Конференция қызу пікірталастарға қатысып, соңғы ғылыми жетістіктерімен бөлісе алатын ғалымдар үшін динамикалық алаң болды. Шараға қатысқан спикерлер STEM білім берудің трансформациялық әлеуетін тереңірек түсіндіріп, жан-жақты талқыға салды.

Конференция: Инновациялық оқыту тәжірибесі, Білім берудегі технологияларды интеграциялау, STEM-дегі әртүрлілік және инклюзия, Өнеркәсіп пен академияның ынтымақтастығы, Кәсіби даму және өмір бойы білім алу сынды бес бөлімнен тұрды.

Шараның құрметті қонағы ретінде Ливерпуль университетінің профессоры Мэнди Пефферс, UILP математикалық білім беру профессоры, Эль-Пасо қаласындағы Техас университетінің құрметті оқытушы профессоры Моурат Чошанов, Химия ғылымдарының кандидаты, Қорқыт ата атындағы Қызылорда университетінің профессоры Нұрбол Аппазов, Лестер университетінің органикалық және есептеу химиясы кафедрасының доценті Кал Карим, SDU университетінің математика бағдарламасының ассистенті, PhD доктор Тахир Мухаммад қатысып, сөз сөйледі.

Шара қатысушылары STEM білім берудің әртүрлі салаларындағы әріптестерімен тілдесуге мүмкіндік алса, баяндамашы спикерлер интеллектуалды ынталандыратын ортамен кері байланыс орнатып өзара тәжірибе алмасты.