INFOMATRIX ASIA 2025
29-31 наурыз аралығында Астана қаласында Infomatrix Asia 2025 халықаралық компьютерлік жоба байқауы өтті. Бұл бірегей шара IT саласындағы жас дарындарды қолдап, олардың жаңашыл идеяларын жүзеге асыруға мүмкіндік берді. Сонымен қатар, байқау мәдениетаралық ынтымақтастықтың дамуына үлкен септігін тигізді.
Үш күнге созылған интеллектуалдық сайыстың қорытындысы бойынша үздік жобалар анықталып, жас өнертапқыштар мен зерттеушілер лайықты марапатқа ие болды.
Байқау нәтижесінде “Информатика”, “Компьютерлік ғылымдар” және “Ақпараттық жүйелер” бағыттары бойынша үш жеңімпаз SDU University-дің 100 пайыздық грантына ие болды. Ал “Физика”, “Мультимедиа ғылымдары” және “Информатика” санаттарында жеңіске жеткен үш қатысушы 50 пайыздық оқу жеңілдігін иеленді. Университет тарапынан Білімгерлерді қабылдау департаментінің директоры Мақсұт Ғатиат жеңімпаздарға грант және жеңілдік сертификаттарын табыстады.
31 наурыз күні жеңімпаздарды салтанатты марапаттау рәсімі өтті. Бұл ерекше оқиға жас көшбасшыларға үлкен мүмкіндіктер сыйлаған алаң болды.


