«2025 жылғы Жоғары оқу орнының үздік оқытушысы» республикалық конкурсының қорытындысы жарияланып, еліміз бойынша жоғары кәсіби жетістіктерге қол жеткізген үздік оқытушылар анықталды.

Биылғы конкурс нәтижесінде «Жоғары оқу орнының үздік оқытушысы» атағы Қазақстанның 37 жоғары оқу орнынан 150 оқытушыға берілді. Байқауға еліміздің 89 жоғары оқу орнынан 502 үміткер қатысқан.

Аталған беделді конкурсқа SDU University атынан 8 оқытушы қатысып, олардың ішінен Математика және жаратылыстану ғылымдары кафедрасының ассистент профессорлары Нұрбек Қахарман мен Баян Бекболат жеңімпаз атанды. Бұл жетістік SDU University-де жүзеге асырылып жатқан сапалы білім беру мен ғылыми-зерттеу жұмыстарының жоғары деңгейін айқындайды.

Конкурс барысында қатысушылардың электрондық білім беру ресурстарын, оқу-әдістемелік материалдарды әзірлеуі мен жариялауы, отандық және халықаралық ғылыми журналдардағы мақалалары, патенттері, сондай-ақ ғылыми-зерттеу қызметінің өзге де нәтижелері кешенді түрде бағаланды.

SDU University ұжымы жеңімпаздарды жоғары жетістіктерімен шын жүректен құттықтап, алдағы ғылыми-педагогикалық қызметтеріне толағай табыс тілейді!