Құқық және Әлеуметтік ғылымдар бойынша халықаралық конференция
Өзгермелі әлемдегі Орталық Азия: аймақтық субъектілік, құқықтық сын-қатерлер және медиа ландшафт
17-18 сәуір, 2025
ШОЛУ
Конференция жайлы ақпарат
SDU университеті, Құқық және Әлеуметтік ғылымдар факультеті жанындағы Орталық Азия зерттеу орталығы (CARC) Джордж Вашингтон университетіндегі (АҚШ) Орталық Азия бағдарламасымен (CAP) бірлесе отырып, 2025 жылдың 17-18 сәуір күндері құқық және әлеуметтік ғылымдар бойынша халықаралық конференция өткізеді. Конференцияның тақырыбы – «Өзгермелі әлемдегі Орталық Азия: аймақтық субъектілік, құқықтық сын–қатерлер және медиа ландшафт». Конференция құқық және әлеуметтік ғылымдар саласы бойынша әлемнің түкпір-түкпірінде еңбек етіп жүрген ғалымдарға, зерттеушілерге, кәсіби мамандарға, докторанттар мен магистранттарға ортақ алаң ұсынады.
Аталған конференция Орталық Азия елдерінің Еуразия аймағында қалыптасқан күрделі геосаяси ахуалдағы түрлі мәселелерді еңсеру барысына назар аудара отырып, олардың рөлі мен аймақтық субъектілігін қарастырады. Пәнаралық тәсілді қолдана отырып, аталған іс-шара Орталық Азиядағы саяси оқиғалар, сыртқы саясат, аймақтық ынтымақтастық, құқықтық сын-қатерлер, гендерлік көзқарастар және медиа ландшафт бағыттарына басымдық береді.
Құқық және Әлеуметтік ғылымдар факультеті жанындағы Орталық Азия зерттеу орталығы халықаралық және жергілікті университеттердің, зерттеу институттарының және басқа да кез-келген мекемелердің зерттеушілерін конференцияға қуана шақырады. Аталған іс-шара барысында беделді спикерлер мен ғалымдар баяндама жасап, пікірталастар өткізеді.
ТАҚЫРЫПШАЛАР
– Құқық: жария құқық, жеке құқық, халықаралық құқық
– Қоғам және кімдік: отарсыздану, аймақтық тұтастық пен бірегейлік, адам құқықтары, инклюзивтілік
– Экономика және қауіпсіздік: энергетикалық қауіпсіздік, байланыс, экономикалық дәліздер, сауда
– Геосаясат: аймақтық қауіпсіздік, халықаралық қақтығыстар
– Саясат: аймақтық интеграция, сыртқы саясат пен ішкі саясаттың өзара байланысы, басқа ұлттар туралы қоғамдық пікір
– Әлеуметтік мәселелер: гендерлік аспектілер, жастарды қолдау, әлеуметтік және демографиялық мәселелер
– Қоршаған орта: экологиялық мәселелер, тұрақты даму, жаңартылатын энергия көздері
– Миграция: шекаралық динамика және миграциялық үрдістер
– Медиа және дезинформация: жалған ақпарат тарату, үгіт-насихат, медиа сауаттылық, деректерді қорғау, дата журналистика, ақпараттық соғыс, Орталық Азиядағы медиа ахуал.
АҚЫЛДАСТАР ЖӘНЕ РЕЦЕНЗЕНТТЕР АЛҚАСЫ
- Мадияр Саудбаев, ассистент профессор, Ph.D., Құқық және Әлеуметтік ғылымдар факультетінің деканы
- Айжан Көпбаева, ассистент профессор, Ph.D., Құқықтану кафедрасының меңгерушісі
- Ғалым Жүсіпбек, қауымдастырылған профессор, Ph.D.
- Шатлық Аманов, ассистент профессор, Ph.D.
- Майгүл Абилова, қауымдастырылған профессор, Ph.D.
- Есенгүл Кәпқызы, ф.ғ.к., ассистент профессор
- Айгуль Касенова, з.ғ.к., ассистент профессор
- Марат Естемиров, ассистент профессор, Ph.D.
- Мұхтар Сеңгірбай, қауымдастырылған профессор, Ph.D.
- Зульфия Имярова, қауымдастырылған профессор, Ph.D.
- Сергей Голунов, профессор, Ph.D.
