SDU University ұйымдастыруымен республикалық SDU Proficiency Test (SPT) олимпиадасы өз мәресіне жетті. Дәстүрлі түрде өткізілетін бұл білім сайысы биыл да еліміздің барлық өңірлерінен келген мектеп және колледж түлектерін біріктірді.

12 жылдан бері өткізіліп келе жатқан SPT – дарынды әрі мақсатты талапкерлерді анықтауға бағытталған маңызды зияткерлік алаң. Биылғы олимпиадаға жалпы 12 474 талапкер тіркеліп, оның 7 704-і алғашқы кезеңге қатысып, өз білімдері мен логикалық ойлау қабілеттерін сынады.

Олимпиада екі кезеңнен тұрды. I кезең қорытындысы бойынша 4 077 қатысушы II кезеңге жолдама алып, олардың 3 313-і офлайн форматта өткен қорытынды кезеңге қатысты. Екінші кезең еліміздің 17 қаласында қазақ және орыс тілдерінде ұйымдастырылды.

Алматы қаласы бойынша II кезеңге 1 442 талапкер өтіп, олардың 1 173-і финалдық кезеңге қатысты.

Нәтижесінде, 306 үздік қатысушы SDU University-дің 4 жылдық білім гранттарының иегері атанды. Сонымен қатар, бірқатар қатысушыларға 50%, 30% және 15% көлеміндегі оқу жеңілдіктері қарастырылған сертификаттар да табысталды.

Олимпиада қорытындысы бойынша әр кластерде жоғары нәтиже көрсеткен үздік қатысушылар қатарында:

Кластер 9 – Информатика:
Ибрагим Әділ, Сейт Марйам, Ерланұлы Аслан

Кластер 6 – Құқық негіздері:
Нұрпейіс Нұрбек, Бауыржан Әлхам, Көккөзев Әлибек

Кластер 4 – Ағылшын тілі:
Еркін Нұрхан, Өтеген Айдина, Ергенова Диана

Кластер 2 – География:
Ерғали Абдумалик, Әлібек Ажар, Насыров Тамерлан

Кластер 1 – Физика:
Стебляк Евгений, Құттымұрат Батырхан, Сабыржан Санжар

Кластер 3 – Химия-Биология:
Сабитқызы Іңкәр, Сайлау Айлана, Савралы Хантөре

Кластер 7 – Биология:
Қуатбек Жібек, Исмаилова Жамиля, Совет Жансая

Кластер 5 – Әдебиет:
Жексебай Айғаным, Мыңбай Айназым, Досет Нұрай

Кластер 8 – Тарих:
Сейтханов Эльдар, Сагидоллаева Турсынай, Ералиев Шыңғыс

SDU Proficiency Test олимпиадасы жыл сайын талапкерлерге өз әлеуетін көрсетуге мүмкіндік беріп, сапалы білімге жол ашатын маңызды бастамалардың бірі болып табылады.