Орталық туралы
«Сөз өнері» зерттеу орталығы SDU University-дің ғылыми кеңесінде 2023 жылдың 30 қаңтар күні (хаттама № 8) бекітілген.
Аталған орталықтың басты мақсаты – тіл мен әдебиет, педагогика, мәдениет, жалпы руханият саласында іргелі, қолданбалы зерттеулер жүргізу. Авторлық жобалар ұсыну, ғылыми орта қалыптастыру, педагогика және филология бағытындағы ғылыми- зерттеу жұмыстарын нығайту. Сондай-ақ, «Сөз өнері» зерттеу орталығы қазақ халқының мәдениетін, тілі мен әдебиетін, рухани мұрасын өзге елдерге таныту мақсатында Қазақстандық және шетелдік ғылыми-зерттеу орталықтарымен байланыс орнатып, бірлесе жұмыс жасайды.
Мақсаттары мен міндеттері
- Ғылыми- әдістемелік бағыттағы жобаларды іске асыру;
- Ғылыми -әдістемелік семинар, конференциялар, қонақ дәрістер өткізу;
- Педагогикалық бағыттағы тренигтер өткізу;
- Ғылыми еңбектердің жарық көруіне, ғылыми -әдістемелік зерттеу жұмыстардың дамуына ықпал ету;
- Танымдық әрі шығармашылық бағыттағы іс шараларды ұйымдастыру;
- Жас ғалымдардың, креативті жастардың дамуына қолдау көрсету.
Жұмыс жоспары
Жоспары (2023-2024 оқу жылына арналған)
| Жоба атауы | Жобаның мақсаты | Жобаның міндеті |
|---|
| Қазақтың педагог-ғалым әйелдері | Қазақ ғалым әйелдерінің еңбектерін саралап, ағартушылықпен айналысқан, педагогика ғылымына үлес қосып, ұстаздық қызмет атқарған бірнеше әйел ғалымдардың еңбектерін жинақтап, зерттеп, бүгінгі күн тұрғысынан бағалап, қолданысқа енгізу. | – Қазақ ғылымына үлес қосқан әйел ғалымдарды анықтау;
– Ағарту саласына үлес қосқан педагог ғалымдардың еңбектерін саралау;
– Педаг- ғалым, әдіскер- ұстаздардың еңбектері негізінде ғылыми, әдістемелік бағытта мақалалар жазу;
– Жекелеген авторлардың ғылыми еңбектері аясында өзге де ЖОО бірігіп, ғылыми семинар өткізу;
– Озық педагогтік ойларды қолдану мақсатында мектеп мұғалімдері, балабақша тәрбиешілеріне арналған әдістемелік семинар (Құндылықтар академиясымен бірлесіп) жасау. |
| XXI ғасыр ертеңгімелері | Мектепке дейінгі білім беру орталықтарының бүлдіршіндеріне, мектеп оқушыларына арнап креативті әрі заманауи ертеңгімелер жазу. Осылайша ХХІ ғасыр балалардың сүйікті кітабына арналатын ертеңгімелер жинағын басып шығару. | – Авторлық ертеңгімелер жазу;
– «ХХІ ғасыр ертеңгімелері» ютуб каналын ашу;
– Ютуб каналына студенттердің үздік ертеңгімелерін жүктеу;
– Ертеңгімелерді сұрыптап, жинақ етіп шығару;
– Балабақшалар мен мектептерде, кітапханаларда «ХХІ ғасыр ертеңгілелері кітабының презентациясын жасау. |
| Nomad Live | Шетелдік қонақтарға, студенттерге қазақ халқының тілі мен әдебиетін, салт-дәстүрі мен мәдениетін насихаттау мақсатында жазғы мектеп ұйымдастыру әрі оны жүйелі жолға қою. | – Шетелдіктерге қазақтың рухани мұрасын таныту;
– Қазақ тілі мен әдебиетіне деген қызығушылықтарын ояту;
– Видео дәрістер жасау,
Қазақстанның географиялық картасын жасау. |
1 ұпай:
