2022-2023 оқу жылының күзгі семестріне Қазақстан Республикасы Ғылым және жоғары білім министрлігінің қаржыландыруы есебімен өткізілетін  академиялық ұтқырлық бағдарламасы бойынша құжаттар қабылдау мерзімі ашылды.

Іс сапар шығындарын, тұру, сақтандыру және виза жасау жөнінде консулдық алымдарды қаржыландыруды ҚР Ғылым және жоғары білім қамтамасыз етеді.

Конкурсқа мемлекеттік білім беру тапсырысы бойынша оқитын студенттер ғана қатыса алады (грантта оқитын студенттер).

Конкурсқа қатысушыларға қойылатын талаптар:

– 3.50-ден жоғары GPA;

-B2 – деңгейінен (Upper-intermediate) төмен емес Ағылшын тілін меңгеру деңгейі 

Конкурсқа қатысу үшін келесі құжаттарды ұсыну қажет:

1) паспорттың көшірмесі (немесе жеке куәлік);

2) Транскрипт (Student ‘ s service center-ден алу қажет; ssc@sdu.edu.kz);

3) шет тілін меңгеру деңгейін растайтын құжат (үміткер төмендегі құжаттардың бірін ұсынады):

шет тілін білуді бағалаудың халықаралық жүйелері арқылы алынған сертификат; IELTS 6.0 және одан жоғары сертификаты, continuing Education Center SDU (cec@sdu.edu.kz) тестілеу нәтижесі (В2 деңгейінен төмен емес);

4) Қазақстан Республикасы Білім және ғылым министрінің 2011 жылғы 20 сәуірдегі № 152 бұйрығымен бекітілген оқытудың кредиттік технологиясы бойынша оқу процесін ұйымдастыру қағидаларымен (нормативтік құқықтық актілерді мемлекеттік тіркеу тізілімінде № 6976 болып тіркелген) бекітілген нысан бойынша білім алушының өтініші (бекітілген)

5)толтырылған сауалнама (бекітілген);

6) студенттің көп балалы отбасынан шыққанын  растайтын отбасы құрамы туралы құжат (бар болса);

7) студенттің ата-анасының жоқтығын растайтын құжат (жетімдерге немесе ата-анасының қамқорлығынсыз қалған студенттерге жататын студенттер санаты үшін (бар болса);

8) студенттің мүгедектігін растайтын құжат (бар болса);

Үміткерлерді тең баллмен іріктеу кезінде артықшылық беріледі:

1) ата-анасының қамқорлығынсыз қалған жетім балалар;

2) мүгедектер;

3) көп балалы отбасылардан шыққан студенттер.

Құжаттарды СДУ университеті кеңсесінің жеке мекенжайына жолдауыңызды сұраймыз

Абылай хан 1/1 Қаскелең қ., 040900, Сүлейман Демирель атындағы Университет. “Академиялық ұтқырлық”белгісімен.

Құжаттарды қабылдау 2023 жылғы 26 мамырға дейін жүзеге асырылады.

Барлық сұрақтар бойынша халықаралық кеңсеге хабарласуыңызды сұраймыз: iro@sdu.edu.kz