- Еркебұлан Сайрамбай, ассистент профессор, Ph.D.
- Ғайни Серім, ассистент профессор, Ph.D.
- Жасулан Ахметов, ассистент профессор, Ph.D.
- Бердақ Байымбетов, аға оқытушы, M.A.
- Ерғали Исақұлов, аға оқытушы, M.A.
- Абай Мағауия, аға оқытушы, M.A.
- Дархан Орынбасаров, ғылыми қызметкер, M.A.
- Асылзат Қарабаева, ассистент профессор, Ph.D. қосымша ғылыми қызметкер, КИМЭП университеті
ҮЙЛЕСТІРУШІЛЕР
Бас үйлестіруші:
Айзада Нуридденова, Ph.D, Ассистент профессор және Ғылым бойынша координатор, Құқық және әлеуметтік ғылымдар Факультеті
Көмекші үйлестірушілер:
Диана Абдусаттар, ассистент
Email: iclss@sdu.edu.kz
ШАҚЫРЫЛҒАН СПИКЕРЛЕР
СЕБАСТЬЕН ПЕЙРОУЗ
Себастьен Пейроуз Орталық Азия бағдарламасының директоры және Джордж Вашингтон университетіндегі (АҚШ) Еуропа, Ресей және Еуразия зерттеулері институтының зерттеу профессоры, сондай-ақ Брюссельде (Бельгия) орналасқан Еуропа – Орталық Азия мониторингі (EUCAM) ұйымының зерттеушісі. Ол Орталық Азияда бес жыл жұмыс істеді, атап айтқанда, Өзбекстанның Ташкент қаласындағы Орталық Азияны зерттеу жөніндегі Француз институтында (1998-2000, 2002-2005), сондай-ақ Вашингтондағы Вудро Вилсон атындағы Халықаралық ғалымдар орталығында ғылыми қызметкер болды (2006 жылғы қазан – 2007 жылғы маусым) және Орталық Азия және Кавказ институтында (SAIS, Джонс Хопкинс университеті, 2007-2010).
Оның негізгі зерттеу салаларына Орталық Азиядағы саяси жүйелер, экономикалық және әлеуметтік мәселелер, ислам және діни азшылықтар, сондай-ақ Орталық Азияның Қытай, Үндістан және Оңтүстік Азияға қатысты геосаяси ұстанымы жатады.
Ол Кирилл Нуржановпен бірге Soft Power in Central Asia: Politics of Influence and Seduction? (Ланхэм, Боулдер, Нью-Йорк, Лондон: Lexington Books, 2021) кітабының редакторы болды, сондай-ақ China and India in Central Asia. A new “Great Game”? (Нью-Йорк: Palgrave Macmillan, 2010) еңбегін дайындады. Оның жеке монографиясы Turkmenistan. Strategies of Power, Dilemmas of Development (Армонк: M. E. Sharpe, 2011 жылғы қараша) жарық көрді. Сонымен қатар, Марлен Ларюэльмен бірге The ‘Chinese Question’ in Central Asia. Domestic Order, Social Changes, and the Chinese Factor (Лондон, Нью-Йорк: Hurst, Columbia University Press, 2011 жылғы желтоқсан) және Globalizing Central Asia: Geopolitics and the Challenges of Economic Development (Армонк: ME Sharpe, 2012) еңбектерін жариялады. Оның мақалалары Europe-Asia Studies, Nationalities Papers, China Perspectives, Religion, State & Society, Journal of Church and State журналдарында жарық көрген.
АНН-МАРИ САТР
Анн-Мари Сатр Уппсала университетінің (Швеция) Ресей және Еуразия зерттеулері институтында (IRES) Еуразия зерттеулері бойынша профессор. Ол Кеңес және Ресей экономикасының құрылымы мен жұмыс істеуін зерттеуге маманданған. Оның
қазіргі зерттеулері посткеңестік трансформацияға, әйелдердің рөліне, кедейлікке және Ресейдегі әлеуметтік саясатқа бағытталған.
Ол бірнеше кітаптың авторы немесе қосалқы авторы, соның ішінде Environmental Problems in the Shortage Economy: The Legacy of Soviet Environmental Policy (Edward Elgar, 1994) және Лео Гранбергпен бірлескен The Other Russia: Local Experience and Societal Change (Routledge, 2017). Сондай-ақ, ол Кеңес/Ресей саяси экономикасы мен әйелдер еңбегі туралы мақалалар мен кітап тарауларын жариялаған.
