2024 жылдың 23-24 мамыр күндері SDU University мекемесінде француз тілінен республикалық олимпиада өтті. Қатысушы студенттер француз тілі мен мәдениетін жетік білетіндіктерін көрсетіп, пән бойынша инновациялық оқыту стилінде тамаша теориялық және практикалық дайындықтарын көрсетті.

Француз тілі бойынша республикалық олимпиаданың қорытынды турына Қазақстан Республикасының 7 жоғары оқу орнынан 17 адам қатысты. Нақтырақ айтсақ, SDU University, Абылай хан атындағы Қазақ Халықаралық Қатынастар және Әлем Тілдері Университеті, Е.А. Бөкетов атындағы Қарағанды Mемлекеттік университеті, Абай атындағы Қазақ Ұлттық Педагогикалық университеті, Х. Досмұхамедов атындағы Атырау университеті  және Қазақ Ұлттық Қыздар Педагогикалық университетінің студенттері қатысты.

Үш кезеңнен тұратын олимпиада екі күн бойы оффлайн форматта өтті. Олимпиада нәтижесі бойынша үздік нәтиже көрсеткен жүлдегерлер:

1 орын – Спандияр Ғаниұлы (Абылай хан атындағы ҚазХҚжӘТУ)

2 орын – Нұрбаба Шуғыла Бауыржанқызы (SDU University)

2 орын – Қожанов Эмиль Меркентаевич (Абылай хан атындағы ҚазХҚжӘТУ)

3 орын – Имағанбетова Мерейлі Муратбекқызы (SDU university)

3 орын – Гутковская Анна Юрьевна (Е.А. Бөкетов атындағы Қарағанды Mемлекеттік университеті)

3 орын – Сейітжан Жанеля Қынатқызы (Абылай хан атындағы ҚазХҚжӘТУ)

Білім додасында топ жарған барлық жеңімпаздарды шын жүректен құттықтаймыз!