Қазақстанда білім саласындағы өзекті идеяларды таныту және ЖОО оқытушыларының біліктілігін арттыруға үлес қосу.

Бағдарламаға SDU University, Назарбаев Университеті, Колумбия университеті (АҚШ), Гарвард университеті (АҚШ), Кембридж университеті (Ұлыбритания), Сока университеті (Жапония), Витаутас Магнус университеті (Литва) және көптеген басқа әлемдік университеттерден ғылыми, педагогикалық және зерттеу тәжірибесі бар профессор-спикерлер шақырылды.

«WinterED 2024» оқытушыларға асинхронды-онлайн форматтағы оқытудың динамикалық үйлесімін ұсынады. 30 кең ауқымды тақырып, бизнес, әлеуметтік ғылымдар, инклюзивті білім беру және зерттеуді қамтитын төрт мамандандырылған салалар төңірегінде құрылған идеяларды қамтиды. Бағдарлама 2 апта бойы арнайы LMS платформада онлайн-асинхронды форматта өтеді. Бұл қатысушыларға ыңғайлы уақытта бейне жазбаларды қарауға, қосымша материалдарды оқуға, тапсырмаларды орындауға, және платформаға жүктеуге мүмкіндік береді. Бағдарламаны аяқтағаннан кейін қатысушыларға олардың білімдерін растайтын сертификат беріледі.

Бағдарламаның ашылу салтанаты офлайн форматта SDU University ректоры Әлімжан Игенбаевтың қатысуымен өтті. Сондай-ақ, арнайы қонақтар ретінде Инклюзивті білім беру бойынша жетекші маман, PhD, Кэмбридж университетінің түлегі – Камила Роллан, SDU University Бизнес мектебінің қауымдастырылған профессоры, Гарвард жоғары білім мектебінің Басқаруды дамыту бағдарламасының түлегі – Мария Еселева-Пионка; Бирмингем университетінің докторант зерттеушісі – София Батт; Стратегиялық менеджмент кафедрасының доценті, профессор – Анджан Гош қатысып, өз тәжірибелерімен бөлісті.