SDU University Әлеуметтік ғылымдар, бизнес және құқық мектебінің зерттеушілері халықаралық ғылымның дамуына үлес қосып келеді. Олардың еңбектері халықаралық қатынастар, жоғары білімді басқару және қоғамдық денсаулық сақтау мәселелерін қамтиды.

Айнұр Абдразақова, мектептің қауымдастырылған профессоры әрі аға ғылыми қызметкері, жоғары білімді басқару мәселелеріне арналған халықаралық кітапта HEMHI Through the Kazakhstan Lens: Governance, Quality, Internationalisation, and Institutional Sustainability атты тарауын жариялады.

Ислам Супыалдияров Scopus дерекқорында индекстелетін Frontiers in Political Science журналында жарияланған Between overlap and encroachment: power transition without confrontation and China–Russia structured rivalry in Central Asia атты мақаланың авторларының бірі. Зерттеу Орталық Азиядағы Қытай мен Ресей ықпалының өзгеруін қарастырады.

Нұржан Мұқашев Frontiers in Public Health журналында жарияланған Public health diplomacy in Central Asia: a scoping review атты шолу мақаласының авторларының бірі. Еңбек Орталық Азиядағы қоғамдық денсаулық сақтау саласындағы дипломатия мәселелеріне арналған.

Зерттеушілеріміздің еңбектері ғылымның дамуына үлес қосып, SDU University-дің халықаралық академиялық кеңістіктегі беделін нығайтады.

2026 жылғы 13–14 қазанда SDU University Extension Center ELIPRO ұйымымен бірлесіп, The 12th International Conference “Building Cultural Bridges” (ICBCB 2026) және 4th Annual ELIPRO Conference аясында екі күндік SDU Pre-Conference 2026 біліктілікті арттыру іс-шарасын өткізді.

Бағдарлама академиялық зерттеу, ғылыми жазу және халықаралық ғылыми журналдарда жариялану бағыттарындағы кәсіби құзыреттіліктерді дамытуға арналды. Практикалық сессиялар зерттеу әдістерін меңгеруге, сандық зерттеу нәтижелерін ұсынуға және ғылыми мақалаларды дайындау мен жариялау дағдыларын жетілдіруге мүмкіндік берді.

Іс-шараға бес халықаралық сарапшы қатысты:

• Dr. Mona Nishizaki — ELIPRO үйлестірушісі, Ғылыми комитеттің атқарушы директоры және Генуя университетінің зерттеушісі.
  Сессия тақырыбы: Content Analysis as a Research Method.
• Dr. Peter Kemp — King’s College London университетінің есептеуіш білім беру саласындағы зерттеушісі және оқытушысы.
  Сессия тақырыбы: A Brief History of Computing Education: From Electronic Brains to a National Curriculum.
• Asst. Prof. Dr. Pattharaporn Thongnim — Таиландтағы Burapha University оқытушысы, статистикалық модельдеу және білім берудегі жасанды интеллект зерттеушісі.
  Сессия тақырыбы: Turning Numbers into Knowledge: Writing Methods and Results in Quantitative ELT Studies.
• Professor Sender Dovchin — Австралиядағы Curtin University аға бас ғылыми қызметкері және халықаралық байланыстар жөніндегі деканы.
  Сессия тақырыбы: Writing and Publishing for Academic Journals.
• Professor Sarah Hopkyns — University of St Andrews және University College London ассистент-профессоры, көптілділік және Global Englishes зерттеушісі.
  Сессия тақырыбы: Publishing and Belonging: Contributing to Journals and Their Communities.

Екі күндік бағдарлама қатысушылардың академиялық жазу дағдыларын жетілдіруге, халықаралық ғылыми тәжірибемен алмасуға және кәсіби байланыстарын нығайтуға ықпал етті.

Бағдарламаны толық аяқтаған қатысушыларға SDU University және ELIPRO атынан 36 сағаттық сертификаттар берілді. Бағдарлама практикалық сабақтарды, ғылыми әдебиеттерді талдауды, өз бетінше зерттеу жүргізуді, сондай-ақ RStudio бағдарламасын қолдануды және PISA нәтижелерін ғылыми зерттеулер аясында талдау мен түсіндіруді қамтыды.

SDU University Extension Center академиялық қауымдастықтың кәсіби дамуын қолдауға, зерттеу әлеуетін арттыруға және халықаралық білім беру ынтымақтастығын нығайтуға бағытталған бастамаларды жүзеге асыруды жалғастырады.

Қандай да сұрақтарыңыз болса немесе осындай семинарлар мен конференциялар ұйымдастыру бойынша ынтымақтастық орнатқыңыз келсе, бізбен байланысыңыз!

