2026 жылғы 16 сәуірде Қаскелең қаласындағы SDU University қабырғасында халықаралық деңгейдегі маңызды білім беру оқиғасы – IDP IELTS Kazakhstan ұйымымен бірлесіп жүзеге асырылған IELTS on Computer ресми тестілеу орталығының ашылу салтанаты өтті. Бұл бастама өңірдегі жоғары білім мен халықаралық емтихан инфрақұрылымын дамытуға бағытталған стратегиялық жоба болып табылады.

Салтанатты ашылу рәсімі

Іс-шараға SDU University басшылығы ректор Әлімжан Игенбаевтың жетекшілігімен, сондай-ақ IDP IELTS Kazakhstan делегациясы директор Алла Липинскаяның бастауымен қатысты. Ашылу рәсімі жоғары деңгейде ұйымдастырылып, академиялық қауымдастық, университет қызметкерлері, оқытушылар мен студенттер қатысты.

Салтанат барысында жаңа орталықтың лентасы қиылып, заманауи талаптарға сай жабдықталған IELTS компьютерлік аудиториясы таныстырылды. Қонақтар тест тапсыруға арналған техникалық мүмкіндіктермен, қауіпсіздік жүйелерімен және емтихан өткізу стандарттарымен танысты.

Ынтымақтастық туралы келісім

Бағдарлама аясында маңызды рәсімдердің бірі – IDP IELTS Kazakhstan және SDU Extension Center (Үздіксіз білім беру орталығы) арасындағы ынтымақтастық туралы ресми келісімге қол қою болды. Бұл келісім екі тараптың халықаралық емтихан өткізу, білім сапасын арттыру және кәсіби дайындық бағдарламаларын дамыту бағытындағы ұзақ мерзімді серіктестігін бекітеді.

Ынтымақтастық шеңберінде IELTS емтиханына дайындық курстарын жетілдіру, оқыту әдістемелерін жаңарту және үміткерлерге арналған қосымша оқу ресурстарын кеңейту жоспарланып отыр.

IELTS on Computer форматының артықшылықтары

Жаңа ашылған орталық IELTS on Computer форматында емтихан тапсыруға мүмкіндік береді. Бұл формат үміткерлер үшін бірқатар артықшылықтар ұсынады:

• Нәтижелерді дәстүрлі форматқа қарағанда жылдамырақ алу мүмкіндігі
• Тыңдалым, оқу және жазу бөлімдерін компьютер арқылы орындау ыңғайлылығы
• Бір дағдыны қайта тапсыру (One Skill Retake) мүмкіндігі
• Заманауи цифрлық платформа арқылы жоғары дәлдік пен тиімділік
• Халықаралық стандарттарға толық сәйкестік

Бұл жаңашылдықтар студенттер мен талапкерлер үшін емтихан процесін анағұрлым қолжетімді әрі тиімді етеді.

Аймақ үшін стратегиялық маңыз

Қаскелеңде IELTS тест орталығының ашылуы – тек SDU University үшін ғана емес, бүкіл Алматы облысы мен оған жақын өңірлер үшін маңызды қадам. Енді үміткерлер халықаралық емтихан тапсыру үшін ірі қалаларға бармай-ақ, жергілікті жерде толыққанды тестілеуден өте алады.

Бұл өз кезегінде:

• білім беру инфрақұрылымын күшейтеді
• халықаралық білімге қолжетімділікті арттырады
• жастардың академиялық және кәсіби мүмкіндіктерін кеңейтеді

Академиялық және халықаралық серіктестік

IDP IELTS Kazakhstan мен SDU University арасындағы серіктестік халықаралық тәжірибе мен жергілікті академиялық әлеуетті біріктіруге бағытталған. Бұл ынтымақтастық білім беру сапасын жаңа деңгейге көтеріп, жаһандық стандарттарға сай кадрлар даярлауға жол ашады.

Сонымен қатар SDU Extension Center арқылы жүзеге асатын бағдарламалар үміткерлерге IELTS емтиханына жүйелі дайындалуға, тілдік дағдыларын жетілдіруге және халықаралық деңгейде бәсекеге қабілетті болуға мүмкіндік береді.

Қорытынды

Жаңа IELTS on Computer тест орталығының ашылуы – SDU University-дің халықаралық білім беру кеңістігін кеңейту жолындағы маңызды жетістіктерінің бірі. Бұл жоба өңірдегі білім беру экожүйесін дамытып қана қоймай, Қазақстан жастарының әлемдік академиялық ортаға интеграциялануына нақты мүмкіндік береді.

