IT Law орталығы - SDU University

"IT LAW" ЗЕРТТЕУ ОРТАЛЫҒЫ

Орталық туралы

«IT Law» зерттеу орталығы — ақпараттық құқық, киберқұқық, дербес деректерді қорғау, құпиялылық, цифрлық құқықтар, жасанды интеллектіні құқықтық реттеу, киберқауіпсіздік, электрондық коммерция, зияткерлік меншік және Интернетті басқару салаларындағы заманауи құқықтық мәселелерді зерттеуге және талдауға бағытталған академиялық, ғылыми және сараптамалық платформа.

Орталықтың негізгі мақсаты — ғылыми зерттеулерді, білім беруді, кәсіби практиканы және стратегиялық әріптестікті интеграциялау арқылы Қазақстанда IT Law және Digital Rights бағыттарының дамуына үлес қосу.

Орталық университеттермен, мемлекеттік органдармен, технологиялық және IT-компаниялармен, заңгерлер қауымдастығымен, киберқауіпсіздік саласындағы ұйымдармен, азаматтық қоғам институттарымен және халықаралық әріптестермен ынтымақтастықты дамытады.

Орталық Digital Rights Center Qazaqstan, Cyber School және басқа да ұлттық және халықаралық әріптестермен бірлескен білім беру, ғылыми-зерттеу және сараптамалық жобаларды жүзеге асырады.

Мақсат пен міндеттер

1) Құқық саласындағы ғылыми-зерттеу базасын дамыту
2) Білім беру және кәсіби даму экожүйесін қалыптастыру
3) Студенттердің практикалық және кәсіби дағдыларын дамыту
4) Стратегиялық әріптестікті дамыту

Команда

Есиркепова Мадина

Ғылыми орталық директоры

PhD, қауымдастырылған профессор, Ғылым жөніндегі декан орынбасары, Австрия Ғылым академиясының халықаралық зерттеушісі

Ол құқықтану саласындағы PhD, SDU University қауымдастырылған профессоры және School of Social Sciences, Business and Law Ғылым жөніндегі декан орынбасары. Сонымен қатар Австрия Ғылым академиясының халықаралық зерттеушісі.

Оның ғылыми және академиялық қызметі халықаралық еңбек құқығын, адам құқықтарын, гендерлік теңдік пен кемсітпеушілікті, гендерлік және тұрмыстық зорлық-зомбылыққа қарсы құқықтық тетіктерді, цифрлық құқықты және технологияларды құқықтық реттеуді, сондай-ақ заңнамалық реформалар мен policy development мәселелерін қамтиды.

Мадина Есиркепова Digital Law (цифрлық құқық) пәнін оқытады және цифрлық технологияларды құқықтық реттеу, дербес деректерді қорғау, цифрлық құқықтар, жасанды интеллект және киберқауіпсіздік мәселелері бойынша зерттеулер жүргізеді.

Ол Австрия, АҚШ, Германия және Португалиядағы халықаралық зерттеу, академиялық ұтқырлық және тағылымдамалар бағдарламаларына қатысқан. 2022–2023 жылдары Michigan State University-де «Болашақ» бағдарламасының стипендиаты, 2025–2026 жылдары University of Graz-та Австрия Ғылым академиясының гранты аясында Visiting Researcher қызметін атқарды.

Оның ғылыми портфолиосында 50-ден астам ғылыми жарияланым, Scopus базасына кіретін журналдардағы мақалалар және монографиялар бар. Ол халықаралық еңбек стандарттары, адам құқықтары, гендерлік теңдік, кемсітпеушілік және цифрлық құқық пен жаңа технологияларды құқықтық реттеу салаларында ғылыми-зерттеу және сараптамалық жұмыстар жүргізеді.

Мадина Есиркепова Қазақстан Республикасының заңнамасын жетілдіруге бағытталған сараптамалық жұмыстарға, оның ішінде гендерлік теңдік, антидискриминациялық заңнама, халықаралық адам құқықтары стандарттары және цифрлық құқықтарды қорғау мәселелеріне қатысады.

ORCID: 0000-0003-1011-9171

Мағауия Абай

Ғылыми қызметкер

Технопарк директоры және GRATA International құрамындағы GRATA Labs директоры

Интеллектуалдық меншік, IT-құқық және азаматтық құқық саласында тәжірибесі бар “IT & Law” ғылыми орталығының директоры. Сондай-ақ SDU University-де аға оқытушы және GRATA International-дағы Integration Center-дің тең-директоры.

Женевадағы WIPO-да, Ұлыбритания, Эстония, Чехия және Польшада оқудан өтіп, ғылыми зерттеулер жүргізген. Абай құқық және әлеуметтік ғылымдар факультетінде IT-құқық бойынша магистратура және ғылыми орталықтың негізін қалаған. Ол AIFC-де тәуелсіз сарапшы ретінде қызмет атқарып, осы салада заңнамаларды жақсартуға қатысып, университеттерге IT құқық бағытында даму мәселелері бойынша кеңес береді.

Ол American Councils және SDU университетінен зерттеулер жүргізуге арналған гранттардың жеңімпазы болып табылады.

Жансая Тансыкбаева

Ғылыми ассистент

Заңгер және IT Law пәнінің оқытушысы

Кәсіби және ғылыми қызығушылықтары зияткерлік меншік, авторлық құқық және заманауи технологиялардың құқықтық аспектілерін қамтиды.

Ол 2023 жылы SDU бакалавриатын, 2026 жылы магистратураны аяқтады. Қазіргі уақытта жеке компанияда заңгер болып жұмыс істейді және IT Law пәнінен сабақ береді.

Магистрлік диссертациясы авторлық құқық мәселелеріне арналған. Осы бағытта ғылыми мақала әзірлеп жүр. Сондай-ақ NFT пен авторлық құқықтың құқықтық аспектілері туралы мақаланың авторы.

2022 жылы BETA Career бағдарламасы аясында GRATA International компаниясында тағылымдамадан өтті және зияткерлік меншікке қатысты жобаға қатысты. Университетте білім алған кезде IT Law Center мүшесі болды.

Жақсылық Айша

Ғылыми ассистент

IT құқық, зияткерлік меншік және салыстырмалы құқықтану салаларына қызығушылық танытатын заңгер зерттеуші

Қазіргі уақытта SDU University 2 курс магистранты. Ол «Galamat-Systems» ЖШС IT компаниясында заңгер ретінде қызмет атқарып, технологиялық сектордағы корпоративтік және құқықтық үдерістер бойынша тәжірибе жинақтаған. Магистратурадағы негізгі зерттеу бағыты жасанды интеллект пен авторлық құқық мәселелерін реттеуге арналған.

KAZGUU University бакалавриатында білім алу кезінде «Business and Law» және «German Law» қосымша бағдарламаларын сәтті аяқтаған. Коммерциялық құқық пен Еуропа құқық жүйелерін салыстырмалы талдау саласында терең білім қалыптастырған.

Ол дәстүрлі жеке құқық институттарын заманауи цифрлық технологиялармен байланыстырып, IT және құқық саласындағы ғылыми жобаларға белсенді қатысып келеді.

Іс-шаралар

«IT Law Forum» — ақпараттық құқық, киберқұқық, киберқауіпсіздік, дербес деректерді қорғау, құпиялылық, жасанды интеллектіні құқықтық реттеу және цифрлық құқықтардың өзекті мәселелеріне арналған жыл сайынғы флагмандық іс-шара.

Форум ғалымдарды, заңгерлерді, мемлекеттік органдардың өкілдерін, IT-компанияларды, азаматтық қоғамды және халықаралық ұйымдарды біріктіріп, білім мен практикалық тәжірибе алмасуға арналған алаң қалыптастырады.

2026–2027 оқу жылында 6-шы IT Law Forum өткізу жоспарлануда.

Форумның негізгі тақырыптық бағыттары:

Жасанды интеллектіні құқықтық реттеу;
Киберқұқық және киберқауіпсіздік;
Дербес деректерді қорғау және Privacy;
Цифрлық құқықтар;
Интернетті басқару (Internet Governance);
Цифрлық платформалар және электрондық коммерция;
IT құқығы және зияткерлік меншік.

Privacy Legathon 2026 — студенттердің дербес деректерді қорғау, құпиялылық және цифрлық құқықтар саласындағы практикалық дағдыларын дамытуға бағытталған практикалық іс-шара.
Іс-шараны Digital Rights Center Qazaqstan және басқа да әріптестермен бірлесіп өткізу жоспарлануда.

Qazaqstan Internet Governance Forum (IGF) — Интернетті басқару, цифрлық трансформация, жасанды интеллект, киберқауіпсіздік және цифрлық құқықтар мәселелерін талқылауға арналған көптарапты платформа.
IT Law Center форумға бірлескен ұйымдастырушы және/немесе академиялық әріптес ретінде қатысады.

Cyber Law Winter & Summer School — студенттерге, магистранттарға, жас ғалымдарға және заң саласының мамандарына арналған IT Law, Cyber Law, Privacy, Data Protection және Cybersecurity бағыттары бойынша қарқынды білім беру бағдарламалары.

Guest Lectures & Expert Talks — IT Law, Cyber Law, Artificial Intelligence, Privacy, Data Protection және Cybersecurity салаларындағы жетекші ғалымдар, практик заңгерлер, мемлекеттік органдардың өкілдері және IT сарапшылары қатысатын ашық дәрістер мен сараптамалық кездесулер сериясы.

IT Law Internship Programme — магистранттардың IT Law және сабақтас бағыттар бойынша мемлекеттік органдарда, заң фирмаларында, IT-компанияларда және цифрлық құқықтар саласында жұмыс істейтін ұйымдарда тағылымдамадан өту мүмкіндіктерін ұйымдастыру бағдарламасы.

Young Scholars Programme — IT Law, Cyber Law, Digital Rights және AI Governance салаларында жұмыс істейтін жас ғалымдарды Орталықтың ғылыми жобаларына тарту және олардың зерттеушілік әлеуетін дамыту бағдарламасы.

Digital Rights Rating — Digital Rights Center Qazaqstan ұйымымен бірлесіп цифрлық құқықтарды, дербес деректерді, құпиялылықты, ашықтықты және киберқауіпсіздікті қорғау мәселелері бойынша ғылыми-зерттеу және сараптамалық жұмыстарға қатысу.

Кәсіби оқытуға арналған Minor бағдарламалары — IT Law, Cyber Law және Digital Rights бағыттары бойынша қысқа мерзімді білім беру бағдарламаларын әзірлеу және іске асыру.

Жоспар

Жоспарланған іс-шара	Мерзімі
Privacy Legathon 2026 іс-шарасына қатысу немесе оны бірлесіп ұйымдастыру	2026 жыл
Qazaqstan IGF іс-шарасына бірлескен ұйымдастырушы немесе академиялық әріптес ретінде қатысу	2026 жыл
Digital Rights Center Qazaqstan ұйымымен ынтымақтастық туралы меморандум жасау	2026–2027 жылдар
IT Law, Cyber Law және Digital Rights бойынша қосымша және қысқамерзімді білім беру бағдарламаларын әзірлеу	2026–2027 жылдар
Guest Lectures және Expert Talks сериясын өткізу	Жыл бойы
Магистранттарға арналған IT Law Internship Programme іске асыру	Жыл бойы
Young Scholars Programme іске қосу	Жыл бойы
Digital Rights Rating бойынша ғылыми және сараптамалық жұмысқа қатысу	Жыл бойы
Қызметкерлерге Cybersecurity және Digital Law бойынша оқыту өткізу	Жыл бойы
IT Law және Digital Rights бойынша ғылыми мақалалар жариялау	Жыл бойы
Ұлттық және халықаралық жобаларға гранттық өтінімдер дайындау	Жыл бойы
IT Law, Cyber Law және Digital Rights бойынша конференциялар мен дөңгелек үстелдерге қатысу	Жыл бойы
Cyber Law Winter School өткізу	Қысқы кезең
Cyber Law Summer School өткізу	Жазғы кезең
VI IT Law Forum ұйымдастыру	2027 жыл