Kazakh-British Technical University жанындағы Academy of Corporate Education құрылымының SDG Projects Department бөлімі экология, тұрақты даму және инновациялық технологиялар бағытындағы студенттік бастамаларды қолдау мақсатында Eco Showcase байқауын хакатон форматында ұйымдастырды.

Eco Showcase — тұрақты кәсіпкерлік пен эко-инновациялар саласындағы тәжірибелік дағдыларды дамытуға бағытталған интерактивті алаң. Жоба жастарға жасыл бизнес мүмкіндіктерін зерттеуге, кәсіпкерлік құзыреттерін жетілдіруге және сарапшылар мен пікірлес жастармен тәжірибе алмасуға мүмкіндік берді.

Іс-шара Біріккен Ұлттар Ұйымының Адам құқықтары, еңбек стандарттары, қоршаған ортаны қорғау және сыбайлас жемқорлыққа қарсы қағидаттарын ұстанатын ұйымдарды біріктіретін ең ірі корпоративтік тұрақты даму бастамасы — United Nations Global Compact қағидаттарына сәйкес өткізілді. Сонымен қатар жоба білім беру, зерттеу және қоғамдық қызмет арқылы БҰҰ құндылықтарын ілгерілетуге бағытталған жоғары оқу орындарының жаһандық желісі — United Nations Academic Impact аясында жүзеге асырылды. Байқау сондай-ақ БҰҰ-ның 12-Тұрақты даму мақсаты — «Жауапты тұтыну және өндіру» бағытын қолдап, жастар арасында экологиялық мәдениет пен жауапкершілікті дамытуға бағытталған «Таза Қазақстан» ұлттық экологиялық бастамасымен үндес өтті.

Байқауға Қазақстанның жетекші жоғары оқу орындарының студенттері қатысты. Атап айтқанда, SDU University, Satbayev University, Al-Farabi Kazakh National University және KBTU студенттері өз жобаларын ұсынды. Сонымен қатар Қазақстанда білім алып жатқан халықаралық студенттердің қатысуы іс-шараның ашық әрі халықаралық сипатқа ие екенін көрсетті.

Қатысушылар экологиялық және әлеуметтік маңызы жоғары мәселелер бойынша шешімдер ұсынып, креативті ойлау, аналитикалық қабілет және командалық жұмыс дағдыларын жоғары деңгейде танытты.

Байқау қорытындысы бойынша:

1-орын — Team LWP (KBTU)
Қатысушылар:
• Борібайұлы Батыр — «Органикалық заттардың химиялық технологиясы» мамандығының 4-курс студенті
• Сұлтанмахмұт Байдыбек — «Органикалық заттардың химиялық технологиясы» мамандығының 4-курс студенті

2-орын — Team Muda Hunters (SDU University)
Қатысушылар:
• Ахметжан Жұмағазыұлы
• Жекен Ерсұлтан
• Балдықов Әмір
• Оспанова Ләззат
• Төлеубекова Еркеназ

3-орын — Team Cause I Am (SDU University)
Қатысушылар:
• Жұмат Аяулым
• Жарылқасын Фариза
• Қадырбек Рабия
• Тойғанбек Динара

SDG Projects Department барлық қатысушыларға белсенділігі, бастамашылдығы және тұрақты даму бағытындағы шешімдерді әзірлеуге қосқан үлесі үшін алғыс білдірді. Мұндай жобалар жоғары оқу орындары арасындағы және халықаралық ынтымақтастықты нығайтып, инновациялық ойлауды дамытуға және Тұрақты даму мақсаттарын ілгерілетуге ықпал етеді.

Сондай-ақ ұйымдастырушылар жастардың экологиялық және инновациялық бастамаларын дамытуға қолдау көрсеткені үшін Rocket Plastic компаниясының CEO-сы Bakimov Daniyar мен SDU University Стратегиялық даму департаментінің директоры Toguzbayeva Gulnaz Keneskhanovna ерекше алғыс білдірді.