The IB Educator Certificates бағдарламасы IB World Schools (IBWS) мектептерінде сабақ беруге және көшбасшылық рөл атқаруға дайын мамандарды қалыптастыруға бағытталған халықаралық деңгейде мойындалған біліктілікті ұсынады.

Аталған сертификаттар түлектердің IB философиясын, педагогикалық тәсілдерін және бағалау жүйесін терең меңгергенін, сондай-ақ IB бағдарламаларын тиімді іске асыруға кәсіби тұрғыда толық дайын екенін растайды. 

Университет деңгейінде жүзеге асырылатын IB кәсіби оқыту курстары кәсіби шеберлігін арттыруға, көшбасшылық әлеуетін дамытуға және жаһандық IB қауымдастығы аясында мансаптық өсуге ұмтылатын жас және тәжірибелі педагогтерге арналған. IB бағдарламалары бойынша курстарды IB бағдарламасының үйлестірушілері, IB  семинар жетекшілері және IB World Schools мектептерінің сертификатталған тренерлері өткізеді.

SDU университетінде IB курстарын сәтті аяқтағаннан кейін түлектер:

IB философиясы мен қағидаттарын меңгереді
Халықаралық Бакалавриат ұйымының миссиясы мен философиясын терең түсініп, оның негізгі құндылықтарын педагогикалық және көшбасшылық тәжірибесінде қолданады.

IB педагогикалық тәсілдерін қолданады
IB бағдарламаларының құрылымдық негіздеріне сәйкес зерттеуге негізделген (inquiry-based), тұжырымдамалық (concept-driven) және білім алушыға бағдарланған (student-centered) оқу тәжірибесін жобалап іске асырады.

Тиімді бағалау стратегиясын жүзеге асырады
IB стандарттары мен критерийлеріне сәйкес қалыптастырушы және жиынтық бағалау әдістерін әзірлеп, қолданады.

IB білім алушы профилін дамытады
Білім алушы профилінің қасиеттерін оқу үдерісінде қолдану арқылы халықаралық деңгейде ойлайтын тұлғаны қалыптастыруға ықпал етеді.

IB шеңберінде оқу бағдарламасын жобалайды
IB бағдарламаларының талаптары мен стандарттарына сәйкес зерттеу модульдерін (Units of Inquiry) және пәндік оқу бағдарламаларын жоспарлайды.

Рефлексивті кәсіби тәжірибені жүзеге асырады
Үздіксіз кәсіби талдау жүргізіп, іс-әрекеттегі зерттеу әдістерін қолданады және дәлелге негізделген тәсілдер арқылы оқыту сапасын жетілдіреді.

IB аясында көшбасшылық пен ынтымақтастықты жүзеге асырады
Кәсіби оқыту қауымдастықтарында тиімді жұмыс істейді және IB World Schools мектептерінде көшбасшылық рөлдерді атқаруға дайын екенін көрсетеді.

Жаһандық білім беру қауымдастықтарына қатысады
SDU университетіндегі The IB Educator Certificates бағдарламасы нақты IB бағдарламаларын IB World Schools мектептерінде тиімді іске асыруға дайын мамандарды даярлайдыю

Бастауыш мектеп бағдарламасы(PYP)
Халықаралық Бакалавриаттың Бастауыш мектеп бағдарламасы (PYP) талаптарына сәйкес түлектер:

• • кіші жастағы білім алушыларға арналған зерттеуге негізделген оқу тәжірибесін жобалап ұйымдастырады;
  • пәнаралық зерттеу модульдерін (Transdisciplinary Units of Inquiry) әзірлейді және жүзеге асырады;
  • бастауыш сыныптарда білім алушылардың дербестігін (student agency) және тұжырымдамалық түсінігін дамытады;
  • мектепке дейінгі және бастауыш деңгейге сәйкес қалыптастырушы бағалау стратегияларын қолданады;
  • ойынға негізделген және тұжырымдамалық оқыту арқылы IB білім алушы профилін дамытады.

