Пәнаралық зерттеу орталығы

ПӘНАРАЛЫҚ ЗЕРТТЕУ ОРТАЛЫҒЫ

Орталық туралы

Пәнаралық зерттеу орталығы 2023 жылдың желтоқсанында SDU University-дің қолдауымен ашылды. Біздің орталық — Мультидисциплинарлық білім беру (MDE) бағытындағы барлық пәндердің басын қосып, ортақ ғылыми-зерттеу жұмыстарын жүргізуге арналған бірегей платформа.

Қазіргі таңда пәнаралық байланыс ұғымы кең қанат жайып, осы бағыттағы зерттеулердің өзектілігі артып келеді. Бүгінгі таңда студенттердің, магистранттар мен докторанттардың ізденіс жұмыстары көбіне психологиялық-педагогикалық, әлеуметтік, лингвистикалық және цифрлық технологиялар аспектілерін қатар қамтиды. Сондықтан зерттеу жұмыстарының пәнаралық сипатта болуы ғылыми нәтижелердің сапасы мен тиімділігін арттыруда маңызды рөл атқарады.

Мақсат пен міндеттер

1) Педагогикалық білімді жетілдіру: Оқыту мен оқудың тиімді әдістерін, білім берудегі психологиялық және педагогикалық теорияларды тереңірек түсіну мақсатында зерттеулер жүргізу. Басты басымдық – педагогика ғылымының дамуына үлес қосу

2) Оқыту тәжірибесін жақсарту: Мектеп бағдарламаларынан бастап жоғары оқу орнынан кейінгі білім беру мен қашықтан оқытудың озық тәжірибелерін зерделеу, әзірлеу және тарату

3) Пәнаралық ынтымақтастық: Педагогикалық зерттеулерге жаңа перспективалар енгізу үшін психология, нейроғылым, технология, әлеуметтану және тіл білімі сияқты әртүрлі сала мамандары мен зерттеушілер арасындағы байланысты нығайту

4) Білім беру технологияларының интеграциясы: Технологиялық жетістіктер мен олардың білім беру үдерісіне әсерін бақылай отырып, оқыту технологияларының тиімді интеграциясын зерттеу

5) Бағалау жүйесі: Студенттердің оқуға деген ынтасын арттыру мақсатында білім беру бағдарламаларының нәтижелерін бағалау әдістерін әзірлеу және жетілдіру

6) Инклюзивті білім беру: Ерекше білім беру қажеттіліктері бар, әртүрлі мәдени ортадан келген және оқу стилі сан алуан студенттердің білімге тең қолжетімділігін қамтамасыз ету үшін инклюзивті тәжірибелерді қолға алу

7) Қоғаммен байланыс: Білім беру мәселелерін шешу және қолдау көрсету мақсатында мектептермен, колледждермен және жергілікті қауымдастықтармен бірлескен жобалар жүзеге асыру

8) Зерттеу нәтижелерін тарату: Ғылыми жұмыстарды рецензияланатын журналдарда жариялау, Хирш индексін (h-index) арттыру, халықаралық конференцияларға қатысу, сондай-ақ семинарлар мен вебинарлар арқылы зерттеулерді жұртшылыққа таныстыру

9) Гранттар мен қаржыландыруды тарту: Тұрақты ғылыми бастамаларды қолдау үшін халықаралық, мемлекеттік және ішкі гранттық жобаларға өтінімдер беру

10) Студенттерді ғылымға тарту: Барлық деңгейдегі студенттерге педагогикалық зерттеулермен айналысуға мүмкіндік беріп, олардың болашақ педагог және зерттеуші ретінде дамуын ынталандыру

11) Этикалық мәселелер: Зерттеу барысында этикалық нормаларды, атап айтқанда, жеке мәліметтердің құпиялылығын, деректер қауіпсіздігін және ақпараттандырылған келісім принциптерін сақтауды дамыту

12) Сыртқы ғалымдарды тарту: Халықаралық деңгейдегі жетекші университеттермен Glasgow University және пәнаралық зерттеу орталықтарымен Cambridge University серіктестікті арттыру

13) Үздіксіз білім алу: Оқытушылардың кәсіби біліктілігін арттыру және өмір бойы білім алу (lifelong learning) принциптерін қалыптастыру

Команда

Азат Қали

Пәнаралық зерттеулер орталығының директоры

Қали Азат Бақытұлы – SDU University мекемесі, «Педагогика және Гуманитарлық ғылымдар» факультеті, «6В01601 – Тарих» білім беру бағдарламасының координаторы, «Қазақстан тарихшылары ассоциациясының» мүшесі.
2019 жылдан бері SDU University мекемесінде жұмыс істеп келеді. Осы уақыт ішінде MDE орталығында «Гуманитарлық пәндер» координаторы болып, «Ағылшын тілінде тарихымызды тиімді түсіндіру әдіс-тәсілдері» тақырыбы бойынша Ішкі жобаны ұтып алған болатын.

Ахметов Әділхан

Орталықтың ассистенті

Жаратылыстану ғылымдары педагогикасы кафедрасының «Жас маман» бағдарламасы бойынша оқытушысы. Польшаның Познань қаласындағы Адам Мицкевич университетінде академиялық ұтқырлық бағдарламасы аясында химия ғылымдары бойынша ғылыми тағылымдамадан өткен. ҚР Ғылым және жоғары білім министрлігі стипендиясының иегері.

Педагогика және гуманитарлық ғылымдар факультетінің экс-министрі және «SDU Жыл белсендісі – 2023» номинациясының иегері. Қазақстандық ЮНЕСКО клубтары федерациясының мүшесі. Сонымен қатар, «КурсАнт» мектебінде мұғалім және оқу ісі жөніндегі орынбасардың ассистенті қызметтерін атқарады.

Қуатбекова Сымбат

Орталықтың ассистенті

SDU University-нің пәнаралық зерттеу орталығының зерттеу ассистенті, “Физика-Информатика” мамандығының студенті. “Елбасы медалінің” иегері, “Дарынды балалар” кітабы мен “Қазақ” газетінде жарияланған. Атырау және Ақтөбе қыздар лицейлерінде физика пәнінен сабақ берді. “ZHASA Club” әлеуметтік медиа маркетинг бөлімінің жетекшісі. “EdCrunchX” конференциясында FutureLearn компаниясының бас директорының жеке көмекшісі және аудармашысы ретінде қызмет атқарды. SDU мен KIMEP университеттерінің бірлескен “Get Connected” жобасына қатысып, алғыс хат иегері атанды.

Жоспар

Жоспарланған іс-шара	Мерзімі	Жауапты тұлға
Факультеттің ПОҚ ғылыми-практикалық, теориялық семинарлар өткізу	Семестрде бір рет	Факультеттің ПОҚ, магистранттар, докторанттар
Ғылыми семинар	3 айда бір рет	Факультеттің студенттері
Отандық және шетелдік зерттеушілермен бірлескен ғылыми жобаларға қатысу	Жылына бір рет	Факультеттің ПОҚ, магистранттар, докторанттар
Басқа университеттерден әріптестермен бірігіп дөңгелек үстел ұйымдастыру	Жылына бір рет	Факультеттің ПОҚ, магистранттар, докторанттар
«Пәнаралық зерттеу орталығының» тақырыптары аясында Scopus және Web of Science дерекқорларында индекстелген журналдардағы бірлескен жарияланымдар	Жыл бойы	Факультеттің ПОҚ, магистранттар, докторанттар
Басқа университеттердің студенттері мен магистранттарын тағылымдамадан өткізу	Жыл бойы	Студент 4-курс, Магистрант 2-курс