2026 жылғы 13 сәуірде SDU University-де Әлеуметтік ғылымдар, бизнес және құқық мектебі мен SDU Орталық Азия зерттеу орталығының ұйымдастыруымен SSBL Research & Innovation Student Conference 2026 ғылыми-студенттік конференциясы өтті.

Конференция құқық, халықаралық қатынастар, саясаттану, журналистика және коммуникация салаларындағы студенттердің ғылыми зерттеулерін таныстыру алаңына айналды. Іс-шараға студенттер, оқытушылар және шақырылған сарапшылар қатысты.

Конференция Әлеуметтік ғылымдар, бизнес және құқық мектебінің деканының құттықтау сөзімен ашылды. Пленарлық сессияда шақырылған спикерлер баяндама жасады:

• Prof. Dr. Jan-Friedrich Bruckermann (FOM University of Applied Sciences, Германия)
• Dr. Azian Muhamad Adzmi (KIMEP University)
• Dr. Galym Zhussipbek (SDU University)

Пленарлық бөлімнен кейін конференция келесі секциялар бойынша жалғасты:

• Құқық
• Халықаралық қатынастар және саясаттану
• Журналистика және медиа

Қатысушылар цифрлық құқық, жасанды интеллект, халықаралық қауіпсіздік, медиа және қоғам сияқты өзекті тақырыптар бойынша зерттеулерін ұсынды.

Конференция жоғары деңгейдегі ғылыми пікірталас алаңына айналып, студенттердің зерттеу және презентациялық дағдыларын дамытуға мүмкіндік берді.

2026 жылғы 10–11 сәуір күндері SDU University базасында ICECCO 2026 (International Conference on Electronics, Communications and Computing Optimization) халықаралық ғылыми конференциясы сәтті өтті. Ауқымды ғылыми іс-шара гибридті форматта ұйымдастырылып, қатысушыларға офлайн және онлайн режимде қатысу мүмкіндігін ұсынды. Бұл формат шетелдік және отандық ғалымдардың кеңінен қатысуына жол ашып, халықаралық ғылыми диалогты нығайтуға ықпал етті.

Конференция заманауи ғылым мен технологияның өзекті бағыттарын қамтып, түрлі елдерден келген зерттеушілердің басын қосты. Атап айтқанда, есептеуіш интеллект (Computational Intelligence), сигналдарды өңдеу (Signal Processing), электрондық құрылғылар және электроника (Electron Devices and Electronics), индустриялық қолданбалар (Industry Applications), компьютерлік ғылым және ақпараттық теория (Computers and Information Theory), сондай-ақ байланыс жүйелері (Communications) секциялары бойынша мазмұнды ғылыми баяндамалар ұсынылды. Қатысушылар өз зерттеулерінің нәтижелерімен бөлісіп, жаңа ғылыми тәсілдер мен технологиялық шешімдерді талқылады.

Конференция бағдарламасы аясында әрбір ғылыми жұмыс 10 минуттық баяндама және 5 минуттық сұрақ-жауап форматында ұсынылды. Мұндай құрылым баяндамашыларға өз идеяларын нақты әрі мазмұнды жеткізуге, ал тыңдаушыларға сұрақ қойып, пікір алмасуға мүмкіндік берді.

Іс-шараның алғашқы күні 33 ғылыми жұмыс тыңдалып, секциялық отырыстар бірнеше аудиторияда қатар ұйымдастырылды. Атап айтқанда, Blue Hall (SDULIFE) аудиториясында есептеуіш интеллект пен сигналдарды өңдеу бағыттары қарастырылса, Workshop 205 (SDULIFE) аудиториясында электрондық құрылғылар мен индустриялық қолданбалар талқыланды. Ал Workshop 204 (SDULIFE) аудиториясында компьютерлік ғылым, ақпараттық теория және байланыс жүйелері бойынша баяндамалар ұсынылды. Секциялық отырыстардың үйлесімді өтуіне модератор Mohammed Alaa Fadhil Al-Hadeethi жетекшілік етті.

Конференция барысында қатысушылар ғылыми зерттеулердің нәтижелерін ұсынып қана қоймай, тәжірибе алмасып, болашақтағы бірлескен жобаларды талқылауға мүмкіндік алды. Бұл өз кезегінде ғылым мен білім саласындағы халықаралық ынтымақтастықты дамытуға, жаңа академиялық байланыстар орнатуға негіз болды.

ICECCO 2026 конференциясы – ғалымдар, зерттеушілер, оқытушылар мен студенттер үшін өзекті ғылыми мәселелерді талқылауға, инновациялық идеялармен алмасуға және кәсіби байланыстарды кеңейтуге арналған маңызды алаң ретінде жоғары деңгейде ұйымдастырылған іс-шаралардың бірі болды.

2026 жылғы 11–12 сәуір күндері Астана қаласындағы Nazarbayev University базасында өткен Республикалық студенттер пән олимпиадасында SDU University студенттері жоғары нәтиже көрсетті.

Математика пәні бойынша өткен білім додасына университетімізден Оралбек Дәурен, Нағашыбек Мұхаммед, Жанахметов Ансар, Ernest Regia және Сеидов Елдос қатысып, барлығы жүлделі III орынға ие болды.

Айта кету керек, олимпиада қорытындысы бойынша командалық нәтиже ең жоғары ұпай жинаған үш студенттің көрсеткіштері негізінде есептеледі. Осы жүйе бойынша SDU University командасы Nazarbayev University мен Kazakh-British Technical University командаларынан кейінгі III орынды иеленді.

Бұл жетістік студенттеріміздің математикалық дайындығының жоғары деңгейін, табандылығы мен академиялық әлеуетін айқын көрсетеді.

SDU University ұжымы жеңімпаз студенттерді құттықтай отырып, алдағы ғылыми және білім жолында жаңа табыстар тілейді!

2026 жылғы 9 сәуірде SDU University Малайзиядағы жетекші жоғары оқу орындарының бірі – Сұлтан Идрис атындағы Малайзия педагогикалық университетінің (Sultan Idris Education University) делегациясын қабылдады. Аталған университет әлемдік жоғары оқу орындары рейтингтерінде жоғары орындарға ие, атап айтқанда, Times Higher Education (THE) рейтингінде Education Studies бағыты бойынша 101–125 аралығында, ал QS Asian University Rankings тізімінде 156-орында орналасқан.

Сапар аясында қонақтар SDU University басшылығымен ресми кездесу өткізіп, екіжақты ынтымақтастықты дамыту мәселелерін талқылады.

Кездесудің негізгі мақсаты – екі университет арасындағы серіктестікті нығайту, атап айтқанда, студенттер мен оқытушылардың академиялық ұтқырлық бағдарламаларын кеңейту, сондай-ақ бірлескен ғылыми жобалар мен гранттарды жүзеге асыру бағыттарын дамыту болды.

Тараптар білім беру және ғылыми-зерттеу салаларындағы өзара тиімді әріптестікті арттыруға бағытталған бірлескен бастамалар мен жобаларды іске асыру мүмкіндіктерін қарастырды.

Аталған кездесу SDU University-дің халықаралық ынтымақтастықты кеңейту және жаһандық білім беру кеңістігіндегі өз орнын нығайту жолындағы маңызды қадамдарының бірі болды.

Университетімізде ғалымдардың қатысуымен «Толық Адам» концепциясының ғылыми және практикалық негіздеріне арналған дөңгелек үстел өтті. Іс-шараға отандық белгілі ғалымдар, университет оқытушылары мен студенттер қатысты.

Ашылу сөзінде университеттің академиялық және ғылыми істер жөніндегі проректоры Мақсат Қалыбек сөз сөйлеп, мұндай ғылыми кездесулердің маңыздылығына тоқталды. Сонымен қатар, Білім беру және гуманитарлық ғылымдар мектебінің деканы Дана Молдабаева қатысушыларға ізгі тілегін білдірді.

Іс-шараның ғылыми бөлімінде «Толық Адам» концепциясына қатысты бірқатар мазмұнды баяндамалар ұсынылды. Алдымен белгілі ғалым Мекемтас Мырзахметовтің ғылыми мұрасы мен оның абайтану саласындағы еңбектері жайлы қысқаша ақпарат берілді.

Одан кейін «Хәкім Абай» орталығының директоры Жабал Шойынбет «Толық Адам» концепциясының шығу тарихы мен қазіргі даму ерекшеліктеріне тоқталды. Доцент Мақсат Әліпхан аталған концепцияның құрылымдық компоненттерін талдаса, доцент Мұрат Мырзахмет бұл ілімнің өмірдегі қолдану тәжірибесі туралы ой бөлісті. Ал ҚазҰУ докторанты Ерулан Әсентайұлы «Толық Адам» моделінің практикалық маңызын атап өтті.

Келесі кезеңде қатысушылар топтық жұмысқа бөлініп, «Ақыл», «Жүрек», «Қайрат», «Әділет» ұғымдары негізінде ұсынылған дилеммалық тапсырмаларға шешімдер әзірледі. Әр топ өз нәтижелерін постер арқылы қорғап, мазмұнды пікірталас өрбіді.

Сұрақ-жауап сессиясында студенттер мен оқытушылар ғалымдарға өздерін қызықтырған сұрақтарын қойып, мазмұнды жауаптар алды.

Іс-шара соңында топтық жұмыстар қорытындыланып, дөңгелек үстелдің негізгі ғылыми және практикалық нәтижелері талқыланды. Кафедра меңгерушісі қатысушы ғалымдарға алғысын білдіріп, естелік суретке түсу рәсімімен шара өз мәресіне жетті.

«Dauletten» қайырымдылық қоры студенттерге арналған «Білімнің жұлдызы» шәкіртақы байқауына өтінім қабылдаудың басталғанын хабарлайды. Аталған жоба білімді, белсенді және әлеуметтік қолдауды қажет ететін жастарды қолдауға бағытталған.

2026 жылы байқау аясында 200 студентке 100 000 теңге көлемінде бір реттік шәкіртақы тағайындалады.

Байқауға қатысу үшін келесі талаптарға сай болуы қажет:

1. Қазақстан Республикасының азаматы болуы;
2. Колледж немесе жоғары оқу орнының 1–3 курс студенті болуы;
3. Күндізгі бөлімде, ақылы негізде білім алуы;
4. Оқу үлгерімі жақсы немесе өте жақсы болуы:
   – ЖОО үшін GPA ≥ 2.5;
   – колледж үшін GPA ≥ 3.0;
5. Әлеуметтік санаттардың біріне жатуы (көпбалалы, аз қамтылған, толық емес отбасы және т.б.).

Өтінім беру тәртібі:

1. Өтінімдер 2026 жылғы 13 сәуір сағат 09:00-ден 17 сәуір сағат 23:59-ға дейін қабылданады;
2. Өтінімдер www.dauletten.kz ресми сайты арқылы онлайн түрде жіберіледі.

Қажетті құжаттар тізімі:

1. Жеке куәлік көшірмесі;
2. Оқу орнынан анықтама;
3. Транскрипт немесе үлгерім құжаты;
4. Әлеуметтік жағдайды растайтын құжаттар;
5. Жетістіктерді растайтын құжаттар (сертификаттар, дипломдар);
6. «Мен неге бұл шәкіртақыға лайықпын?» тақырыбында 150–300 сөздік мотивациялық хат.

Байқау бірнеше кезеңнен тұрады. Іріктеуден өткен қатысушылар екінші кезеңде онлайн сұхбаттасудан өтеді. Ұйымдастырушылар құжаттарды толық әрі талаптарға сәйкес ұсыну қажеттігін ескертеді.

Толық ақпарат байқаудың ресми сайтында қолжетімді.
Мүмкіндікті жіберіп алмаңыз!

SDU University өкілдері Андрей Богданчиков пен Мерарслан Мералиев PRO ERTEN подкастының жаңа шығарылымына қатысып, IT және білім беру саласындағы өзекті мәселелерді талқылады.

Подкаст барысында спикерлер қазіргі заман талаптарына сай жасанды интеллектіні тиімді қолдану, технологиялармен үйлесімді даму және сыни ойлаудың маңыздылығы туралы ой қозғады. Сонымен қатар, олар интеллект арқылы нарықта ерекшелену жолдары мен болашақ мамандарға қажетті дағдылар жайында пікірлерімен бөлісті.

Аталған шығарылым IT мен білім беру саласындағы соңғы трендтерге қызығушылық танытатын барша көрерменге пайдалы болмақ. Толығырақ ERТEN Media сайтынан оқи аласыздар.

SDU University жанындағы STEM Research Center ұйымдастыруымен ғылым мен білімді дамытуға бағытталған ауқымды іс-шара өтті. Жиынға 140-қа жуық мектеп мұғалімдері, білім беру ұйымдарының директорлары және студенттер қатысты.

Іс-шараның ашылу салтанатында қатысушыларды STEM бағытындағы білім берудің маңыздылығы мен болашағы туралы мазмұнды бағдарлама күтіп тұрды. Алғашқы спикер, PhD докторы Умар Адам Ибрахим «Introduction of STEM» тақырыбында баяндама жасап, STEM білім берудің негізгі қағидалары мен жаһандық трендтеріне тоқталды.

Сондай-ақ, іс-шара аясында тәжірибелі сарапшылар өз ойларымен бөлісті. Олардың қатарында Жаңыл Әбілбек, PhD, ассистент профессор және «Жаратылыстану ғылымдары педагогикасы» кафедрасының меңгерушісі, сондай-ақ AZ Advisory компаниясының негізін қалаушысы, медиа және коммуникация саласындағы PhD кандидаты Арайлым Жакыпова болды. Арайлым Жакыпова «Келесі белес: Қазақстанда ғылымның болашағын қалыптастыратын әйелдер» тақырыбында баяндама жасап, STEM саласындағы әйелдердің рөлі мен мүмкіндіктерін атап өтті.

Іс-шараның маңызды бөлігі – «Қазақстандағы STEM білім берудің болашағы» тақырыбындағы панельдік талқылау болды. Панельге SDU University Ғылым департаментінің директоры Әсем Каукенова, Қаскелең қаласындағы «Жайлы мектеп» директоры Гүлжан Ахметова, маркетолог әрі білім беру жобаларының тең құрылтайшысы Шынар Рыспаева, сондай-ақ Назарбаев университетінің түлегі, IB бағдарламасының Biology пәні мұғалімі және MYP координаторы Айнұр Бекболатова қатысты.

Талқылау барысында қатысушылар Қазақстандағы STEM білім беру жүйесінің қазіргі жағдайы, алдағы 10–15 жылдағы даму перспективалары, негізгі мүмкіндіктер мен сын-қатерлер туралы пікір алмасты. Сонымен қатар, университеттер мен мектептердің болашақ STEM мамандарын даярлаудағы рөлі, қыз балалар мен әйелдердің ғылым саласындағы орны, сондай-ақ білім беру бағдарламаларын жетілдіру жолдары кеңінен қарастырылды.

Спикерлер STEM пәндерін оқытудың тиімді әдістері, жасанды интеллект пен цифрлық технологиялардың білім беру үдерісіне ықпалы, сондай-ақ пәнаралық тәсілдің маңыздылығы туралы өз тәжірибелерімен бөлісті. Сонымен қатар, білім беру ұйымдары, индустрия және мемлекет арасындағы ынтымақтастықты күшейту мәселелері де назардан тыс қалмады.

Іс-шара соңында қатысушылар STEM саласында мансап құруға ниетті студенттерге құнды кеңестер беріп, болашақ мамандар үшін маңызды дағдыларды атап өтті.

Аталған іс-шара SDU University-дің STEM білім беруді дамытуға және заманауи білім беру экожүйесін қалыптастыруға қосып отырған үлесінің айқын көрінісі болды.

SDU University-де Freedom Holding Corp. ұйымдастырған Data және Cybersecurity бағыттарына арналған Freedom Junior’s Day білім беру іс-шарасы өтті.

Іс-шара екі параллель трек форматында ұйымдастырылып, студенттерді, мамандарды және сала сарапшыларын біріктіріп, деректерді талдау мен ақпараттық қауіпсіздіктің заманауи тәсілдерін талқылауға мүмкіндік берді.

Data Track

Деректерге арналған трек аясында Freedom Holding Corp. және Freedom Ticketon сарапшылары корпоративтік өнімдерде аналитика мен машиналық оқытуды қолданудың практикалық мысалдарын ұсынды.

Қарастырылған тақырыптар:

• өнімдік аналитиканы құру — бастапқы деректерден бастап бизнес-дашбордтарға дейін
• Amplitude платформасын пайдалану арқылы аналитиканы енгізу
• өнім әзірлеуде фичалар мен метрикалармен жұмыс істеу тәсілдері
• сақтандыру және корпоративтік міндеттерде Data Science пен Machine Learning қолдану
• enterprise-инфрақұрылымдағы Data Engineer міндеттері
• деректер инженерлерінің жұмысында AI құралдарын, соның ішінде Claude Code-ты пайдалану

Security Track

Киберқауіпсіздікке арналған трек цифрлық сервистер мен инфрақұрылымды қорғаудың заманауи тәжірибелеріне арналды.

Freedom Holding Corp. сарапшылары келесі тақырыптарды қамтыды:

• миллиондаған пайдаланушысы бар өнімдерде функционалды қауіпсіз жүзеге асыру
• дербес деректерді қорғау және Data Protection Officer (DPO) маманының мансаптық жолы
• Blue Team тәжірибесі және инфрақұрылымға жасалатын шабуылдар мен қорғаныс сценарийлері
• AI-дың киберқауіпсіздік нарығына әсері және junior рөлдердің трансформациясы

Іс-шара индустрия өкілдері мен студенттер арасында тәжірибе алмасуға мүмкіндік беріп, қатысушыларға заманауи IT-компанияларда сұранысқа ие дағдылар мен технологияларды тереңірек түсінуге жол ашты.

Freedom Holding Corp. компаниясына сарапшылардың қатысуы мен білім беру бастамаларын қолдағаны үшін алғыс білдіреміз.