2025 жылдың 16 мамырында SDU University Ұлыбритания, Хорватия, Латвия және Чехияның жоғары оқу орындарының өкілдерімен кездесу өткізді. Кездесудің басты мақсаты – халықаралық академиялық байланыстар орнату және білім беру мен ғылыми бағыттарда бірлескен бастамаларды дамыту.

Қонақтар қатарында келесі университеттердің өкілдері болды:

• Algebra Bernays University (Хорватия)

• Aston University (Ұлыбритания)

• Bangor University (Ұлыбритания)

• Birkbeck, University of London (Ұлыбритания)

• Hull University (Ұлыбритания)

• Transport and Telecommunication Institute (Латвия)

• Robert Gordon University (Ұлыбритания)

• University of Salford (Ұлыбритания)

• Newton University (Чехия)

• Cormack Consultancy Group (Ұлыбритания)

Кездесу барысында студенттер мен оқытушыларға арналған академиялық алмасу бағдарламаларын жүзеге асыру, қос диплом алуға мүмкіндік беретін бакалавриат және магистратура бағдарламаларын бірлесіп әзірлеу, жазғы мектептер ұйымдастыру, халықаралық ғылыми жобаларды жүргізу және PhD диссертацияларын ғылыми жетекшілік ету мәселелері талқыланды.

Бұл іссапар SDU University-дің жаһандық серіктестіктерді кеңейту жолындағы маңызды қадамдарының бірі болды. Университет әлемдік білім және ғылым кеңістігіне терең интеграциялануға дайын екенін тағы бір мәрте дәлелдеді.