HR департаменті

HR ДЕПАРТАМЕНТІ

SDU HR департаменті – университеттің стратегиялық серіктесі әрі адам капиталының дамуына жауапты құрылым. Негізгі мақсат – қызметкерлерді тиімді басқару, дамыту және қолдау арқылы SDU қауымдастығының әлеуетін арттыру. Департамент қызметінің өзегінде – адам, оның кәсіби және жеке өсуі. Қызметкерлерді іріктеу мен бейімдеуден бастап, оқыту, бағалау және мотивация жүйесіне дейінгі барлық HR үдерістер кешенді түрде жүргізіледі. Команда ұйым ішінде сенім мен қолдауға негізделген орта қалыптастыруға, қызметкерлердің жұмыс сапасы мен өмір сапасын тең ұстауға ұмтылады.

Қызметтер

Жұмысқа қабылдау және бейімдеу

Өндіріс пен академиялық ортадағы үздік мамандарды тарту және сақтау – басты басымдық. Жаңа қызметкерлер ұйымдық мәдениетпен, құндылықтармен және ішкі рәсімдермен танысып, команданың толыққанды мүшесіне айналады.

Персоналды мотивациялау

Қызметкерлердің өнімділігі мен жұмысқа қанағаттанушылығын арттыруға бағытталған әдістер мен құралдар жүйесі. Мақсат – әр адамның әлеуетін ашып, ортақ нәтижеге жетуге ынталандыру.

HR-аналитика

SDU University-де HR аналитикасы адам капиталы туралы деректерді талдап, стратегиялық шешім қабылдауға мүмкіндік береді. Біздің ең басты ресурс – қызметкерлер. Сол себепті университет өмірін жақсарту үшін үздіксіз жұмыс жүргізіледі.

Кадрлық құжаттама

Кадрлық процестер қолданыстағы заңнама талаптарына сай жүргізіледі. Мақсат – құжат айналымының дұрыстығын қамтамасыз етіп, университеттің құқықтық тәуекелдерін азайту.

Команда құру және іс-шаралар ұйымдастыру

Ұжымішілік байланыстарды нығайту және серіктестік рухын арттыру – HR командасының басты бағыттарының бірі. Тимбилдингтер, бейресми кездесулер мен кәсіби сессиялар ұйым мәдениетін дамытып, бірлік пен сенімді нығайтады.

Оқыту және дамыту

Қызметкерлердің кәсіби өсуін қолдау – HR жұмысының маңызды бөлігі. Білім беру бағдарламалары, тренингтер мен даму бастамалары арқылы мамандар өз рөлінде өсіп, мансаптық мүмкіндіктерін кеңейтеді.