Оның еңбектерінің қатарында Attitudes, Poverty and Agency in Russia and Ukraine (Routledge, 2016, Ильдико Астталос Мореллмен бірлескен) атты бірлесіп өңделген жинақ бар. Оның ең жаңа кітабы – The Politics of Poverty in Contemporary Russia (Routledge, 2019). Ең соңғы жарияланған еңбегі – Юлия Градскова және Владислава Владимировамен бірге өңделген Post-Soviet Women: New Challenges and Ways to Empowerment (Palgrave, 2023) атты кітап.
РОВШАН ИБРАГИМОВ
Ровшан Ибрагимов Оңтүстік Кореядағы Хангук шет тілдер университетінің Шығыстану колледжінің профессоры. Ол аталған университетте 2015 жылдың наурыз айынан бері жұмыс істейді. 1999-2014 жылдар аралығында доктор Ибрагимов Әзербайжанның Кавказ университетінде жұмыс істеп, Халықаралық қатынастар кафедрасының меңгерушісі (2003-2013), Еуропа зерттеулері кафедрасының меңгерушісі (2008-2010), Сыртқы байланыстар жөніндегі проректор (2011) қызметтерін атқарған. 2011-2014 жылдары Әзербайжан Республикасы Президенті жанындағы Стратегиялық зерттеулер орталығының Сыртқы саясатты талдау бөлімінің басшысы болған.
Доктор Ибрагимов Анкара университетінде (Түркия) докторлық дәрежесін алған. Ол «Еуропалық Одақтың Оңтүстік Кавказға қатысты сыртқы саясаты: шындыққа қаншалықты жақын?» (Баку: SAM, 2013) атты кітаптың авторы; «Қазіргі әлемдегі шағын мемлекеттердің сыртқы саясаты: Оңтүстік Кавказ елдері (Әзербайжан, Грузия және Армения) және басқа аймақтар» (Lit Verlag, 2024) атты еңбектің авторы және редакторы; «Әзербайжанның энергетикалық тарихы мен саясаты: өткеннен бүгінге дейін», «Энергетика және Әзербайжан: тарих, стратегия және ынтымақтастық» (ред. Ровшан Ибрагимов, Баку: SAM, 2013) атты кітаптың редакторы және авторы; «Энергетикалық терминдер сөздігі» (Баку: Кавказ университетінің баспасы, 2014) кітабының авторы. Сонымен қатар, әртүрлі академиялық журналдар мен кітаптарда екі жүзден астам мақалалары мен пікірлері жарық көрген. Зерттеу салалары: энергетикалық саясат, энергетикалық қауіпсіздік, Еуропалық Одақ, бұрынғы Кеңес Одағы мемлекеттерінің сыртқы және энергетикалық саясаты, Түркияның сыртқы саясаты.
ПОЛ ВАН
Пол Ван Чанчжоу университеті (Қытай) Шилян Құқық мектебінің жария құқық профессоры және Ұлыбританиядағы Абердин университеті жанындағы Жаһандық қауіпсіздік және басқару орталығының аға ғылыми қызметкері. Оның зерттеу салаларына халықаралық қоғам, жаһандық басқару, ұлы державалар арасындағы бәсеке және геосаясат теориясы кіреді.
ҚАРЛЫҒА МЫСАЕВА
Қарлыға Мысаева әл-Фараби атындағы Қазақ ұлттық университеті, Журналистика факультетінің қауымдастырылған профессоры. Оның зерттеу қызығушылықтарына халықаралық медиа, әлеуметтік медиа, жаһандық журналистика, дата журналистика және Қазақстан мен әлемдегі журналистика білім беру жүйесі кіреді. Ол екі монографияның, екі оқулықтың және 30-дан астам ғылыми мақаланың авторы.
Карлыға Мысаева Огайо университетінде Fulbright стипендиаты, Джордж Вашингтон университетінде шақырылған ғалым, Оклахома мемлекеттік университетінде зерттеуші ғалым, ал Франциядағы Страсбург университетінде IFEAC бағдарламасы бойынша постдокторант ретінде қызмет атқарған.
