Биыл Республика бойынша 181 мың талапкер Ұлттық бірыңғай тестілеуден өтті. Конкурс нәтижесі бойынша SDU университетіне 1401 талапкер грантқа түсті.

Жаңа оқу жылының басты ерекшелігі – білімімен мыңды жыққан кіл мықтылардың көпшілігі SDU University-ді таңдап отыр. Айта кетсек, соңғы 3 жылда болмаған рекордтық нәтижеге қол жеткізіп, 140 балл жинаған екі талапкер де бізді таңдаған. Сондай-ақ 139 балл жинаған 3 түлек SDU студенті атанды.

Статистикаға көз жүгіртсек, республика бойынша 138 балл жинаған – 6 талапкердің 5-еуі, 137 балл жинаған – 20 талапкердің 13-і SDU университетін таңдады. Жалпы алғанда, 130 баллдан жоғары жинаған 246 талапкер SDU студенті атанып отыр. Бұл үлкен жетістік – университетіміз ұсынған білім сапасына деген сенімділікті білдіреді.

Бұдан бөлек, биыл Нигерия, Индонезия, Малави, Қытай, Ресей, Катар және т.б. елдерден 60-тан астам шетелдік талапкерлер келіп отыр. Сондай-ақ, халықаралық келісім бойынша 8, қандас мәртебесі арқылы 28 талапкер оқуға түсті.

Үздік нәтиже көрсеткен барлық талапкерлерді шын жүректен құттықтаймыз! Білім мен ғылым әлеміне жасаған қадамдарыңыз сәтті болсын!