SDU University мен «BF MEREKE» қоры ынтымақтастық орнатты
SDU University дарынды жастарды қолдау және еліміздің ғылыми әлеуетін арттыру мақсатында «BF MEREKE» Қайырымдылық Қоғамдық Қорымен өзара ынтымақтастық жөнінде меморандумға қол қойды.
Аталған келісім аясында MEREKE Scholarship бағдарламасы жүзеге аспақ. Бұл бастама студенттердің академиялық және ғылыми жетістіктерін ынталандырып, олардың әлеуетін дамытуға бағытталған.
Бағдарлама шеңберінде 15 үздік студентке ай сайын 50 000 теңге көлемінде шәкіртақы тағайындалады. Қаржылай қолдау 2025 жылдың күзгі семестрі бойы (4 ай) төленеді. Сонымен қатар, GPA көрсеткіші 3.5 және одан жоғары болған жағдайда шәкіртақыны бір жылға дейін ұзарту мүмкіндігі қарастырылған.
Бұл серіктестік студенттердің сапалы білім алуына, ғылымға қызығушылығын арттыруға және Қазақстанның зияткерлік капиталының дамуына елеулі үлес қосады деген үміттеміз.