Email: extension.school@sdu.edu.kz
Тел.: +7 706 702 31 34

16 қазанда SDU University-ге Германия Федеративтік Республикасының Алматы қаласындағы Бас консулы Маттиас Кислер ресми сапармен келді.

Сапар барысында университет өкілдері SDU University-дің академиялық бағдарламалары, халықаралық серіктестіктері және білім беру мен ғылым саласындағы ынтымақтастық мүмкіндіктері туралы таныстырды.

Кездесуде Германияның жоғары оқу орындарымен академиялық байланыстарды кеңейту, бірлескен білім беру және ғылыми-зерттеу жобаларын жүзеге асыру мәселелері талқыланды. Сонымен қатар SDU University-де неміс тілін бірінші шет тілі ретінде оқыту мүмкіндігі қарастырылды.

Кездесу Қазақстан мен Германия арасындағы академиялық ынтымақтастықты нығайтуға және жаңа серіктестік бағыттарын дамытуға мүмкіндік берді.

15 қазанда SDU University-де ICBCB 2026 атты 12-халықаралық конференция өтті. «Цифрландыру және оқытуды трансформациялау дәуіріндегі білім берудің болашағы» тақырыбына арналған конференцияны SDU University KIMEP University серіктестігімен ұйымдастырды.

Конференция әртүрлі елдердің зерттеушілерін, оқытушыларын және сарапшыларын біріктіріп, білім берудің өзекті мәселелерін талқылауға, ғылыми нәтижелермен алмасуға және халықаралық академиялық ынтымақтастықты дамытуға мүмкіндік берді. Іс-шараға Ұлыбритания, Канада және басқа елдердің жетекші университеттерінің ғалымдары, соның ішінде University of Oxford, University of Calgary, University of St Andrews және University College London өкілдері қатысты.

Конференция бағдарламасы 9 қазанда онлайн сессиядан басталды. 14 қазанда ELIPro аясында тіл, көптілділік және білім беру саясаты мәселелеріне арналған дөңгелек үстел өтті. ICBCB конференциясының негізгі бағдарламасы 15 қазанда SDU University-де ұйымдастырылып, 16 қазанда KIMEP University-де жалғасты.

Негізгі бағдарламаның алғашқы күнінде халықаралық ғалымдардың пленарлық баяндамалары мен тақырыптық секциялар өтті. Профессор Қарлығаш Дюссупбаева қазақ тілін шет тілі ретінде оқытудағы жеке мотивация мен сөйлеу дағдыларын дамытудың рөлі туралы зерттеуін ұсынды. Профессор Heath Rose ағылшын тілінде білім берудің тілді және пәндерді меңгеруге ықпалы туралы баяндама жасады. Ал профессор Andrew Peterson азаматтық құндылықтарды қалыптастыру мәселелеріне тоқталды.

SDU University-дің бірінші проректоры Давронжон Гаипов конференцияның көптілді білім беруді дамытудағы және халықаралық ынтымақтастықты нығайтудағы маңызын атап өтті.

«Ғылым мен білім — бейбіт өмір сүруге, өзара құрметке және әртүрлі мәдениеттерді түсінуге бастайтын жол. Мұндай конференциялар магистранттарға, докторанттарға және ғалымдарға тәжірибе алмасып, білім берудегі өзекті мәселелердің шешімдерін бірлесіп іздеуге мүмкіндік береді», – деді Давронжон Гаипов.

Мінез-құлық пен азаматтық тәрбие саласының профессоры, Jubilee Centre for Character and Virtues орталығы директорының орынбасары Andrew Peterson да конференцияның маңызын атап өтті. Оның айтуынша, мұндай академиялық алаңдар әртүрлі ғылыми бағыттардың өкілдерін біріктіріп, идеялармен алмасуға ықпал етеді.

Қатысушылар жасанды интеллект пен білім берудегі цифрлық трансформация, STEM тәсілдері, инклюзивті оқыту, көптілділік және тіл саясаты мәселелеріне ерекше назар аударды. Сондай-ақ білім берудің болашағы, жасанды интеллектіні қолдану және оқытудың заманауи әдістері талқыланды. Параллель секцияларда зерттеушілер өз жұмыстарын ұсынып, тәжірибелерімен бөлісті.

Конференция халықаралық академиялық байланыстарды нығайтуға, ғылыми зерттеу нәтижелерін таныстыруға және жаңа кәсіби байланыстар орнатуға мүмкіндік берді.

16 қазанда конференция бағдарламасы KIMEP University-де жалғасып, қатысушылар білім беруді дамытуға қатысты жаңа зерттеулер мен заманауи тәсілдерді талқылауда.