Жуырда ол Азия контекстіндегі мемлекеттік ақпарат саясатының журналистиканы кәсібиліктен айыруы және тәуелсіз медианы қауіпке ұшыратуы туралы зерттеу жұмысын жазып бітірді және қазіргі таңда Қазақстандағы медиа бизнес модельдерін зерттеуде.
Ол ҚазҰУ Хабаршысы ғылыми журналының журналистика сериясында редакциялық алқа мүшесі және Journal of Europe-Asia Studies секілді бірнеше журналдардың рецензенті. Ол «Цифрлық медиа және қоғам» және «Бұқаралық коммуникация теориясы» пәндерінен дәріс береді.
ХАНС-ЙОАХИМ ШРАММ
2012 жылдан бастап Германияның Висмар қаласындағы Қолданбалы ғылымдар университетінде бизнес құқығы пәнінің профессоры және Ostinstitut тұрақты қызметкері. 2000-2010 жылдар аралығында ол Бремен университетінде Проф. Рольф Книпердің кафедрасында және GIZ ұйымында ғылыми қызметкер болды. Доктор Шрамм ТМД мемлекеттерінде бизнес құқығы бойынша қысқа мерзімді заңгерлік сарапшы ретінде кең тәжірибеге ие. 1997-1999 жылдары Киевте орналасқан Украина-Еуропалық Саясат және Заң кеңес беру орталығында (UEPLAC) жұмыс істеді. Оның мамандану саласы – өтпелі экономикадағы азаматтық және коммерциялық құқықтың салыстырмалы зерттеулері. Доктор Шрамм көптеген жарияланымдардың авторы, оның ішінде Қазақстан заңына арналған еңбектері бар.
СЕРГЕЙ САЯПИН
Сергей Саяпин КИМЭП университеті, Құқық мектебінің профессоры және ғылыми-зерттеу директоры. Ол Өзбекстанда, Ұлыбританияда және Германияда құқықтану мамандығы бойынша білім алған. 2000-2014 жылдар аралығында Халықаралық Қызыл Крест Комитетінің (ХҚКК) Өңірлік делегациясында (Ташкент, Өзбекстан) заңгер кеңесші болып жұмыс істеген. Ол Азия халықаралық құқық қауымдастығының Атқарушы кеңесінің (2021-2025) мүшесі және «Азиядағы халықаралық жария құқық энциклопедиясының» (Brill) Орталық Азия бойынша қосалқы редакторы.
ЧОЛПОН ТУРДАЛИЕВА
Чолпон Турдалиева Орталық Азиядағы Америка Университетінің Жалпы білім беру бағдарламасында профессор. Ол Гумбольдт университетінде (Германия, 2022) докторлық дәрежесін, ал Қырғызстан Ұлттық ғылым академиясының Тарих институтында постдокторлық дәреже қорғады (2010).
Чолпон Турдалиева 2023-2024 жылдары Бард колледжінде (Германия) зерттеуші болды. Сондай-ақ, Колумбия университетінің Хэрриман институтында (2016, АҚШ) және Вашингтон университетінде Фулбрайт стипендиаты (2004-2005, АҚШ) болған. Ол ESCAS (2014-2018) консультативтік комитетінің мүшесі, Фулбрайт Қырғызстан қауымдастығының президенті (2019-2023), CESS марапаттау комитетінің, IOHA және Қырғызстан тарихшылары қауымдастығының мүшесі.
Ол «Музей бастамалары орталығы» ҮЕҰ негізін қалаушы және директоры болды жәнеАҚШ Елшілер қоры (AFCP), Сорос қоры, ЮНЕСКО және басқа ұйымдар қаржыландырған жобаларды басқарды. Маңызды жобаларының бірі XI ғасырдағы Бурана мұнарасын (2021-2023) және XV ғасырдағы Шах-Фазл мавзолейін (2000-2001) сақтау және қалпына келтіру жұмыстарын қамтиды.
РУСТАМ АТАДЖАНОВ
Рустам Атаджанов LLB, LLM, Dr. iur., PhD, КИМЭП университеті, Құқық мектебінің қауымдастырылған профессоры және декан орынбасары. Профессор Атаджанов Орталық Азия аймағындағы халықаралық құқық саласындағы жетекші ғалымдардың бірі. Оның оқыту және зерттеу қызығушылықтарына халықаралық қылмыстық құқық, адамзатқа қарсы қылмыстар, құқықтың жалпы теориясы, халықаралық гуманитарлық құқық, дипломатиялық құқық және халықаралық адам құқықтары сияқты мемлекеттік және халықаралық құқыққа қатысты кең ауқымды тақырыптар кіреді.
