Сөйлеу мәдениеті – кәсіби іс-әрекет жетістігінің шарты екендігі мәлім. Бағдарламаның басты нысаны – білім алушылардың түрлі әлеуметтік ортада сөйлеу мәдениетін, қарым-қатынас әдебін, шаршытоп алдында сөйлеу дағдыларын қалыптастыру. Бағдарлама аясында білім алушылар сөйлеудің нормативтік, коммуникативтік және этикалық компоненттері, сөйлеу қарым-қатынасы, оның қағидалары, сөйлеудің логикалық мазмұндық құрылымы, сөйлеудің мәнерлілік құралдары, сөйлеу техникасы, ұжымдық іс-әрекет құрылымындағы кәсіби маманның сөйлеуі сияқты ұғымдармен жете танысады. Бағдарлама нәтижесінде білім алушы кез келген тақырыптарда әңгімелесе алады, сұхбат құра алады, түрлі сөйлеу жағдаяттарында еркін қарым-қатынасқа түсе алады, іскерлік ортада шебер сөйлей алады, тілдік бірліктерді әртүрлі дискурста оңтайлы қолдана алады.

• PHT 113 Шаршытоп алдында сөйлеу әдебі
• KZL 452 Қазіргі қазақ тілі стилистикасы
• PHT 410 Қоғаммен байланыс және нетворкинг

Қазақ тілін меңгеру деңгейі В1-ден төмен болмауы қажет (сертификат немесе транскриптте деңгейі көрсетілген «Қазақ тілі» пәнін игеруі).