SDU University әлемнің 2 318-ден астам жоғары білім беру мекемелері арасында THE Impact Rankings 2025 жаһандық рейтингінде 1001–1500 орын аралығынан өз орнын қайта иеленгенін мақтанышпен хабарлайды.

БҰҰ-ның Тұрақты даму мақсаттары (Sustainable Development Goals – SDGs) аясындағы бұл рейтинг жоғары оқу орындарының әлеуметтік, экологиялық және экономикалық тұрақтылық бағытындағы жаһандық бастамаларға қосқан үлесін бағалауға бағытталған.

2025 жылғы рейтингте SDU University 10 Тұрақты даму мақсаты бойынша бағаланды. Атап айтқанда:
📚 SDG 4: Сапалы білім
👩‍⚖️ SDG 5: Гендерлік теңдік
🏙 SDG 10: Теңсіздікті азайту
🤝 SDG 17: Мақсаттар жолындағы әріптестік
және басқа да бағыттар қамтылды.

Университет бұл рейтингке енген уақыттан бері SDG 4: Сапалы білім бағыты бойынша үздік нәтижелер көрсетіп келеді. Бұл көрсеткіш — SDU-дың инклюзивті, тең және сапалы білім беру қағидаттарын басшылыққа ала отырып, жаһандық білім кеңістігінде жауапты және сапалы білім беру институты ретінде орныға түскенінің дәлелі.

SDU University ұжымы алдағы уақытта да тұрақты даму саласындағы өз миссиясын жалғастырып, білім мен қоғам игілігі жолында аянбай еңбек етуді көздейді.