SDU University жаңа оқу жылында бакалавриат бағдарламасына түскен студенттерге және үлгерімі жоғары бакалавриат бағдарламасының қазіргі студенттеріне стипендия ұсынады. Барлық гранттар бекітілген өлшемдерге сәйкес конкурстық негізде бөлінеді.
Гранттарды бөлу кезінде білімгерлердің соңғы бірнеше жылдағы халықаралық және ұлттық деңгейдегі үлгерімі мен академиялық жетістіктері ескеріледі.
Шәкіртақы университет қоры есебінен беріледі. Қаржылық қолдауды ұсыну және оның мөлшері университеттің белгіленген ережелері мен қаржылық мүмкіндіктеріне сәйкес анықталады.
Университет өтінім берген барлық студенттерге қаржылық қолдау көрсетуге кепілдік бермейді, сондай-ақ қаржылық қолдауды бөлу шарттарын, өлшемшарттары мен тәртібін өзгерту құқығын өзіне қалдырады.
1-қадам:
– Стипендиялар туралы біліңіз
2-қадам:
– Қаржылық көмек кеңсесінде стипендия алуға өтініш беру
3-қадам:
– Қабылдау комиссиясына/студенттік порталға құжаттардың толық пакетін тапсыру/жүктеу, сондай-ақ таңдалған стипендия бойынша конкурстың барлық шарттарын орындау (тестілер, эсселер және т. б.)
1) SDU SPT олимпиадасының жеңімпаздары үшін (SDU Proficiency Test) – мектеп және колледж түлектеріне арналған SDU University-дің ішкі олимпиадасы. Олимпиаданың негізгі мақсаты – түлектерге болашақ мамандығын анықтауға көмектесу, сондай-ақ ішкі гранттар мен жеңілдіктер түрінде қолдау көрсету.
SPT олимпиадасының жеңімпаздары үшін SDU қаржыландыратын стипендиялардың 6 санаты бар: – 100% грант жеңімпаздары үшін, Олимпиаданың 1-3 орны үшін шәкіртақы; (100% – 18 шәкіртақы) – әрбір 6 санат бойынша 4 академиялық жылға; Олимпиаданың 4-6 орнына 50% жеңілдік; (50% – 18 жеңілдік) – әрбір 6 санат бойынша 4 академиялық жылға Олимпиаданың 7-9 орнына 30% жеңілдік; (30% – 18 жеңілдік) – әрбір 6 санат бойынша 4 академиялық жылға; Олимпиаданың 10-45 орнына 15% жеңілдік; (15% – 210 жеңілдік). Қатысушыларға қойылатын талаптар: бітіру жылында кез-келген азаматтығы бар жоғары сынып оқушылары қатысуға құқылы. Қосымша ақпарат алу үшін сайтқа кіріңіз https://sdu.edu.kz/ru/spt/.
2) Халықаралық INFOMATRIX ASIA жеңімпаздары үшін – бұл әлемдегі ең үздік IT-студенттерді біріктіру мақсатында ұйымдастырылатын Халықаралық компьютерлік жобалар байқауы. INFOMATRIX-ASIA байқаудың көкжиегін кеңейту және студенттердің қатысуына көбірек мүмкіндіктер беру үшін Бухарест, Румынияда өткізілетін INFOMATRIX байқауының негізінде құрылды. Байқау – бұл тек кәсіби шеберлікті шыңдау ғана емес, сондай-ақ көптеген елдердің студенттері мен оқытушыларын тарту арқылы мәдениетаралық қатынастар мен ынтымақтастықты дамытуға ықпал етеді. Әр номинацияда марапаттар бірнеше бөлімге бөлінеді:
I орын-SDU University-нің Инженерлік және жаратылыстану ғылымдары факультетінде оқуға 100% жеңілдік (СДУ ішкі гранты). II орын-SDU University-нің Инженерлік және жаратылыстану ғылымдары факультетінде оқуға 50% жеңілдік (SDU ішкі гранты). III орын – SDU University-нің Инженерлік және жаратылыстану ғылымдары факультетінде оқуға 30% жеңілдік (SDU ішкі гранты). Әр секцияда бөлу: 5% – алтын, 20% – күміс, 30% – қола (осы секцияға қатысушылар санының %). Қосымша ақпарат http://infomatrix.asia/ сайтында жариаланған.
