Мақсаттары мен міндеттері

Біздің миссиямыз бен көзқарасымыз – MDE орталығына қарасты міндетті пәндерді бір арнада тоғыстыру. Бірнеше саладағы ғылым өкілдерін біріктіре отырып, зерттеу жұмыстарын интеграциялау. Тек зерттеу жұмысында ғана емес, зерттеу жұмысын жүргізу арқылы пәнаралық байланысты оқу бағдарламаларына да енгізу. Біздің зерттеушілер бірнеше пәнді тоғыстыра отырып ғылыми зерттеулер жүргізеді, мақалалар жариялайды және болашақта міндетті пәндердің траекторияларын біріктіруге атсалысады.

Мақсаты: Екі немесе одан да көп өрістің перспективаларын біріктіру арқылы бірнеше академиялық мектептерді, мамандықтарды немесе технологияларды олардың өзіндік перспективаларымен байланыстыру, интеграциялау арқылы ғылыми зерттеулер жүргізу.

Осы мақсатты орындау барысындағы көзделетін міндеттер:

1. MDE орталығына қарасты әр пәннің педагогикалық негіздерін шығару;
2. Бағыттардың жеке және бірлесе дамуына мүмкіндік жасау;
3. Бірнеше мамандықтар немесе пәндер арасында біріктірілген жоба жұмыстарын шығару (ішкі және сыртқы);
4. Басқа университеттермен бірігіп зерттеулер, ғылыми конференциялар жүргізу;
5. Зерттеу нәтижелерін жарияланымдарға шығару, семинарлар өткізу;
6. Зерттеу орталығының зерттеу аясын кеңейту мақсатында дөңгелек үстелдер, тренингтер және кездесулер өткізу;
7. Міндетті пәндердің траекторияларын біріктіре отырып, Қазақстанның басқа да университеттерімен бірлесе жұмыс жасау

Жұмыс жоспары

1. Қазақ тілін шет тілі ретінде оқытуда ашық білім беру платформасын пайдаланудың ғылыми-әдістемелік негіздері (Гранттық қаржыландыруға арналған конкурсқа ұсынылды)

Елімізде білім алып жатқан және өзге мемлекетте жүрсе де қазақ тіліне деген қызығушылығы бар шетелдік азаматтардың мемлекеттік тілімізді үйренуге деген қызығушылығын арттыру үшін  қазақ тілін шет тіл ретінде ашық білім беру платформасы арқылы оқытуды ғылыми-теориялық тұрғыдан негіздей отырып, қазақ тілін үйретудің қазіргі заман талабына сай әдістемесін ұсыну.
Жобаның міндеттері:

• Ашық білім беру платформасы арқылы оқытудың теориялық негіздерін анықтау;
• Шетел азаматтарына қазақ тілін қашықтықтан оқытуға арналған екі әліпби негізінде жасалған (латын графикалы әліпби және кирилл әліпбиі)  білім платформасын құру;
• Ашық білім беру платформасы арқылы оқытудың әдістемесін жасау;
• Ашық білім беру платформасын аппробациядан өткізу, тиімділігін дәлелдеу;
• Ашық білім беру платформасы арқылы оқытудың психологиялық-педагогикалық негіздерін анықтау;
• Қазақ тілін шет тіл ретінде үйрететін екі әліпби негізінде жасалған (латын графикалы әліпби және кирилл әліпбиі) ашық білім беру платформасын тіл үйренушілерге ұсыну.

2. Түркі әлемінің келешегі – 2040″ аясында (орталық жобасы)

Жоба Түркі әлемінің келешегі – 2040 аясында Алматы облысы Қарасай ауданы көлемінде тұрып жатқан түркі халықтарының төл тарихын зерттеуді қолға алып, түркілер тарихына өз үлесімізді қосуға арналады. Зерттеуіміздің мақсаты: Алматы облысы Қарасай ауданы көлемінде тұрып жатқан түркі халықтарының төл тарихын зерттеуді қолға алып, түркілер тарихына өз үлесімізді қосу. Осы жобаны орындау арқылы келесі жылы мемлекеттік грантқа Қазақстанда тұрып жатқан түркі халықтарының тарихын, этнографиясын, мәдени құндылықтарын зерттеуді және оның нәтижелерін қазіргі заманғы білім беру жүйесіне енгізуді қолға алуға болады.
Зерттеу мақсатына қол жеткізу үшін орындалатын міндеттер:

