Есеп және аудит сенімді қаржылық деректерге қол жеткізудің маңызды факторларының бірі болып табылады.Осы фактіні назарға ала отырып, СДУ Бизнес мектебі ішкі және әлемдік еңбек нарықтарының талаптарына сай болашақ бухгалтерлер мен аудиторларды дайындайтын «Есеп және аудит» бағдарламасын ұсынады. Біздің бағдарлама ACCA (дипломды корпоративтік бухгалтерлер қауымдастығы), CFA (қаржы нарықтарының талдаушысы) және CIMA (басқару саласындағы кәсіби бухгалтерлер институты) сияқты халықаралық біліктілік сертификаттарын алуды қамтиды.

Негізгі оқу бағдарламасын бітірген соң студент төмендегідей нәтижелерге қол жеткізе алады:

• бухгалтер және аудитор маманы ретінде сауда-экономикалық ортаға араласу;
• қолданбалы дағдылармен толықтырылатын теориялық білімді игеру;
• бухгалтерлік және қаржылық есеп және аудит саласындағы заманауи техникалық терминдерді, тәжірибелер мен нормативтік талаптарды білу;
• бухгалтерлік операцияларды орындай алу, қаржылық есепті дайындау және талдау, сондай-ақ аудитті жүргізудің барлық үдерістерін ұйымдастыру;
• АССА бағдарламасымен қойылатын кәсіби нормативтік талаптарды білу.

Бұл бағдарламаның түлектері есеп және аудит қызметтерін ұсынатын көпұлтты компаниялар арасында үлкен сұранысқа ие. Сонымен қатар, біздің түлектеріміздің алдында экономиканың қаржылық немесе нақты секторының түрлі сегменттеріне, сондай-ақ мемлекеттік мекемелерге жұмысқа орналасу мүмкіндіктері ашылуда. Біздің студенттер оқу барысында түрлі салалар мен бағыттарда пайдалы білім алады, бұл оларға кейіннен өз кәсібі ретінде академиялық бағытты немесе кәсіпкерлікті таңдауға мүмкіндік береді.