ALLVET: Болон процессін енгізудің ерекшеліктері мен шешімдері

ALLVET: Болон процессін енгізудің ерекшеліктері мен шешімдері

2021 жылдың 21 желтоқсанында Сулейман Демирель Университеті “ALLVET ЖОБАСЫ: ТжКБ жүйесінде Болон процессін енгізудің ерекшеліктері мен шешімдері” атты халықаралық виртуалды конференция өткізді. Конференцияның мақсаты ALLVET жобасы аясында ТжКБ жүйесінде Болон үдерісі қағидаттарын енгізудегі өзекті мәселелер мен шешімдерді талқылау болды. Конференция Еуропалық Комиссияның ERASMUS+ жобасы аясында “Болон процесінің қағидаларына сәйкес келетін, оқытушылардың әлеуетін арттыруға негізделген кәсіптік білім мен жоғары кәсіптік білімнің өзара әрекеттесу жүйесін құру”609952-EPP-1-2019-1-RS-EPPKA2-CBHE-JP (ALLVET) өткізілді. 

Конференияға кафедралардың меңгерушілері, жоғары оқу орындарының ғалымдары мен оқытушылары және ТжКБ жүйесінің қызметкерлері мемлекеттік органдардың, халықаралық ұйымдардың өкілдері, сондай-ақ жас зеріттеушілер  қатысты. Жалпы конференцияға 60-қа жуық қатысушы тіркелді. 13 баяндама тындалды. Баяндамалар педагогика бойынша, сондай-ақ ALLVET-ті өз оқу орындарында жүзеге асыруға бойынша болды. Конференцияға қатысушылар Болон процесіне көшу тәжірибесімен бөлісті.

Жобаның негізгі мақсаттарының бірі Еуропалық сынақ бірліктерін көшіру және жинақтау жүйесінің (ECTS) нормаларына және орта кәсіптік білім беру оқытушыларын даярлауға арналған Тюнинг әдіснамасына сәйкес білім беру модульдерін әзірлеу бойынша сарапшылар тобын дайындау болып табылады. 

Қазіргі уақытта Деусто Университетінің (Бильбао, Испания) жобаның “Даму” жұмыс пакеті жетекшілері қазақстандық және ресейлік партнерлар үшін  “ECTS және Тюнинг жүйесін зерттеу бойынша біліктілікті арттырудың 10 модульдік бағдарламасын әзірлеу” тақырыбында онлайн-семинарлар өткізуде. Техникалық және кәсіптік білім беру өкілдері арасында осы оқытуды (“ECTS және Тюнинг жүйесін зерттеу бойынша біліктілікті арттырудың 10 модульдік бағдарламасын әзірлеу”) пилоттық тестілеу өткізбес бұрын, біздің жоба зерттеушілері оқытуды игеріп, тиісті біліктілікке ие болуы керек, сонымен қатар сертификатталған болуы керек. Бұл кезеңде жоба зерттеушілері тапсырмаларды орындап және өз жұмыстарын Мудл платформасына жүктейді. Пилоттық тестілеу келесі жылға жоспарланған. Сулейман Демирель Университетінен жобаның зерттеушілері – Дияр Нұрметов, Салтанат Кәрімсаттар, Аида Ерғалиева, Дмитрий Черкасов және Ұлжан Оразалиева.

21.12.2021

Реквизиты

«Болашақ» халықаралық стипендиясының екі дүркін иегері. 2011 жылы Англияның Newcastle университетінің магистратурасын Халықаралық мультимедиалық журналистика мамандығы бойынша бітірген. Ал 2021 жылдың наурыз айында Шотландияның Glasgow университетінде үш жылдан астам уақыт бойы жазған докторлық диссертациясын мерзімінен бұрын сәтті қорғап шықты. 1 айдан кейін оған Медиа және мәдени саясат мамандығы бойынша ресми түрде Философия докторы ғылыми атағы берілді. Dr Әсел негізі 1451 жылы қаланған университеттің Мәдени саясатты зерттеу орталығында (Centre for Cultural Policy Research) қызмет еткен. Аты әлемге әйгілі, nationalism ұғымының Ұлыбританияда негізін қалаушылардың бірі Эрнест Геллнерден тәлім алған Филип Слесинджердің шәкірті. Сондай-ақ, ол  магистратура студенттеріне Зерттеу әдістері (Research Methods) пәнінен дәріс оқып, Қазақстаннан тұңғыш рет PhD дәрежесін иеленген маман атанады. 

Докторлық диссертациясы, «Қазақ киносы және ұлт: сыни талдау» тақырыбы, ұлт құрылысы (nation building)  тәсілімдемесі арқылы зерттелген (Kazakh cinema and the nation: a critical analysis – Enlighten: Theses (gla.ac.uk)). Ғылыми еңбекте ол қазақ киносына британ әлеуметтанушы Энтони Смиттің энтосимволизм концепциясы бойынша талдау жасап, қазақ халқының ұлт болып қалыптасуына атажұрттық фильмдердің әсері қаншалықты деген сұраққа жан-жақты жауап беруге ұмтылады. 

Диссертацияның жаңалығы – бұл отандық Еуразия Халықаралық  кинофестивалін академиялық тұрғыдан алғаш рет зерттеп, ғылымның фильм фестивальдері (film festival studies) атты жаңа саласына EurIFF ұғымын тұңғыш рет енгізді (бұл турасында ағылшын тілді ғылымда бір де бір диссертацияны айтағанның өзінде,  ғылыми орта назар аударарлық мақала да жоқтың қасы). Сонымен қатар, осы саланы зерттеп жүрген әлем зерттеушілеріне қазақ киносын, Қазақстанның халықаралық фестивалін ғылыми еңбегі арқылы танымалдандырды. 

Бұған дейін Әсел Қамза «Хабар» арнасында 2006-2010 жж. аралығында  «Азамат» жастар бағдарламасының редакторы, кейіннен продюсері, «Біз айтсақ…» ток-шоуының шеф-редакторы, қазақ және орыс тілінде хабар таратқан «Бизнес мекен» таңғы бағдарламасының сценарисі қызметін атқарып, ондаған тікелей эфирлерде жұмыс жасап, практик-журналист ретінде тәжірибесін толықтырды. Оның ішінде 2008-2009 жылдары «Қазақстанда жасалған» атты отандық өндірушілерді қолдау мақсатында ашылған тележобаның сценарист-редакторы әрі жүргізушісі болып жұмыс істеген. 2011-2014 жылдары «Қазақстан темір жолы» ҰК» АҚ Ішкі протокол және бұқарамен байланыс департаментінде маман деңгейінен бастап, жарнама бөлімінің бастығы позициясына дейін көтеріліп, 160 000-нан астам қызметкері бар  ұлттық компанияның  PR стратегиясын дамытып, үйлестіруге үлес қосқан. 

Сулейман Демирель Университетінде бакалавриат және магистратура шәкірттеріне қазақ және ағылшын тілдерінде Масс коммуникация теориясы, Зерттеу әдістері, Масс коммуникациядағы зерттеу әдістері, Медиа Социология және Бейне композиция пәндерінен сабақ береді. Ұлыбританияда 5 жылға жуық уақыт ішінде жинаған бүкіл өнегесі мен бар тәжірибесін күнделікті дәрісінде пайдалануға тырысады. Студенттеріне сыни ойлауға, сындарлы пікір білдіруге жөн сілтейді. Ғылыми жұмыс жазған кезде, кеңестік кезден келе жатқан дәстүрлі жүйе бойынша, тек ғылыми жетекшінің жөн-жобасын ғана басшылыққа алуды ғана үйретпей, шын мәнінде бүкіл жауапкершілікті өз мойнына алуға, өз бетінше, еркін және тәуелсіз жұмыс істеуге дағдыландырады. 

Мақалалары отандық ғылыми журналдарда жарық көрген. Қазіргі таңда толерантты журналистика, автобиографиялық фильмдерге қатысты зерттеу жұмыстарымен айналысады. 

Өмірлік ұстанымы – талап, сапа, нәтиже!

Open chat

Spelling error report

The following text will be sent to our editors: