СДУ-да Culture Day өтті

СДУ-да Culture Day өтті

 

Бүгін Алматыдағы Сулейман Демирель атындағы университетте Мәдениет күні өтті. Халықаралық шараға АҚШ, Франция, Қытай, Жапония, Корея, Моңғолия елдерінің өкілдері қатысты.

Мәдени шара ұлтаралық қарым-қатынасты нығайту, әртүрлі мәдениеттердің құндылығын, маңыздылығын тереңінен түсіндіру мақсатында ұйымдастырылды. Мерекелік кештің ашылу салтанатында университет ректоры Әлімжан Игенбаев шетелдік қонақтарға алғысын айтты.

«Бүгінгі халықаралық шараға келген елшіліктердің өкілдеріне, студенттерге алғыс айтамын. Қазіргі таңда Университетімізде 8000 студент оқиды, оның ішінде Орта Азия, Африка, Қытай, Ресей, Моңғолия сияқты 16 елден келген 152 шетелдік студент білім алып жатыр. Сондай-ақ 40-қа жуық шетелдік профессор қызмет етеді. 26 мемлекеттегі 60 университетпен ынтымақтастық меморандум жасалып, бүгінгі таңда академиялық ұтқырлық, тәжірибе алмасу бойынша бірлескен жобалар атқарылуда. Университетімізге халықаралық студенттерді тарту мақсатында жыл сайын шет елдерде ISPT олимпиадасын өткізіп, оларға СДУ-да білім алуға мүмкіндік беретін гранттар мен жеңілдіктер ұсынамыз. Мұндай шаралар арқылы Сулейман Демирель университеті әртүрлі ұлт өкілдерімен, өзге елдермен тығыз жұмыс істейтінін, шетелдік жобаларға ашық екенімізді көрсеткіміз келеді», – деді ректор.

СДУ Инженерия және жаратылыстану ғылымдары факультетінің 4 курс студенті, кениялық Омар Мбала жоғары білім алу үшін неліктен Қазақстанға келгенін айтып берді.

«Мен қазір математика мамандығында білім алып жатырмын. Қазақстан туралы университеттің шетелдік балаларға арналған ISPT олимпиадасы арқылы білдім. Олимпиадаға қатысып, СДУ-да 4 жыл тегін білім алуға мүмкіндік беретін грант ұтып алдым. Қазақстанды таңдаған себебім – Кениямен ұқсастықтары бар. Бірақ бізде британдық жүйе бойынша оқытады, ал бұл жақта өзгеше. Мен Қазақстанға осы жақтың білім жүйесіне қызығып әрі өзге ұлт өкілдерімен араласу үшін келдім. Бүгінгі Culture Day шарасы мен үшін өте маңызды. Себебі адамдар түрлі ұлт өкілдерімен араласу, мәдениетімен танысу арқылы дамиды. Бұл жақта осындай шаралар көп өтетіні, халықаралық студенттерге баса назар аударылатыны өте ұнайды. Оқуымды бітірген соң СДУ университетінде «Жас маман» жобасы бойынша жұмыс істеуге қалуды жоспарлап жүрмін. Болашақта математика ғылымдары бойынша профессор болғым келеді. Қазіргі таңда ана тіліміз – суахали, қазақ, ағылшын, түрік тілдерін білемін», – деді Омар.

Халықаралық шараға қатысқан Алматы қаласы Француз Альянсының атқарушы директоры Вивьен Фуке қала сыртында орналасқан университеттің деңгейін көргенде таңданғанын жасырмады.

«Біз Франция мен Қазақстанның арасындағы ынтымақтастықты дамыту бағытында жұмыс істеп жүргендіктен, бүгінгі шараға қатысқаныма өте қуаныштымын. Сулейман Демирель университетіне алғаш рет келіп тұрмын. Қаланың сыртында орналасқан университетті басқаша елестеттім. Мұнда білім алып жатқан өзге ұлт өкілдері көп екеніне, студенттер шараны жоғары деңгейде ұйымдастырғанына таңғалып тұрмын. Алдағы уақытта университетпен байланыс орнатып, әріптестеріммен тағы келуді жоспарлап отырмыз», – деді ол.

АҚШ Бас консулының қоғаммен байланыс жөніндегі кеңесшісінің көмекшісі Чад Киннер әртүрлі мәдениет өкілдері бірігуі керек екенін айтты.

«Бүгін әртүрлі ұлт өкілдерінің өз елінің мәдениетімен таныстыру үшін бір жерге жиналғанына қуаныштымын. Менің ойымша, мәдениеттер арасындағы ынтымақтастықты арттыруға көмектесетін кез келген шара пайдалы. Сондай-ақ мұндай шаралар, шын мәнінде, адамдарды біріктіреді. Біз халықаралық қауымдастық ретінде бірігуіміз керек. Осындай әсем университетте ауқымды іс-шара ұйымдастырғандарыңызға рақмет», – деді Чад Киннер.

Реквизиты

«Болашақ» халықаралық стипендиясының екі дүркін иегері. 2011 жылы Англияның Newcastle университетінің магистратурасын Халықаралық мультимедиалық журналистика мамандығы бойынша бітірген. Ал 2021 жылдың наурыз айында Шотландияның Glasgow университетінде үш жылдан астам уақыт бойы жазған докторлық диссертациясын мерзімінен бұрын сәтті қорғап шықты. 1 айдан кейін оған Медиа және мәдени саясат мамандығы бойынша ресми түрде Философия докторы ғылыми атағы берілді. Dr Әсел негізі 1451 жылы қаланған университеттің Мәдени саясатты зерттеу орталығында (Centre for Cultural Policy Research) қызмет еткен. Аты әлемге әйгілі, nationalism ұғымының Ұлыбританияда негізін қалаушылардың бірі Эрнест Геллнерден тәлім алған Филип Слесинджердің шәкірті. Сондай-ақ, ол  магистратура студенттеріне Зерттеу әдістері (Research Methods) пәнінен дәріс оқып, Қазақстаннан тұңғыш рет PhD дәрежесін иеленген маман атанады. 

Докторлық диссертациясы, «Қазақ киносы және ұлт: сыни талдау» тақырыбы, ұлт құрылысы (nation building)  тәсілімдемесі арқылы зерттелген (Kazakh cinema and the nation: a critical analysis – Enlighten: Theses (gla.ac.uk)). Ғылыми еңбекте ол қазақ киносына британ әлеуметтанушы Энтони Смиттің энтосимволизм концепциясы бойынша талдау жасап, қазақ халқының ұлт болып қалыптасуына атажұрттық фильмдердің әсері қаншалықты деген сұраққа жан-жақты жауап беруге ұмтылады. 

Диссертацияның жаңалығы – бұл отандық Еуразия Халықаралық  кинофестивалін академиялық тұрғыдан алғаш рет зерттеп, ғылымның фильм фестивальдері (film festival studies) атты жаңа саласына EurIFF ұғымын тұңғыш рет енгізді (бұл турасында ағылшын тілді ғылымда бір де бір диссертацияны айтағанның өзінде,  ғылыми орта назар аударарлық мақала да жоқтың қасы). Сонымен қатар, осы саланы зерттеп жүрген әлем зерттеушілеріне қазақ киносын, Қазақстанның халықаралық фестивалін ғылыми еңбегі арқылы танымалдандырды. 

Бұған дейін Әсел Қамза «Хабар» арнасында 2006-2010 жж. аралығында  «Азамат» жастар бағдарламасының редакторы, кейіннен продюсері, «Біз айтсақ…» ток-шоуының шеф-редакторы, қазақ және орыс тілінде хабар таратқан «Бизнес мекен» таңғы бағдарламасының сценарисі қызметін атқарып, ондаған тікелей эфирлерде жұмыс жасап, практик-журналист ретінде тәжірибесін толықтырды. Оның ішінде 2008-2009 жылдары «Қазақстанда жасалған» атты отандық өндірушілерді қолдау мақсатында ашылған тележобаның сценарист-редакторы әрі жүргізушісі болып жұмыс істеген. 2011-2014 жылдары «Қазақстан темір жолы» ҰК» АҚ Ішкі протокол және бұқарамен байланыс департаментінде маман деңгейінен бастап, жарнама бөлімінің бастығы позициясына дейін көтеріліп, 160 000-нан астам қызметкері бар  ұлттық компанияның  PR стратегиясын дамытып, үйлестіруге үлес қосқан. 

Сулейман Демирель Университетінде бакалавриат және магистратура шәкірттеріне қазақ және ағылшын тілдерінде Масс коммуникация теориясы, Зерттеу әдістері, Масс коммуникациядағы зерттеу әдістері, Медиа Социология және Бейне композиция пәндерінен сабақ береді. Ұлыбританияда 5 жылға жуық уақыт ішінде жинаған бүкіл өнегесі мен бар тәжірибесін күнделікті дәрісінде пайдалануға тырысады. Студенттеріне сыни ойлауға, сындарлы пікір білдіруге жөн сілтейді. Ғылыми жұмыс жазған кезде, кеңестік кезден келе жатқан дәстүрлі жүйе бойынша, тек ғылыми жетекшінің жөн-жобасын ғана басшылыққа алуды ғана үйретпей, шын мәнінде бүкіл жауапкершілікті өз мойнына алуға, өз бетінше, еркін және тәуелсіз жұмыс істеуге дағдыландырады. 

Мақалалары отандық ғылыми журналдарда жарық көрген. Қазіргі таңда толерантты журналистика, автобиографиялық фильмдерге қатысты зерттеу жұмыстарымен айналысады. 

Өмірлік ұстанымы – талап, сапа, нәтиже!

Open chat
Skip to content

Spelling error report

The following text will be sent to our editors: