Кездесудің мақсаты – «Бастауышта оқыту педагогикасы мен әдістемесі» және «Мектепке дейінгі оқыту мен тәрбиелеу» бағдарламалары бойынша студенттерді даярлауда педагогикалық идеялармен алмасу және ынтымақтастық орнату.

Ферғана мемлекеттік университетінен Бастауышта оқыту әдістемесі кафедрасының меңгерушісі -п.ғ.д, профессор Курбонова Б.К., Мектепке дейінгі білім беру кафедрасының  меңгерушісі – (PhD), доцент Солиев И. С., Мектепке дейінгі білім беру кафедрасының  меңгерушісі – ф.ғ.д. профессор Зокирова С. М. Мектепке дейінгі білім беру кафедрасының  меңгерушісі – п.ғ.д, профессор Холдарова И. В. қатысты. Сондай-ақ, Абай атындағы Ұлттық педагогикалық университетінің «Мектепке дейінгі және әлеуметтік педагогика» кафедрасының меңгерушісі Қыяқбаева Ұ.Қ. келді.

Келіссөз нәтижесінде профессор-оқытушылар құрамымен алмасу, студенттердің мобильді алмасуы, біріккен ғылыми жобалар дайындау, аталған білім беру бағдарламалары бойынша іс-шара, дөңгелек үстел және халықаралық ғылыми конференциялар ұйымдастыру жоспарланды.

Ферғана мемлекеттік университетіне педагогикалық идеялармен алмасуға және ынтымақтастыққа қосқан құнды үлесі үшін алғыс білдіреміз!