Қазақстандық суретші Ғани Көбейдің туындылары СДУ-ға тарту етілді

Қазақстандық суретші Ғани Көбейдің туындылары СДУ-ға тарту етілді

Қазақстандық жас суретші Ғани Көбей Сулейман Демирель атындағы университеттің коллекциясына авторлық суреттер топтамасын сыйға тартты. 150-ге тарта өнер туындыларының авторы, 26 жастағы қылқалам шебері әлемдегі ең жұмбақ тұлға –  бет-әлпетіне назар аудартпай, көрерменді өз шығармашылығынан эстетикалық ләззат алуға шақырады. Суретшінің басты ерекшілігі – жаңа ою-арт жанрында әрі ұлттық нақышта тарихы тереңде жатқан ою-өрнектерді бейнелеу. Сондықтан оның бірқатар жұмыстары “Жансарай айналары” деп аталады. Автордың пікірінше, суреттерге қарап, әркім өз жанының түкпіріне үңіліп, жанға тыныштық ұялатады. Бүгінгі таңда жас суретші өз композицияық туындыларын Нью-Йорк, Сеул, Лондон қалаларындағы көрмелерге шығарып, АҚШ, Еуропа және Азия елдерінің жетекші галереяларымен серіктестік құрып үлгерген. Оқу орнына суретшінің картиналар топтамасын Ait Gallery заманауи өнер галереясының  негізін қалаушы, СДУ түлегі  – Кенжебек Айтқожин ұсынды.

СДУ ректоры Қуаныш Ерғалиев университеттің Арт-бұрышының салтанатты түрде тұсауын кесіп, жоба ұйымдастырушыларына алғысын білдірді.

– Білім ордасының қарқынды дамуына әрдайым үлес қосуға дайын жүреін талантты  түлектеріміздің игі істері  біз үшін үлкен мәртебе. Ұлттық мәдениетті тек елде ғана емес, шетелдерде де кеңінен насихаттау бойынша  жүргізіліп жатқан орасан зор жұмыс  үшін шексіз алғысымызды білдіреміз. Бұл картиналар біздің студенттер үшін баға жетпес рухани мұра және ерекше шабыт көзіне айналарына сенімдімін, – деп атап өтті СДУ ректоры Қуаныш Ерғалиев.

Айта кетейік, Аit gallery заманауи өнер галереясы қазақстандық өнерді насихаттау мақсатында 2019 жылдың наурыз айында ашылды. Оның негізін қалаушы СДУ бизнес мектебінің түлегі Кенжебек Айтқожин еліміздің Алматы, Нұр-Сұлтан және Атырау сияқты ірі қалаларында көрмелер өткізіп үлгерді. Кенжебектің айтуынша, қазақстандық авторлардың картиналары Еуропа мен АҚШ көрермендері арасында ерекше табысқа ие.

– Автордың стиліне сәйкес, әр шығарма белгілі бір музыканың сүйемелдеуі арқылы қарастырылады, нәтижесінде көрермен күшті эмоциялық күйге енеді. Бұл бейнелеу өнеріндегі жаңа бағыт. Суретші шығармашылығының іргетасы ою-өрнектерден қаланған, олардың әрқайсысының өз тарихы мен терең мағынасы бар. Біздің мүддеміз –  өскелең ұрпақ арасында да, халықаралық аренада да ұлттық мәдениетті кеңінен танымал ету, – деп түйіндеді Кенжебек Айтқожин.

Сулейман Демирель университеті суретшілермен ынтымақтастық орнатуға және өз коллекциясына өнер туындыларын қабылдауға әрайым ашық.

Реквизиты

«Болашақ» халықаралық стипендиясының екі дүркін иегері. 2011 жылы Англияның Newcastle университетінің магистратурасын Халықаралық мультимедиалық журналистика мамандығы бойынша бітірген. Ал 2021 жылдың наурыз айында Шотландияның Glasgow университетінде үш жылдан астам уақыт бойы жазған докторлық диссертациясын мерзімінен бұрын сәтті қорғап шықты. 1 айдан кейін оған Медиа және мәдени саясат мамандығы бойынша ресми түрде Философия докторы ғылыми атағы берілді. Dr Әсел негізі 1451 жылы қаланған университеттің Мәдени саясатты зерттеу орталығында (Centre for Cultural Policy Research) қызмет еткен. Аты әлемге әйгілі, nationalism ұғымының Ұлыбританияда негізін қалаушылардың бірі Эрнест Геллнерден тәлім алған Филип Слесинджердің шәкірті. Сондай-ақ, ол  магистратура студенттеріне Зерттеу әдістері (Research Methods) пәнінен дәріс оқып, Қазақстаннан тұңғыш рет PhD дәрежесін иеленген маман атанады. 

Докторлық диссертациясы, «Қазақ киносы және ұлт: сыни талдау» тақырыбы, ұлт құрылысы (nation building)  тәсілімдемесі арқылы зерттелген (Kazakh cinema and the nation: a critical analysis – Enlighten: Theses (gla.ac.uk)). Ғылыми еңбекте ол қазақ киносына британ әлеуметтанушы Энтони Смиттің энтосимволизм концепциясы бойынша талдау жасап, қазақ халқының ұлт болып қалыптасуына атажұрттық фильмдердің әсері қаншалықты деген сұраққа жан-жақты жауап беруге ұмтылады. 

Диссертацияның жаңалығы – бұл отандық Еуразия Халықаралық  кинофестивалін академиялық тұрғыдан алғаш рет зерттеп, ғылымның фильм фестивальдері (film festival studies) атты жаңа саласына EurIFF ұғымын тұңғыш рет енгізді (бұл турасында ағылшын тілді ғылымда бір де бір диссертацияны айтағанның өзінде,  ғылыми орта назар аударарлық мақала да жоқтың қасы). Сонымен қатар, осы саланы зерттеп жүрген әлем зерттеушілеріне қазақ киносын, Қазақстанның халықаралық фестивалін ғылыми еңбегі арқылы танымалдандырды. 

Бұған дейін Әсел Қамза «Хабар» арнасында 2006-2010 жж. аралығында  «Азамат» жастар бағдарламасының редакторы, кейіннен продюсері, «Біз айтсақ…» ток-шоуының шеф-редакторы, қазақ және орыс тілінде хабар таратқан «Бизнес мекен» таңғы бағдарламасының сценарисі қызметін атқарып, ондаған тікелей эфирлерде жұмыс жасап, практик-журналист ретінде тәжірибесін толықтырды. Оның ішінде 2008-2009 жылдары «Қазақстанда жасалған» атты отандық өндірушілерді қолдау мақсатында ашылған тележобаның сценарист-редакторы әрі жүргізушісі болып жұмыс істеген. 2011-2014 жылдары «Қазақстан темір жолы» ҰК» АҚ Ішкі протокол және бұқарамен байланыс департаментінде маман деңгейінен бастап, жарнама бөлімінің бастығы позициясына дейін көтеріліп, 160 000-нан астам қызметкері бар  ұлттық компанияның  PR стратегиясын дамытып, үйлестіруге үлес қосқан. 

Сулейман Демирель Университетінде бакалавриат және магистратура шәкірттеріне қазақ және ағылшын тілдерінде Масс коммуникация теориясы, Зерттеу әдістері, Масс коммуникациядағы зерттеу әдістері, Медиа Социология және Бейне композиция пәндерінен сабақ береді. Ұлыбританияда 5 жылға жуық уақыт ішінде жинаған бүкіл өнегесі мен бар тәжірибесін күнделікті дәрісінде пайдалануға тырысады. Студенттеріне сыни ойлауға, сындарлы пікір білдіруге жөн сілтейді. Ғылыми жұмыс жазған кезде, кеңестік кезден келе жатқан дәстүрлі жүйе бойынша, тек ғылыми жетекшінің жөн-жобасын ғана басшылыққа алуды ғана үйретпей, шын мәнінде бүкіл жауапкершілікті өз мойнына алуға, өз бетінше, еркін және тәуелсіз жұмыс істеуге дағдыландырады. 

Мақалалары отандық ғылыми журналдарда жарық көрген. Қазіргі таңда толерантты журналистика, автобиографиялық фильмдерге қатысты зерттеу жұмыстарымен айналысады. 

Өмірлік ұстанымы – талап, сапа, нәтиже!

Open chat

Spelling error report

The following text will be sent to our editors: