29 сәуір күні SDU University-де дәстүрлі Халықаралық Мәдениет күні өтті. Бұл – достықты, өзара түсіністікті және мәдени алуандықты дәріптейтін, студенттерді, дипломаттарды және қонақтарды біріктіретін жарқын әрі маңызды шара.

Салтанатты ашылу рәсімі ұлттар шеруімен басталды: шетелдік студенттер өз елдерінің ұлттық киімінде Қазақстан туының астында жүріп өтті. Бұл – елдегі ұлттар достығы мен бірліктің символына айналды. Шеруден кейін қонақтар 18 ұлттық стендке барып, әр халықтың мәдениетімен, ұлттық ойындарымен, атрибутикасымен, тағамдарымен және кәдесыйларымен танысуға мүмкіндік алды. Бұл стендтер – Қазақстандағы ұлттар арасындағы келісімді нығайтуға деген ұмтылыстың көрінісі болды.

Іс-шараға келесі мәртебелі қонақтар қатысты:
– Маттиас Кислер —Германия Федеративтік Республикасының Алматыдағы Бас консулы
– Дейже Холмс — АҚШ Бас консулдығының қоғаммен байланыс жөніндегі қызметкері
– Людас Субачюс — Литва Республикасы Бас консулдығының кеңесшісі
– Фабрис Нёво — Франция Республикасының Алматыдағы Бас консулы
– Абдумаджид Дусимов — Өзбекстан Республикасының Елшілігі жанындағы консул-
– Себахот Алижонова — Тәжікстан Республикасының Алматыдағы Бас консулы
– Цзян Вэй — Қытай Халық Республикасының Алматыдағы Бас консулы
– Хуанг Сяомин — ҚХР білім беру мәселелері жөніндегі консулы
– Ақылбек Бексұлтан — Қарасай ауданы әкімінің орынбасары
– Юлия Шастак — Education First өкілдігінің басшысы

Сондай-ақ, іс-шараға American Councils, Қазақстан халқы Ассамблеясы, КБТУ, АУЭС және басқа ұйымдардың өкілдері қатысты

Шетелдік студенттері 200-ден асатын SDU тек білім ордасы ғана емес, сонымен қатар мәдениетаралық диалогты нығайтуға және өзара құрметті қалыптастыруға зор үлес қосуда.

Шараның қорытындысы – студенттердің гала-концерті болды. Әр елдің өкілдері мен студенттік клубтар өнер көрсетіп, достық пен бірліктің символына айналған керемет бағдарлама ұсынды:

Оңтүстік Корея – би (BTS Arirang)
Тәжікстан – би
Қырғызстан – би
Өзбекстан – би
Моңғолия – ән
Түркия – ән, би
Германия – би
Франция – мюзикл, ән
Индонезия – перфоманс, ән
Африка – перфоманс
Үндістан – би
Домбыра клубы, Music Club (SDU)

Музыка, би, ән мен театр қойылымдары арқылы студенттер Халықаралық Мәдениет күнінің басты идеясын – достық пен бірлікті көрсетті. Бұл шара SDU-дің мәдениет пен білім арқылы шекараны жойып, халықтар арасындағы түсіністік пен ынтымақты нығайтатын миссиясын тағы бір мәрте дәлелдеді.