Әсет Құранбек: Шерхан Мұртаза – жалпыадамзаттық құндылықтарды дәріптеген адам

Әсет Құранбек: Шерхан Мұртаза – жалпыадамзаттық құндылықтарды дәріптеген адам

Бүгін Сулейман Демирель атындағы университетте «Шерхан Мұртаза шығармаларындағы қазақ ұлттық философиясы» тақырыбында дөңгелек үстел өтті. Шара жазушының 90 жылдық мерейтойына орай ұйымдастырылды. Студенттермен кездесуге Әл-Фараби атындағы Қазақ ұлттық университеті Философия кафедрасының меңгерушісі, философия ғылымдарының кандидаты, қауымдастырылған профессор Әсет Құранбек қонақ ретінде келді. Профессор студенттерге Шерхан Мұртазаның өмірі, қызмет жолы туралы естеліктер айтып, өзінің өмірінде қандай рөл атқарғанын айтты. 

«Шерхан Мұртаза шын мәнінде елін сүйетін адам. 5-сыныпта «Қызыл жебе» романын оқып, ондағы Тұрардың тұлғасы маған қатты әсер етті. Тұрар Рысқұлов өмір сүргендегі, өткелең кезеңдегі қазақ қоғамының тағдырын, жан жарасын көз алдымызға көрсетті. Оны бір жағынан ауыр қабылдадым, екінші жағынан бірнеше кезеңнің тоғысында өмір сүрген Тұрар Рысқұлов сияқты ғаламат тұлғаның дамуына Шерхан Мұртазаның еңбегі сіңгенін түсіндім. Сондай-ақ, Шерағаның шығармаларында, әсіресе “Бір кем дүние” туындысында тұнып тұрған философиялық ойлар. Сіздердің университеттеріңізден осы іс-шараға шақырту алғанда, “Неге біз осы тақырыпты бұрын-соңды ойламадық” деген ой келді. Осында келе жатқанда осы тақырыпты докторлық диссертация етіп берсем бе деген қорытындыға келдім», – деді Әсет Құранбек. 

Дөңгелек үстелде қонақ спикер ғана емес, студенттер де баяндама жасап, өз философиялық көзқарастарымен бөлісті.

Реквизиты

«Болашақ» халықаралық стипендиясының екі дүркін иегері. 2011 жылы Англияның Newcastle университетінің магистратурасын Халықаралық мультимедиалық журналистика мамандығы бойынша бітірген. Ал 2021 жылдың наурыз айында Шотландияның Glasgow университетінде үш жылдан астам уақыт бойы жазған докторлық диссертациясын мерзімінен бұрын сәтті қорғап шықты. 1 айдан кейін оған Медиа және мәдени саясат мамандығы бойынша ресми түрде Философия докторы ғылыми атағы берілді. Dr Әсел негізі 1451 жылы қаланған университеттің Мәдени саясатты зерттеу орталығында (Centre for Cultural Policy Research) қызмет еткен. Аты әлемге әйгілі, nationalism ұғымының Ұлыбританияда негізін қалаушылардың бірі Эрнест Геллнерден тәлім алған Филип Слесинджердің шәкірті. Сондай-ақ, ол  магистратура студенттеріне Зерттеу әдістері (Research Methods) пәнінен дәріс оқып, Қазақстаннан тұңғыш рет PhD дәрежесін иеленген маман атанады. 

Докторлық диссертациясы, «Қазақ киносы және ұлт: сыни талдау» тақырыбы, ұлт құрылысы (nation building)  тәсілімдемесі арқылы зерттелген (Kazakh cinema and the nation: a critical analysis – Enlighten: Theses (gla.ac.uk)). Ғылыми еңбекте ол қазақ киносына британ әлеуметтанушы Энтони Смиттің энтосимволизм концепциясы бойынша талдау жасап, қазақ халқының ұлт болып қалыптасуына атажұрттық фильмдердің әсері қаншалықты деген сұраққа жан-жақты жауап беруге ұмтылады. 

Диссертацияның жаңалығы – бұл отандық Еуразия Халықаралық  кинофестивалін академиялық тұрғыдан алғаш рет зерттеп, ғылымның фильм фестивальдері (film festival studies) атты жаңа саласына EurIFF ұғымын тұңғыш рет енгізді (бұл турасында ағылшын тілді ғылымда бір де бір диссертацияны айтағанның өзінде,  ғылыми орта назар аударарлық мақала да жоқтың қасы). Сонымен қатар, осы саланы зерттеп жүрген әлем зерттеушілеріне қазақ киносын, Қазақстанның халықаралық фестивалін ғылыми еңбегі арқылы танымалдандырды. 

Бұған дейін Әсел Қамза «Хабар» арнасында 2006-2010 жж. аралығында  «Азамат» жастар бағдарламасының редакторы, кейіннен продюсері, «Біз айтсақ…» ток-шоуының шеф-редакторы, қазақ және орыс тілінде хабар таратқан «Бизнес мекен» таңғы бағдарламасының сценарисі қызметін атқарып, ондаған тікелей эфирлерде жұмыс жасап, практик-журналист ретінде тәжірибесін толықтырды. Оның ішінде 2008-2009 жылдары «Қазақстанда жасалған» атты отандық өндірушілерді қолдау мақсатында ашылған тележобаның сценарист-редакторы әрі жүргізушісі болып жұмыс істеген. 2011-2014 жылдары «Қазақстан темір жолы» ҰК» АҚ Ішкі протокол және бұқарамен байланыс департаментінде маман деңгейінен бастап, жарнама бөлімінің бастығы позициясына дейін көтеріліп, 160 000-нан астам қызметкері бар  ұлттық компанияның  PR стратегиясын дамытып, үйлестіруге үлес қосқан. 

Сулейман Демирель Университетінде бакалавриат және магистратура шәкірттеріне қазақ және ағылшын тілдерінде Масс коммуникация теориясы, Зерттеу әдістері, Масс коммуникациядағы зерттеу әдістері, Медиа Социология және Бейне композиция пәндерінен сабақ береді. Ұлыбританияда 5 жылға жуық уақыт ішінде жинаған бүкіл өнегесі мен бар тәжірибесін күнделікті дәрісінде пайдалануға тырысады. Студенттеріне сыни ойлауға, сындарлы пікір білдіруге жөн сілтейді. Ғылыми жұмыс жазған кезде, кеңестік кезден келе жатқан дәстүрлі жүйе бойынша, тек ғылыми жетекшінің жөн-жобасын ғана басшылыққа алуды ғана үйретпей, шын мәнінде бүкіл жауапкершілікті өз мойнына алуға, өз бетінше, еркін және тәуелсіз жұмыс істеуге дағдыландырады. 

Мақалалары отандық ғылыми журналдарда жарық көрген. Қазіргі таңда толерантты журналистика, автобиографиялық фильмдерге қатысты зерттеу жұмыстарымен айналысады. 

Өмірлік ұстанымы – талап, сапа, нәтиже!

Open chat
Skip to content

Spelling error report

The following text will be sent to our editors: