“Пәнаралық зерттеу орталығының” директоры университет профессоры Райхан Жалғасбайқызының шақыртуымен Ақтөбе облысы аппараты басшысының орынбасары Оразбаева Ләззат Аманжолқызы және Ақтөбе облыстық әдістемелік орталық директоры Аяпова Гүлайым Мұхамбетсадыққызы SDU университетіне маңызды меморандумға қол қою үшін арнайы келді.

Атаулы іс-шарада құрметті қонақтар Педагогика және Гуманитарлық ғылымдар факультетінің деканы Жайнагүл Дүйсебековамен және SDU университет ректоры Әлімжан Игенбаевпен кездесті.

Кездесу барысында университет ректоры Ә.Игенбаев және орталық директоры Г.М.Аяпова ресми түрде ынтымақтастық туралы меморандумға қол қойды.

Меморандум оқытушылардың біліктілігін үнемі арттыруға, білім беру процесінің практикалық бағытын күшейтуге бағытталып, құнды білім беру ақпаратымен алмасуды және екі тараптың қызметін ілгерілету үшін бірлескен инновациялық жобаларды дайындауды көздейді.