Жақында университетте 2 аптаға созылған Summer School шарасы өтті. “Eurasia at Crossroads: Perspectives from Central Asia” тақырыбын арқау еткен жазғы мектепке АҚШ, Германия және Дания мемлекетінен 14 адам қатысты.

Шараның басты мақсаты – Орта Азия мен Еуразияның қазіргі геосаяси өзгерістер аясындағы саяси-экономикалық, әлеуметтік тенденцияларымен таныстыру, сондай-ақ, қатысушыларға өз деңгейлеріне сай қазақ және орыс тілдерін оқыту.

Жазғы мектеп аясында білікті спикерлер қатысушыларға Орта Азиядағы адам құқықтары, саяси интеграция, геосаяси тартыстар, климаттың өзгеруі тақырыбында дәріс жүргізді.

Шетелдік қонақтар өңірмен танысу мақсатында жергілікті мұражайларға, саябақтар мен ұлттық нақыштағы демалыс орындарына барып, дәстүрлі асханадан дәм татты. Әлеуметтік маңызы бар шараның жоғары деңгейде өтуіне септігін тигізген Құқық және әлеуметтік ғылымдар факультетінің оқытушылық құрамына алғыс білдіреміз!