1. Өтініш беру (онлайн форма арқылы)
Қоса тіркеу қажет:
1) SDU ректорының атына жазылған өтініш (ауысу/қалпына келу туралы)
Қолмен не басып жазылған, байланыс нөмірлері мен себебі көрсетілген, қол қойылып, скан күйінде тіркелуі тиіс.
Өтініш үлгісі – өз атыңыздан толтырып, тіркеу қажет.
2) транскрипт (мөрі бар немесе электрондық-цифрлық қолтаңбамен / QR-кодпен расталған ресми нұсқасы; ағылшын тілінде болғаны жөн);
3) қалаған семестріңіз (мысалы: 3-семестр = 2-курс);
4) ауысып/қалпына келгіңіз келетін мамандық;
5) (бар болса) IELTS сертификаты.

2. Ағылшын тілі деңгейін анықтау
Егер сіз ағылшын тілінде оқытылатын бағдарламаға өтініш берсеңіз, B1 (Intermediate) деңгейінен төмен емес біліктілігіңізді растауыңыз қажет:

– жарамды IELTS сертификатын ұсыну арқылы;
– немесе ішкі тілдік тест тапсыру арқылы (тесті MDE департаментінің Language School бөлімшесі жүргізеді).

Тест форматы:
– Алматыда тұратындар үшін – офлайн, SDU кампусында;
– Басқа өңірлерден және шетелден келген үміткерлер үшін – онлайн;
– MDE департаментінің өкілдері өздері байланысып, формат пен уақытты келіседі.

3. Академиялық сараптама
Тіл деңгейі расталған соң:
– бағдарлама координаторы транскриптті тексереді;
– академиялық айырмашылықты, семестрді және мамандық сәйкестігін анықтайды.

Өтінішті толық қарау уақыты – 10 жұмыс күніне дейін

Маңызды ескертпелер
Қазақстандық ЖОО-дан ауысатын студенттер үшін:
Студенттік жарна міндетті:

– 45 000 теңге (Қазақстан азаматтары үшін);
– 200 АҚШ доллары (шетелдік студенттер үшін);
– Академиялық айырмашылыққа байланысты пәндер ақылы, тіпті мемлекеттік грантпен ауыссаңыз да;

Мемлекеттік білім беру грантын сақтау үшін:
– білім беру бағдарламалары тобы сәйкес келуі тиіс;
– грант жалпы конкурс арқылы алынған болуы қажет (мақсатты емес);
– қазіргі университеттің келісімі SDU ауысуды мақұлдағаннан кейін ғана беріледі;

Қазақстан ішіндегі ауысу кезінде:

– түпнұсқа құжаттарды тапсырудың қажеті жоқ – SDU оларды өздігінен сұратады;

Қажет:

– мөрі қойылған транскрипт;
– ректордың қолы мен мөрі қойылған келісім-хаты бар өтініш.

Шетелдік ЖОО-дан ауысатын студенттер үшін:
– Тікелей ауысу мүмкін емес;

Келесі қадамдар қажет:

– оқып жатқан шетелдік ЖОО-дан ресми түрде шығарылу;
– барлық түпнұсқа құжаттарды жинау;
– SDU-ға қайта қабылдану рәсімінен өту;
– онлайн өтініште “шетелдік ЖОО-дан кейін қайта қабылдану” деп көрсету.