Университетімізде сыбайлас жемқорлықты жоюға бағытталған «Адалдық сағаты» жобасының аясында дәріс өтті. SDU студенттері мен қызметкерлері, жергілікті әкімшілік өкілдері қатысқан шарада жемқорлықсыз қоғам құрып, білім беру саласында бұл дертпен күресудің жолдары қарастырылды.

Білім сапасын арттыру мақсатында SDU University 2018 жылы Академиялық адалдық лигасына мүше болды. Лига жыл сайын қауымдастыққа кіретін университеттердегі оқу үдерісінің ұйымдастырылуын, сондай-ақ студенттердің білім алуының нәтижелерін, жарияланған ғылыми жұмыстардың сапасы мен шынайылығын және университет қызметінің әзірленген қағидаттарға сәйкестігін бағалайды.

2021 жылы “Академиялық адалдық” және “Академиялық саясат” туралы ережелер аясында Мультидисциплинарлық білім беру орталығымен университет студенттеріне “Foundamentals of anti-corruption culture”  (Сыбайлас жемқорлыққа қарсы мәдениеттің негіздері) және Community engagement and value based Society  атты пәндер қосылды. Бұл пәндер университеттің барлық факультеттерінде академиялық адалдықты сақтау мақсатында оқытылады.

Сонымен қатар, 2024 жылы Құқық және әлеуметтік ғылымдар факультетінде, Мемлекеттік басқару құқығы мамандығында:

– Legal foundations of countering corruption (Жемқорлыққа қарсы іс-қимылдың құқықтық негіздері); 

– Theory of public administration (Мемлекеттік басқару теориясы) атты теориялық пән оқытылады.

Білім беру жүйесінің адалдыққа ұмтылуы университеттегі білім мен ғылымның сапасын арттырып, талапты күшейтіп, ашық әрі айқын нәтижеге қол жеткізуге мүмкіндік береді. Біз әрдайым осы бағытта әрекет етіп, жемқорлықсыз қоғам қалыптастыру жолында еңбек етіп келеміз.