• Қарасай ауданының архивтеріндегі Түркі халықтарының тарихына қатысты мәдени мұраларына археографиялық жұмыстар жүргізу (түркі халықтарының санын, келу себебін, келу барысын, қалай келді, қашан келді, мәдени құндылықтары) сараптау жұмыстарын жасау;
• Қарасай ауданына полевое экспедиция жасау  (өкілдерімен танысу, сұхбаттасу диктафонға әрбір түркі халықтарының келу тарихын жазып алу) 
• Ассамблеямен байланыс жасау арқылы түркі халықтарының тарихын зерттеп жүрген және Қарасай ауданының тарихшы ғалымдарының басын біріктіру мақсатында халықаралық конференция өткізу.  
• Зерттеу материалдары бойынша мақала жазу
• Болашаққа жоспар: Егер жақсы материалдар жиналып жатса арнайы қор ашып алынған мәліметтерді пайдалануға да болады.

3. Қазақ тілін шет тілі ретінде сайт және мобильді қосымша арқылы үйретудің  ғылыми-әдістемелік негізін зерттеу  (ішкі жоба)

Жобаның мақсаты – әлем тілдерін сайт және мобильді қосымша арқылы оқыту әдістемесіндегі ғылыми тұжырымдар мен практикалық бағыттарды қорыта отырып қазақ тілін шет тілі ретінде үйрететін сайт және мобильді қосымша жасап, ғылыми әдістемелік негізін зерттеу.
Аталған мақсатқа жету үшін төмендегідей міндеттерді шешу көзделеді:

• Тілді шет тілі ретінде оқытуға арналған сайттар мен мобильді қосымшаларға зерттеу жүргізу;
• Қазақ тілін шет тілі ретінде оқытуға тиімді сайттар мен мобильді қосымшаларды таңдап, топтастыру. Соның нәтижесіне сүйене отырып, шетелдік азаматтарға қазақ тілін үйретуге арналған сайт және мобильді қосымша құру. 
• Қазақ тілін сайт және мобильді қосымша арқылы оқытудың әдістемелік жүйесін жасау
• Қазақ тілін үйретуге арналған сайт және мобильді қосымшаны аппробациядан өткізу, сауалнама жүргізу, тиімділігін дәлелдеу. Нәтижесі бойынша мақала жазу, халықаралық конференцияға қатысу.
• Қазақ тілін шет тіл ретінде үйрететін сайт және мобильді қосымшаны тіл үйренушілерге ұсыну.

4. Тілдерді оқудағы студенттердің психологиялық бейімделу аспектілері (SDU негізінде) (орталық жобасы)

Университетте тілдік пәндерді оқу кезінде студенттердің психологиялық-педагогикалық бейімделуі өзекті болып табылады. Жобаның мақсаты: SDU University студенттерінің қазақ, орыс, ағылшын және түрік тілдерін үйренудің бастапқы кезеңінде туындайтын тілдік бейімделуінің психологиялық-педагогикалық ерекшеліктерін зерттеу.
Осы мақсатқа жету үшін келесі міндеттерді шешу жоспарлануда:

1. Тілдерді оқыту әдістемесі бойынша әлемдік және отандық ғылыми-әдістемелік, психологиялық-педагогикалық зерттеулердің материалдарына теориялық талдау жасау;
2. Қазақ, орыс, ағылшын және түрік тілдерін оқитын студенттердің психологиялық бейімделуіне әсер ететін факторларды анықтау (бақылау).
3. Қазақ, орыс, ағылшын және түрік тілдерін оқитын студенттерді бейімдеу процесінде тілдік кедергілер мен психологиялық қиындықтар туғызатын жағдайлар мен факторларды анықтау (сауалнама жүргізу).
4. Тілдерді оқытудың әдістемелік жүйесін әзірлеу, сауалнама нәтижелері бойынша статистикалық деректерді келтіру:
   – тәжірибеге бағытталған тіл клубын дамыту;
   – тілдерді оқыту кезінде студенттердің психологиялық-педагогикалық бейімделуіне ықпал ететін тақырыптық сабақтар сериясын әзірлеу (кейс тапсырмалар);

5. Студенттердің тілдерді үйренуге деген қызығушылығын арттыру, студенттің жеке басына байланысты оқыту әдістемесін өзгерту, сабақтарда кездейсоқ, еркін түрде оқытылатын жұмыс ортасын құру, негізгі педагогикалық міндеттердің бірі болып табылатын оқытылатын тілдің мәдениеті мен тарихының элементтерін енгізу.

Байланыс