2025 жылдың екінші жартыжылдығында Академиялық адалдық лигасы (ААЛ) бекітілген күн тәртібі мен регламентке сәйкес екі отырыс өткізді. Отырыстар барысында Лига құрамына жаңа білім беру ұйымдарын қабылдау мәселелері қаралып, тиісті шешімдер қабылданды.

Дауыс беру нәтижесінде ААЛ мүшелерінің басым көпшілігі төмендегі білім беру ұйымдарының Лигаға кіруін қарауға қабылдады:

• Халел Досмұхамедов атындағы Атырау университеті;
• «Шәкәрім университеті» КеАҚ;
• «Халықаралық білім беру корпорациясы» ЖШС;
• Ш. Есенов атындағы Каспий технологиялар және инжиниринг университеті КеАҚ.

Сондай-ақ отырыс барысында академиялық қызметте жасанды интеллектіні пайдалану жөніндегі нұсқаулықты жаңарту үшін жұмыс тобын құру туралы шешім қабылданды. Жұмыс тобына Лигаға мүше әрбір ұйымнан жауапты өкілдер енеді. Топтың негізгі міндеттері жасанды интеллектіні қолдануға қатысты нормативтік және әдістемелік тәсілдерді өзектендіру, академиялық адалдықты бұзуға қатысты практикалық кейстерді жүйелеу, сондай-ақ академиялық адалдық мәдениетін нығайтуға бағытталған ұсынымдар әзірлеу болып айқындалды.

Ашықтықты қамтамасыз ету және бірыңғай стандарттарды сақтау мақсатында Академиялық адалдық лигасы жаңадан қабылданған университеттерге қатысты жоспарлы мониторингтік іс-шараларды жалғастырады. Мониторинг аясында академиялық адалдық қағидаттарының енгізілу деңгейі бағаланып, ішкі рәсімдер талданып, оларды одан әрі жетілдіруге арналған ұсынымдар әзірленетін болады.