SDU University Әлеуметтік ғылымдар, бизнес және құқық мектебінің оқытушы-зерттеушісі Мумтаз Али Мемон 2026 жылы үшінші жыл қатарынан әлемдегі үздік 2% ғалымның қатарына енді. Бұл көрсеткіш Stanford University мен Elsevier бірлесіп жариялайтын ғалымдардың халықаралық рейтингіне негізделген.

Бұл жетістік ғалымның ғылыми зерттеулерге қосқан үлесін және халықаралық академиялық ортадағы танылуын көрсетеді.

SDU University Мумтаз Али Мемонды осы жетістігімен құттықтап, ғылыми және академиялық қызметіне табыс тілейді.

Ғалымның профилі: https://www.topscinet.com/scientist_profile/Memon,%20Mumtaz%20Ali/2014/?stype=single_year

2 қазанда Қазақстан Республикасы Ұлттық кітапханасының Нәзира Дәулетова залында журналист, медиа зерттеуші, филология ғылымдарының кандидаты, SDU University қауымдастырылған профессоры Есенгүл Кәпқызының «Медиа мәтінді талдау әдістері» кітабының тұсаукесері өтті.

Іс-шараға SDU University Әлеуметтік ғылымдар, бизнес және құқық мектебінің деканы Берік Сабденалиев, оқытушылар мен зерттеушілер қатысты.

Кітап таныстырылымы аясындағы дөңгелек үстелді Есенгүл Кәпқызының шәкірті, PhD, SDU University Құқық және әлеуметтік ғылымдар факультетінің бұрынғы деканы Мадияр Саудбаев жүргізді. Зерттеуші, докторант Гүлжан Қайырбекқызы коммуникация және медиа зерттеу әдістері тақырыбында пікір білдірді.

«Медиа мәтінді талдау әдістері» еңбегі медиа мәтіндерді зерттеу мен талдаудың негізгі тәсілдеріне арналған. Кітаптың жарық көруі қазақ тіліндегі медиа зерттеулердің дамуына үлес қосады.

Есенгүл Кәпқызын жаңа еңбегінің жарық көруімен құттықтаймыз!

Дереккөз: «Мінбер» ақпарат агенттігі

«Мінбер» ақпарат агенттігі

Қазақстан мен ICESCO ғылыми дипломатия саласындағы ынтымақтастықты кеңейтуде. Нью-Йоркте БҰҰ Бас Ассамблеясының 81-сессиясы және Science Summit 2026 аясында «Science Diplomacy and Global Cooperation» тақырыбында диалог өтті. Іс-шараны ICESCO мен Қазақстан Республикасының Ғылым және жоғары білім министрлігі бірлесіп ұйымдастырды. Аталған ақпарат министрліктің ресми сайтында жарияланды.

Іс-шара аясында SDU University мен New Jersey Institute of Technology арасында ынтымақтастық туралы меморандумға қол қойылды. Құжат екі университет арасындағы стратегиялық әріптестікті нығайтып, бірлескен білім беру және академиялық бастамаларды дамытуға негіз қалайды.

«Біз NJIT-пен стратегиялық әріптестікке қадам басып отырмыз. Алғашқы бастамамыз 1+1 форматындағы қос дипломды бағдарлама болады. Бүгінде классикалық MBA бағдарламасының өзі жеткіліксіз – заманауи басқару білімі технологиялармен тығыз байланысты болуы керек. Сондықтан цифрлық трансформация, жасанды интеллект, киберқауіпсіздік және басқа да өзекті бағыттарды қамтитын бағдарламаны қарастырып отырмыз», – деді SDU University ректоры Арман Жумажанов.

 

Меморандумға қол қойғаннан кейін SDU University делегациясы New Jersey Institute of Technology университетіне барып, университет басшылығымен кездесті.  SDU University делегациясының құрамында Әлеуметтік ғылымдар, бизнес және құқық мектебінің деканы Берік Сабденалиев те болды.

Делегация оқу инфрақұрылымымен және факультеттердің жұмысымен танысып, бірлескен білім беру бағдарламаларын, студенттердің академиялық мүмкіндіктерін және одан әрі ынтымақтастық бағыттарын талқылады.

«Бұл серіктестік студенттерімізге магистратурадағы оқуын SDU-де бастап, кейін NJIT-те жалғастырып, екі университеттің дипломдарын алу мүмкіндігін береді. Біз NJIT-ті технологияға бағытталған бизнес-білім беру саласындағы мықты тәжірибесі біздің басқару және жаңа технологиялар тоғысында жұмыс істей алатын көшбасшыларды даярлау мақсатымызға сәйкес келетіні үшін таңдадық. Алдағы уақытта осы бағыттарды бірлесіп дамытып, студенттеріміз үшін жаңа мүмкіндіктер ашуды асыға күтеміз», – деді SDU University ректоры Арман Жумажанов.

