СДУ қызметкерлері жаппай вакцинациядан өтуде

СДУ қызметкерлері жаппай вакцинациядан өтуде

Бүгін халықты Covid-19-дан жаппай вакцинациялау аясында Сулеймен Демирель атындағы университеттің медициналық пунктінің базасында әкімшілікке, қызметкерлерге және профессорлық-оқытушылық құрамға екпе жұмыстары жүргізілуде. Іс-шара оқу орнының ШЖҚ “Қарасай көпсалалы ауданаралық ауруханасы”МКК-мен серіктестігі аясында өтіп жатыр. Медицина қызметкерлерінің жылжымалы бригадасын СДУ ректоры Қуаныш Ерғалиев қарсы алды. Университет басшысы “Спутник-V”вакцинасын бірінші болып алды.

– Ірі оқу орнының басшысы, дәрігер және қоғамдық денсаулық сақтау саласындағы сарапшы ретінде өз тарапымнан вакцинациялауды азаматтық парызым деп есептеймін. Вакцинациялауға профилактикалық егуге қарсы көрсетілімдері жоқ адамдар жіберіледі және бұл ерікті іс-шара болып табылады. Қазіргі жағдайға байланысты тек ел азаматтарын вакцинациялау және ұжымдық иммунитетті қалыптастыру Covid-19 індетін жеңуге мүмкіндік береді деп сенемін. Мықты иммунитетке ие бола отырып, біз ауруды жеңіп, үйреншікті өмірге орала аламыз, – деп атап өтті СДУ ректоры Қуаныш Ерғалиев.


Айта кеткен жөн, екпе жасаудан  бұрын дәрігерлер әр қызметкердің міндетті түрде денсаулық ақаулары бойынша  тексеру жүргізеді, екпе алушының дене температурасын, сатурацияны, тамыр соғысын, артериялық қысымын өлшейді, тыныс алу және жүрек-қантамыр жүйесін тексеру кешені жүргізіледі. Сонымен қатар, дәрігерлер қызметкерлерге қысқа мерзімді жанама әсерлер мен препараттың ағзаға ықпалы туралы кеңес береді және алдын ала ескертеді.


– Қарасай ауданаралық көпсалалы ауруханасы өңірде жаппай вакцинация жүргізудің бас операторы болып табылады. 550 вакцина мөлшеріндегі бірінші дозаны өңірдің медицина қызметкерлері алды, одан кейін жалпы білім беретін мектептердің мұғалімдері 800 вакцина алды, вакцинацияның үшінші кезеңіне 1000 доза кіреді, оның шеңберінде Қарасай АІІБ-мен қатар бір мезгілде СДУ-дың 60-қа жуық қызметкері вакцинаны қабылдайды. Дәрігерлер жұмысында отандық вакцина қолданылады, 2021 жылдың ақпанынан бастап қазіргі уақытқа дейін екпе алушылар арасында күрделі жанама әсерлер байқалмады. Жүргізіліп жатқан профилактикалық іс – шаралардың арқасында ғана біз вирусқа қарсы тұра алатынымызды атап өтемін, – деген пікірде Қарасай ауданаралық көпсалалы ауруханасының БАҚ-пен жұмыс жөніндегі менеджері Дана Таждинова.

Реквизиты

Open chat

Spelling error report

The following text will be sent to our editors: