SDU University Құқық және әлеуметтік ғылымдар факультетінің ұйымдастыруымен ҚР Сыртқы істер министрлігінің коммуникациялар департаментінің директоры Айбек Смадияров білімгерлермен кездесуге арнайы келді. Арнайы қонақ Университетіміздің Халықаралық қатынастар және Журналистика мамандығының білімгерлеріне «Халықаралық қатынастарға ақпараттық әсер ету» тақырыбында дәріс оқып, қоғаммен қарым-қатынастағы дағдарыс менеджментін басқару туралы кеңінен айтты.

Сондай-ақ шет мемлекеттермен қарым-қатынас барысындағы коммуникация мен дипломатияның маңыздылығын айтып, келісім-шарттар мен протоколдар қалай жазылатыны жөнінде өз тәжірибесімен бөлісті. Кездесу соңында білімгерлердің сұрақтарына жауап беріп, елшіліктерде атқарған қызметі барысындағы қызықты оқиғаларымен бөлісті.