«Бұл серіктестік SDU студенттеріне оқуын NJIT-де жалғастырып, білімін технологияға бағытталған бизнес-біліммен толықтыруға мүмкіндік береді. Біз осы ынтымақтастықтың бір бөлігі болғанымызға қуаныштымыз және студенттердің түрлі салаларда және халықаралық ортада табысты жұмыс істеуіне қажетті дағдыларды дамытуға үлес қосуды асыға күтеміз», — деп атап өтті NJIT Martin Tuchman School of Management деканы  Oya Tukel.

Меморандум екі университет арасындағы білім беру, академиялық және институционалдық ынтымақтастықты одан әрі дамытуға жаңа мүмкіндіктер ашады.

SDU University Әлеуметтік даму жөніндегі проректор қызметіне Нұрбол Төлебаев тағайындалды.

Нұрбол Төлебаевтың білім беру және қоғамдық секторда 20 жылдан астам кәсіби тәжірибесі бар. Еңбек жолын педагог ретінде бастап, кейін «Білім-инновация» лицейлерінде және «БІЛІМ-ИННОВАЦИЯ» қоғамдық қорында түрлі қызметтер атқарды.

Сонымен қатар «QR News» ақпараттық агенттігінің бас директоры қызметін атқарған, қазіргі уақытта «Бас редакторлар клубы» қоғамдық бірлестігінің вице-президенті қызметін атқарып келеді.

Білімі бойынша Нұрбол Төлебаев – педагог, тарих пәнінің мұғалімі, MBA және PhD дәрежелерінің иегері.

Нұрбол Төлебаевты жаңа қызметімен құттықтап, жұмысына сәттілік тілейміз!

Сонымен қатар, SDU University-дің бұрынғы әлеуметтік даму жөніндегі проректоры Мұхаммедали Ибрагимовке университеттің дамуына және әлеуметтік бағыттағы жұмыстарына қосқан үлесі үшін алғыс білдіреміз.

SDU University мен University of Birmingham арасындағы ынтымақтастық аясында жұмыс істейтін Character and Values Education Research Centre орталығында еңбек еткен Мұхаммедали Ибрагимов академиялық жолын University of Birmingham-де докторантурада жалғастырады.

Жаңа академиялық кезеңіне сәттілік тілейміз!

16 қыркүйекте SDU University-дің Research Craft Talks сериясының алғашқы кездесуі өтті. Бұл бастама зерттеушілерді, оқытушыларды және жас ғалымдарды біріктіріп, зерттеу тәжірибесімен алмасуға және заманауи әдістерді талқылауға арналған жаңа академиялық алаң ретінде іске қосылды.

Алғашқы кездесудің қонағы PhD, Research Fellow Кенебаева Айнұр Сейтбатталқызы болды. Ол – «Болашақ» бағдарламасының Manchester Metropolitan University (Ұлыбритания) және César Ritz Hospitality Business School (Швейцария) түлегі, сондай-ақ Near East University мен Narxoz University-де мультидисциплинарлық бағытта зерттеу жүргізетін тәуелсіз зерттеуші. Сонымен қатар, ол SmartPLS бойынша сертификатталған сарапшы және PLS-SEM модельдеу әдіснамасының маманы.

Кездесу барысында қатысушылар зерттеу әдістемесі, заманауи зерттеу құралдары және ғылыми жұмыстың практикалық қырлары туралы пікір алмасып, кәсіби талқылау жүргізді.

Research Craft Talks сериясы алдағы уақытта да зерттеу мәдениетін дамытуға, тәжірибе бөлісуге және жаңа ғылыми идеяларды талқылауға арналған тұрақты академиялық алаң ретінде өз жұмысын жалғастырады.

PhD, «Білім беру және гуманитарлық ғылымдар» мектебінің қауымдастырылған профессоры Максутов Самат Муратбекулы Қазақстан Республикасы Ғылым және жоғары білім министрлігінің Ғылым және жоғары білім саласындағы сапаны қамтамасыз ету комитеті төрағасының бұйрығымен 50300 – Білім ғылыми бағыты бойынша қауымдастырылған профессор (доцент) ғылыми атағына ие болды.

Бұл жетістік – ғалымның көп жылғы қажырлы еңбегінің, кәсіби шеберлігінің және ғылыми-зерттеу мен педагогикалық қызметтегі жоғары жетістіктерінің нәтижесі.

Самат Максутовты ғылыми атақтың берілуімен шын жүректен құттықтаймыз және алдағы ғылыми әрі шығармашылық қызметіне толағай табыс тілейміз!