Профессор Атаджанов Journal of International Peacekeeping және Journal of Humanity, Peace and Justice сияқты Еуропа мен Азиядағы бірқатар академиялық журналдардың редакциялық алқасының мүшесі. Сондай-ақ, ол халықаралық және ұлттық деңгейлердегі бірнеше академиялық және кәсіби ұйымдардың, оның ішінде Азия, Еуропа және Америка халықаралық құқық қауымдастықтарының, сондай-ақ Өзбекстан халықаралық құқық қауымдастығының мүшесі.
2021 жылдан бастап ол IUCN жүйесіндегі Дүниежүзілік экологиялық құқық жөніндегі комиссияның мүшесі. Профессор Атаджанов халықаралық құқық және қылмыстық құқық саласындағы беделді академиялық басылымдарда, атап айтқанда Asian Journal of International Law, Asian Journal of Comparative Law, Asian Yearbook of International Law, Journal of International Criminal Justice, Journal of International Peacekeeping, Criminal Law Forum сияқты журналдарда белсенді түрде мақалалар жариялап келеді.
Ол «Халықаралық қақтығыстар және қауіпсіздік құқығы. Зерттеу анықтамалығы» атты екі томдық еңбектің редакторы (T.M.C. Asser Press және Springer, 2022). 2025 жылы ТМД елдеріне арналған құқықтың жалпы теориясы бойынша жаңа оқулығы жарық көреді, ал 2019 жылы шыққан «Адамзатқа қарсы қылмыстардың құқықтық қорғалатын мүддесі ретінде адамгершілік: тұжырымдамалық және нормативтік аспектілер» атты негізгі монографиясының екінші басылымы 2026 жылы жарияланады (екеуі де T.M.C. Asser Press және Springer баспаларынан шығады).
СЕКЦИЯЛАР
– Құқық
– Халықаралық құқық
– Медиа зерттеулер
– Халықаралық қатынастар
– Гендерлік зерттеулер
Will cover the extent of how recent developments in Eurasia led to the integration and disintegration of regional cooperation and whether new avenues of international and regional cooperation will emerge as a consequence. This track will discuss the changing role of international actors including China, EU, Russia, India, and the US in Central Asia with a focus on interconnectivity and issues related to regional cooperation.
Will discuss the pivotal role of private law, international law, and IT law in domestic affairs, and regional and international matters of Eurasia. This track will focus on the recent developments and challenges of private, international, and IT law. This track will touch upon how the countries are responding to challenges in the field of domestic and international law including human rights, environmental law and IT law.
Will discuss how data-driven and specialized media education shape the intersectionality of gender, migration, human rights, and democratization of the countries. This track will focus on challenges and emerging opportunities for data-driven media in Eurasian countries including misinformation and disinformation. Specifically, this track will discuss the need for specialized media education in Kazakhstani higher education institutions.
ӨТІНІМ ЖІБЕРУ БОЙЫНША НҰСҚАУЛЫҚ
Конференция жеке баяндамалар, толық панельдер, дөңгелек үстелдер және кітап талқылауларына арналған ұсыныстарды қабылдайды. Конференцияға төменде орналасқан өтінім формасын толтырыңыз. Панельдер мен дөңгелек үстелдерге ұсыныстар жіберу үшін тақырыптың қысқаша сипаттамасын, мақсаттарын және спикерлердің аты-жөндері жазылған Word файлды жүктеңіз. Жеке баяндамаға ұсыныс беру үшін зерттеу мақсаттары, әдіснамасы және негізгі нәтижелерін сипаттайтын 250-300 сөзден тұратын аңдатпаны Word файл түрінде жүктеңіз.
МАҢЫЗДЫ ДАТАЛАР
Тіркелу және аңдатпа жіберудің соңғы күні
Жұмыстың қабылданғаны жөнінде хабарлама
Конференция бағдарламасының бірінші нұсқасы
Конференцияның қорытынды бағдарламасы
Конференция сессиялары
CЕРІКТЕСТЕР
ӨТУ ОРНЫ
SDU University
КОНФЕРЕНЦИЯ ТІЛДЕРІ
Ағылшын, қазақ және орыс
1 ұпай:
