14 тамыз күні Алматыдағы Rahat Palace Hotel қонақүйінде Орталық Азиядағы құқық пен технология тоғысындағы басты шара — IV IT Law Forum ұйымдастырылды. Бұл форумға заңгерлер, IT саласының мамандары, мемлекеттік органдар өкілдері, бизнес қауымдастығы мен академиялық орта бір арнаға тоғысып, жасанды интеллектіні құқықтық реттеу, деректерді қорғау және цифрлық егемендікті дамыту мәселелерін талқылады.

Цифрлық технологиялар қарқынды дамып, киберқауіптер күшейген заманда бұл алаң қатысушыларға тәжірибе алмасып қана қоймай, құқық пен технология саласындағы өзекті мәселелерге нақты шешім ұсынуға мүмкіндік берді.

Форум жұмысына ҚР Бас прокуратурасы, ҚР Цифрлық даму, инновациялар және аэроғарыш өнеркәсібі министрлігі, ҚР ІІМ академиясы, Алматы қалалық соты, сондай-ақ Freedom Holding Corp., GRATA International, DRCQ, TrustMe, Documentolog, Legal Click, Choco Holding, Sergek, DataArt және жетекші университеттермен қатар ірі жеке және халықаралық компаниялардың өкілдері қатысты.

GRATA International серіктесі әрі форумның негізгі спикерлерінің бірі Ержан Есимханов:

«Жасанды интеллект дәуірі заңнаманы және заңгер мамандығын түбегейлі өзгертуде. Алдағы жылдары мемлекет, бизнес және азаматтар мүдделерінің тепе-теңдігін қайта қарап, технологияларды қоғам игілігіне пайдалану — басты міндетіміз болады», – деп пікір білдірді. 

Қатысушылардың қатарында халықаралық заң фирмаларының серіктестері, Қазақстанның ең ірі компанияларының топ-менеджерлері, мемлекеттік құрылымдар, инновациялық стартаптар мен білім беру ұйымдарының өкілдері болды. Олардың ішінде:

• Қаржы және бизнес секторы: Ұлттық банк, Bereke Bank, Home Credit Bank, Air Astana, Kolesa Group, BASF, ABB, Freedom Holding Corp., Lotte Rakhat, ҚазАтомпром, Aviata, CTH Group, WSPN, YDA;

• Заң фирмалары: Salus Legal, AEQUITAS, Centil Law, GRATA International, RUDIS, Linkage & Mind, Astrea KZ, Ad Lex Consult, Mizan Law Firm, ARX Patent & Law, Zhizhin Legal Studio, ZL Law Firm, AGAG Inc., AGKA;

• IT және финтех компаниялары: Bitrix24, JetPay.kz, 1Fit, AbrTech, Green Leaves Payments, Process Lab, Sensata Group, Sensata Almaty, Viled Fashion, Cloud Centre, biometric.vision, ISDR LLC, Kipros LLP, OV Tech Limited, OneVision Limited;

• Университеттер: Narxoz University, AlmaU, әл-Фараби атындағы ҚазҰУ, KBTU, Astana IT University, SDU University, Каспий университеті, Тұран университеті, Қазақ ұлттық қыздар педагогикалық университеті, ҚР ІІМ академиясы.

Форум бағдарламасы төрт негізгі бағытты қамтыды:

1. IT Law — цифрлық орта, электрондық сервистер, цифрлық егемендік және технология этикасын реттеу.

2. Cybersecurity & Privacy — маңызды инфрақұрылымды, жеке деректер мен құпиялылықты қорғау.

3. Intellectual Property — әзірлеушілер мен инновациялық компаниялардың құқықтарын қорғау.

4. AI & Legal Tech — жасанды интеллект пен цифрлық құралдарды заңгерлік тәжірибеге енгізу.

Барлығы 16 спикер сөз сөйлеп, 4 панельдік пікірталас өтті.
IV IT Law Forum тағы да Қазақстандағы құқық пен технологияның болашақ күн тәртібін айқындайтын басты кәсіби алаң екенін дәлелдеді.