Университеттердегі Академиялық Адалдық Лигасына мүше студенттер арасында медиа байқауын өткізу ережелері

Байқаудың мақсаты:

─ Қазақстан студенттері арасында академиялық адалдық ұғымын насихаттау.

─ Студенттердің медиа-контент жасау саласындағы шығармашылық қабілеттерін дамыту.

─ Студенттердің сыни ойлау қабілеттерін қалыптастыру және ақпаратты талдай білу дағдыларын дамыту.

─ Академиялық адалдыққа қатысты өзекті мәселелерді талқылауға ынталандыру.

Байқауға қатысушылар: Академиялық Адалдық Лигасына мүше университет студенттері қатыса алады.

Байқаудың тақырыбы: Байқау Академиялық адалдық тақырыбына арналған. Қатысушылар төмендегі тақырыптардың бірін таңдай алады немесе өз тақырыбын ұсына алады:

─ Академиялық адалдық ұғымы және оның студент үшін маңызы.

─ Қазіргі білім беру ортасында академиялық адалдыққа қарсы әрекеттер.

─ Академиялық адалдықтың студент пен қоғамға әсері.

─ Академиялық адалдықпен күресу жолдары мен әдістері.

─ Академиялық адалдық мәдениетін қалыптастырудағы оқытушылар мен университет әкімшілігінің рөлі.

Жұмыстардың форматы: Видеоролик:

• Видеоролик ұзақтығы 5 минуттан аспауы керек.
• Инфографика: Байқау тақырыбына қатысты мәліметтер мен ақпараттарды көрнекі түрде көрсету.
• Аудиоподкаст: Байқау тақырыбы бойынша талқылауды қамтитын аудиофайл.
• Мақала: Таңдалған тақырыпқа арналған жазбаша жұмыс. Жұмыстарға қойылатын талаптар: Жұмыстар түпнұсқа болуы және үшінші тұлғалардың авторлық құқықтарын бұзбауы керек; Жұмыстар белгіленген талаптарға сәйкес ресімделуі керек; Жұмыстар байқаудың тақырыбына сәйкес келуі керек; Жұмыстар қазақ немесе орыс тілдерінде орындалуы тиіс; Ағылшын тіліндегі жұмыстар ICAI халықаралық байқауына қатысу мүмкіндігіне ие болады. Жұмыстарды бағалау критерийлері:
•  Байқау тақырыбына сәйкестігі. 
• Идеяның түпнұсқалығы. 
• Орындау сапасы. 
• Ақпаратты жеткізу тиімділігі. 
• Жұмыстың әлеуметтік маңыздылығы.

1. Байқау қазылар алқасы: Қазылар алқасының құрамы қосымша хабарланады.

2. Байқауды өткізу мерзімі: ─ Жұмыстарды қабылдау: 2024 жылғы 30 қыркүйек пен 10 қазан аралығы. ─ Қорытындыларды шығару: 2024 жылғы 10 – 11 қазан.

3. Жеңімпаздарды марапаттау: Байқау жеңімпаздары сертификаттар мен сыйлықтармен марапатталады. Ең үздік жұмыстар халықаралық байқауға (ICAI, АҚШ) жіберіледі. Байланыс ақпараты: Қосымша ақпарат алу үшін adaldyq.po@kazguu.kz электронды поштасына хабарласыңыз.