Орта мектеп бағдарламасы (MYP)
Халықаралық Бакалавриаттың Орта мектеп бағдарламасы (MYP) талаптарына сәйкес түлектер:

• тұжырымдамалық және зерттеуге негізделген пәндік модульдерді жобалайды;
• Оқыту барысында жаһандық мәнмәтіндерді қолданады;
• Пәнаралық оқу тәжірибесін әзірлейді;
• Personal Project жұмысын орындау кезінде оқушыларға жетекшілік жасап, бағалауды жүзеге асырады;
• MYP талаптарына сай критерийлік бағалауды қолданады.

Дипломдық бағдарлама (DP)
Халықаралық Бакалавриаттың Дипломдық бағдарламасы (DP) талаптарына сәйкес түлектер:

• DP пәндік нұсқаулықтарына сәйкес академиялық тұрғыдан тереңдетілген пәндік оқытуды жобалайды;
• Білім алушыларды IB-дің ішкі және сыртқы бағалауына дайындайды;
• Кеңейтілген эссе (Extended Essay) жазу үдерісіне жетекшілік етеді және әдістемелік қолдау көрсетеді;
• Таным теориясы (TOK) аясында талқылаулар өткізіп,сыни ойлауын дамытады;

Шығармашылық, белсенділік жəне қызмет (Creativity, Activity, Service, CAS) арқылы білім алушылардың жан-жақты дамуын қолдайды.

Міндетті компонент 1:
IB CTL 101 – IB Негіздері
5 ECTS | Міндетті
Бұл курс IB философиясы, білім алушы профилі, оқыту мен оқу тәсілдері, сондай-ақ IB стандарттары мен тәжірибелері бойынша базалық білім береді.
IB Minor бағдарламасының барлық студенттері үшін міндетті.

Міндетті компонент 2:
IB бағдарламасы бойынша мамандану
5 ECTS | Бір пәнді таңдау
Студенттер өздерінің академиялық бағытына немесе педагогикалық мамандануына сәйкес бір курсты таңдайды:

• IB CTL 201 – Primary Years Programme (PYP) – 5 ECTS
• IB CTL 301 – Middle Years Programme (MYP) – 5 ECTS
• IB CTL 401 – Diploma Programme (DP) – 5 ECTS

Міндетті компонент 3:
IB Педагогикалық практикасы
10 ECTS | Практикалық бөлім
IB World School мектебінде ұйымдастырылатын педагогикалық практика студенттерге IB әдістерін оқу үдерісінде қолдануға мүмкіндік береді.

Барлық бағдарламалар бойынша түлектер:

• IB философиясын және халықаралық ойлау мәдениетін терең меңгергенін көрсетеді
• Рефлексивті және зерттеуге негізделген оқыту тәжірибесін қолданады;
• IB кәсіби оқу қауымдастықтарында тиімді ынтымақтастық орнатады;
• IB World Schools мектептерінде сабақ беруге және көшбасшылық рөл атқаруға дайын болады.

Бағдарламаны сәтті аяқтағаннан кейін түлектер:

• IB тарапынан танылған білім беру бағдарламасын аяқтағаны туралы растау алады;
• IB-дің үш бағдарламасы бойынша дайындықтан өтеді: IB PYP, IB MYP, IB DP;
• Халықаралық Бакалавриат ұйымы беретін Оқыту және оқу бағыты бойынша IB педагогінің сертификатын (IB Educator Certificate in Teaching and Learning) алады.

Бұл біліктілік түлектің IB World Schools мектептерінде сабақ беруге және кәсіби қызмет атқаруға дайын екенін растайды.

IB CTL 101 – IB foundations 
IB CTL 201 –  IB PYP (Primary Year program)
IB CTL 301 –  IB MYP (Middle Year Program)
IB CTL 401 – IB DP (Diploma Program)

Минималды GPA: 2.5
Ағылшын тілін меңгеру деңгейі: B1 (ағылшын топтары үшін)