СДУденттер Конституцияға енгізілетін өзгерістерді талқылады

СДУденттер Конституцияға енгізілетін өзгерістерді талқылады

1 маусым күні Сулейман Демирель университетінде Қазақстан Республикасының Конституциясына енгізілетін өзгерістерді түсіндіруге арналған жиналыс өтті. Студенттерге Конституцияның, референдумның маңыздылығы түсіндірілді. Кездесуге университетіміздің 200 белсенді студенті қатысты.
 
Соңғы кездері елімізде қарқынды өзгерістер орын алғаны баршамызға мәлім. Соның бірі Конституциямызға енгізіліп отырған өзгеріс болып табылады. Бұл – әрқайсымыздың болашағымызға әсері бар, маңызды шара. «Жаңа Қазақстанды» құрудағы басты өзгерістерден еліміздің әрбір азаматы мен азаматшасы хабардар болуы қажет. Конституция – елімізде заңдық күшке ие құжат. Бұл құжатта бекітілген әрбір заңның еліміз үшін және елімізде тұрып жатқан әрбір адам үшін маңызы зор. Шешілуі қиын небір дауларға нүкте қоя білген бабаларымыздың шешендігінің өзі терең білімнен бастау алады. Сондықтан ізденейік, еліміздің жаңа деңгейге көтерілуіне бірге атсалысайық. Тәлімді тәрбие, сапалы білім алу жолында талмай ізденіп, жаңа бастамаларға үн қосуға шақырамын, – деді СДУ Студенттік ұйымдар жетекшісі Арман Төлбасы.
 
4 курс студенті Қайыпбай Батырбек те жастарды референдумға атсалысуға шақырды.
 
Конситуцияға енгізілген әрбір өзгерістердің біздің болшағымызға әсері зор. Мен елімнің патриоты ретінде, еліміздің жаңа даму сатысына көтерілуіне атсалысқым келеді. Өзгеріс өзімізден басталады деген ұстанымды ұстана келе, бүгінгі отырысқа белсенді түрде қатыстым. Жиында халқымыздың бүгіні мен ертеңі туралы келелі ой қозғалды. «Жаңа Қазақстан» бізден бастау алады. Халық – елдің жүрегі, тірегі. «Жаңа Қазақстанда» жаңаша өмір қалыптастыруға, референдумның өтуіне әрбіріміз атсалысайық, – деді ол.

Реквизиты

«Болашақ» халықаралық стипендиясының екі дүркін иегері. 2011 жылы Англияның Newcastle университетінің магистратурасын Халықаралық мультимедиалық журналистика мамандығы бойынша бітірген. Ал 2021 жылдың наурыз айында Шотландияның Glasgow университетінде үш жылдан астам уақыт бойы жазған докторлық диссертациясын мерзімінен бұрын сәтті қорғап шықты. 1 айдан кейін оған Медиа және мәдени саясат мамандығы бойынша ресми түрде Философия докторы ғылыми атағы берілді. Dr Әсел негізі 1451 жылы қаланған университеттің Мәдени саясатты зерттеу орталығында (Centre for Cultural Policy Research) қызмет еткен. Аты әлемге әйгілі, nationalism ұғымының Ұлыбританияда негізін қалаушылардың бірі Эрнест Геллнерден тәлім алған Филип Слесинджердің шәкірті. Сондай-ақ, ол  магистратура студенттеріне Зерттеу әдістері (Research Methods) пәнінен дәріс оқып, Қазақстаннан тұңғыш рет PhD дәрежесін иеленген маман атанады. 

Докторлық диссертациясы, «Қазақ киносы және ұлт: сыни талдау» тақырыбы, ұлт құрылысы (nation building)  тәсілімдемесі арқылы зерттелген (Kazakh cinema and the nation: a critical analysis – Enlighten: Theses (gla.ac.uk)). Ғылыми еңбекте ол қазақ киносына британ әлеуметтанушы Энтони Смиттің энтосимволизм концепциясы бойынша талдау жасап, қазақ халқының ұлт болып қалыптасуына атажұрттық фильмдердің әсері қаншалықты деген сұраққа жан-жақты жауап беруге ұмтылады. 

Диссертацияның жаңалығы – бұл отандық Еуразия Халықаралық  кинофестивалін академиялық тұрғыдан алғаш рет зерттеп, ғылымның фильм фестивальдері (film festival studies) атты жаңа саласына EurIFF ұғымын тұңғыш рет енгізді (бұл турасында ағылшын тілді ғылымда бір де бір диссертацияны айтағанның өзінде,  ғылыми орта назар аударарлық мақала да жоқтың қасы). Сонымен қатар, осы саланы зерттеп жүрген әлем зерттеушілеріне қазақ киносын, Қазақстанның халықаралық фестивалін ғылыми еңбегі арқылы танымалдандырды. 

Бұған дейін Әсел Қамза «Хабар» арнасында 2006-2010 жж. аралығында  «Азамат» жастар бағдарламасының редакторы, кейіннен продюсері, «Біз айтсақ…» ток-шоуының шеф-редакторы, қазақ және орыс тілінде хабар таратқан «Бизнес мекен» таңғы бағдарламасының сценарисі қызметін атқарып, ондаған тікелей эфирлерде жұмыс жасап, практик-журналист ретінде тәжірибесін толықтырды. Оның ішінде 2008-2009 жылдары «Қазақстанда жасалған» атты отандық өндірушілерді қолдау мақсатында ашылған тележобаның сценарист-редакторы әрі жүргізушісі болып жұмыс істеген. 2011-2014 жылдары «Қазақстан темір жолы» ҰК» АҚ Ішкі протокол және бұқарамен байланыс департаментінде маман деңгейінен бастап, жарнама бөлімінің бастығы позициясына дейін көтеріліп, 160 000-нан астам қызметкері бар  ұлттық компанияның  PR стратегиясын дамытып, үйлестіруге үлес қосқан. 

Сулейман Демирель Университетінде бакалавриат және магистратура шәкірттеріне қазақ және ағылшын тілдерінде Масс коммуникация теориясы, Зерттеу әдістері, Масс коммуникациядағы зерттеу әдістері, Медиа Социология және Бейне композиция пәндерінен сабақ береді. Ұлыбританияда 5 жылға жуық уақыт ішінде жинаған бүкіл өнегесі мен бар тәжірибесін күнделікті дәрісінде пайдалануға тырысады. Студенттеріне сыни ойлауға, сындарлы пікір білдіруге жөн сілтейді. Ғылыми жұмыс жазған кезде, кеңестік кезден келе жатқан дәстүрлі жүйе бойынша, тек ғылыми жетекшінің жөн-жобасын ғана басшылыққа алуды ғана үйретпей, шын мәнінде бүкіл жауапкершілікті өз мойнына алуға, өз бетінше, еркін және тәуелсіз жұмыс істеуге дағдыландырады. 

Мақалалары отандық ғылыми журналдарда жарық көрген. Қазіргі таңда толерантты журналистика, автобиографиялық фильмдерге қатысты зерттеу жұмыстарымен айналысады. 

Өмірлік ұстанымы – талап, сапа, нәтиже!

Open chat
Skip to content

Spelling error report

The following text will be sent to our editors: